சென்னையிலிருந்து மோகனன்...

by moganan Wed May 14, 2014 7:54 am

First topic message reminder :

எனது பெயர் மோகனன் என்கிற மோ. கணேசன். எனது சொந்த ஊர்
ஆத்தூர் (சேலம் மாவட்டம்). தற்போது வசிப்பது மேற்கு தாம்பரத்தில் (சென்னை). 12 ஆண்டுகளுக்கும் மேலாக பத்திரிகைத் துறையில் இருக்கிறேன்.

ஆனந்த விகடன், தினமணி, மாலைமலர் போன்ற பத்திரிகைகளில் பணியாற்றியவன். தற்போது புதிய தலைமுறை கல்வி வார இதழில் உதவி ஆசிரியர் மற்றும் பத்திரிகையாளராக பணியாற்றிக் கொண்டிருக்கின்றேன்...

இணைய உலாவல் மூலம் ஆறு ஆண்டுகளுக்கு முன்பே ஈகரையை அறிந்தவன்.

கவிதை, கதை, கட்டுரை, வரலாற்றுப் புதினம் எழுதுவது... சினிமா பாடல் எழுதுவது இதுதான் எனது பொழுதுபோக்கு என்பதை விட, வெறி என்று கூட சொல்லலாம்.
சினிமாவில் பாடல் எழுதவும், நடிப்பதற்கும் முயற்சித்துக் கொண்டிருக்கிறேன். கூடிய விரைவில் இந்த முயற்சிக்கு பலன் கிடைக்குமென நம்புகிறேன்...

மேலும் என்னைப் பற்றி: கவிதை, கதை, கட்டுரை, குழந்தைப் பாடல், கானா பாடல் என ஒவ்வொன்றிற்கும் தனித்தனி blog வைத்திருக்கிறேன்.

அவ்ளோதாங்க என்னைப் பத்தி சொல்றதுக்கு... சொல்ற அளவுக்கு இன்னும் நான் சாதிக்கல... சாதிச்சதுக்கப்புறம் நீங்களே சொல்வீங்க...