புலவி நுணுக்கம்!

**சாமி** · **சாமி** Mon May 12, 2014 5:06 pm

புலவி நுணுக்கம் பற்றி முதன்முதல் புலப்படுத்தியவர் தெய்வப் புலவர் திருவள்ளுவர்.

"உப்பு அமைந்தற்றால் புலவி அதுசிறிது
மிக்கற்றால் நீள விடல்'' (குறள்:1302)

கறி காயின் அளவறிந்து உப்பிட்டுச் சமைத்ததற்கு ஒக்கும்; புலவியும் கலவியும் மிகாமலும் குறையாமலும் இருக்கவேண்டும் என்று உரைக்கிறார் பரிதியார் என்ற உரைகாரர். இப்புலவி இன்ப நுகர்ச்சிக்குத் துணை நின்று அதனை மிகுவிப்பதென்பது தமிழ் அக நூல்களில் பேசப்படும் உண்மை. அக வாழ்க்கையின் அன்பு தோய்ந்த உணர்வுகளை அவை அழகாகப் பட்டியலிட்டன.

"குறள் என்ற இலக்கணத்தை விளக்க பெரிய புராணம் இலக்கியமாகத் திகழ்கிறது'' என்பார் பெரியபுராண ஆராய்ச்சியாளர் சி.கே.எஸ். எளிய சொற்போக்கும் உயர்ந்த நோக்கும் கொண்டு படிப்போர் மனத்தை உயர்விலேயே கொண்டு போய் வைப்பது சேக்கிழாரின் பெரியபுராணம். அதில், வள்ளுவரின் வழி, சேக்கிழாரும் புலவி நுணுக்கம் பற்றி, (பரந்த அந்த இன்ப நிலையை) வர்ணிக்கும் காட்சியைக் காண்போம்.

"யாழின்மொழி எழில்முறுவல் இருகுழைமேல் கடைபிறழும்
மாழைவிழி வனமுலையார் மணிஅல்குல் துறைபடிந்து
வீழும்அவர்கு இடைதோன்றி மிகும்புலவி புணர்ச்சிக்கண்
ஊழியாம்ஒரு கணம்தான் அவ்வூழி ஒருகணம் ஆம்''

யாழினுமினிய மொழியினையும், அழகிய பல் வரிசையினையும், இரு காதுகளிலும் அணிந்த மகரக்குழைகளின் மேலே கடைப்பார்வை பிறழ்ந்து செல்லும் மாவடுவைப் போன்ற கண்களையும், சந்தனக்கோலமெழுதிய தனங்களையும் உடைய, சங்கிலியாரது அழகிய கடிதடத்தின் துறையிலே ஒழுகி விழும் நம்பிகள் (சுந்தரர்) சங்கிலியார் என்ற இருவருக்கும் இடையே உண்டாகி மிகுகின்ற புலவி (ஊடல்)நிற்கும் காலம் ஒரு கணமேயாயினும், அது ஊழிபோல நீடித்ததாம். புணர்ச்சியிலோ, அது நிகழும் காலம் நீண்டதாயினும் ஒரு கணமே போல் விரைந்து கழியுமாம்.

ஏனைய உலக இன்பங்கள் கூட அப்படித்தானே! ஆவலோடு அடைய விரும்பும்போது, காலம் விரைந்து செல்லுவதையும், விரும்பாத நிகழ்ச்சிகள் நேரும்போது, காலம் மெல்லச் செல்வதுபோலத் தோன்றுவதும் இயல்பல்லவா? (தினமணி)

**ரா.ரா3275** · **ரா.ரா3275** Tue May 13, 2014 12:12 am

அழகியப் பதிவு.பகிர்வுக்கு நன்றி.

பாலாஜி · பாலாஜி Tue May 13, 2014 1:36 pm

நல்ல பதிவு ... பகிர்வுக்கு நன்றி

vaanathi · vaanathi Sat Feb 14, 2015 3:51 pm

புலவி நுணுக்கம் அறிந்துகொண்டேன் -நன்றி

**M.Saranya** · **M.Saranya** Sat Feb 14, 2015 3:59 pm

நல்ல பகிர்வு...நன்றி...

**ayyasamy ram** · **ayyasamy ram** Sun Feb 15, 2015 3:00 pm

-
கட்டுரையாளர் மா.உலகநாதன்
-
[You must be registered and logged in to see this image.]

சிவனாசான் · சிவனாசான் Mon Feb 16, 2015 6:52 am

நல்ல பதிவு அன்பரே.....எல்லாம் தேவை இக்காலம்...............

Sponsored content · Sponsored content

புலவி நுணுக்கம்!

புலவி நுணுக்கம்!

Re: புலவி நுணுக்கம்!

Re: புலவி நுணுக்கம்!

Re: புலவி நுணுக்கம்!

Re: புலவி நுணுக்கம்!

Re: புலவி நுணுக்கம்!

Re: புலவி நுணுக்கம்!

Re: புலவி நுணுக்கம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக