ஹைக்கூ எழுதலாம் வாங்க - தொடர் பதிவு

by **முனைவர் ம.ரமேஷ்** Mon May 12, 2014 12:40 pm

First topic message reminder :

குளிர்காலத்தில் நாம் பகல்பொழுதிலேயே தண்ணீரில் குளிக்க கஷ்டப்படுவோம். அதுவும் இந்த ஐயப்ப பக்தர்கள் விடியற்காலையில் கிராமப்புறங்களில் குளத்தில் குளிப்பதைப் பார்த்திருக்கிறேன். எப்படித்தான் குளிக்க முடிகிறதோ தெரியவில்லை. அதை வைத்துதான் இந்த ஹைக்கூ பிறந்திருக்கிறது. குளத்தில் இருக்கும் தண்ணீர் விடியற்காலையில் வெதுவெதுப்பாகத்தான் இருக்குமாம். சரி குளிர் காலத்தில்தானே பனியும் வருகிறது. அதனால்,

மார்கழிப் பனி
வெதுவெதுப்பாய் குளம்

என்று முதலிரண்டு அடிகளை எழுதி முடித்து மூன்றாம் அடியில் “ஐயப்ப பக்தர்கள்” என்று எழுதலாம் என்று நினைத்து எழுதினேன்.

மார்கழிப் பனி
வெதுவெதுப்பாய் குளம்
ஐயப்ப பக்தர்கள்

பின்னர் சிந்தித்தேன்… ஐயப்ப பக்தர்கள் குளிப்பதில் என்ன சிறப்பு இருக்கப்போகிறது. மனிதர்கள் குளிக்கத்தானே வேண்டும். ஓர் அஃறிணை உயிரை கவிதையில் சேர்த்தால் சிறப்பாக இருக்கும் என்று எண்ணி “தவளை” என்று சேர்த்தேன். பின்னர் குதிக்கும் என்பதைச் சேர்த்து குதிக்கும் தவளை என்று மூன்றாவது அடியை எழுதி முடித்தேன்.

மார்கழிப் பனி
வெதுவெதுப்பாய் குளம்
குதிக்கும் தவளை

என்று எழுதி முடித்து ஆழ்ந்து சிந்தித்தேன். நீங்களும் சிந்தியுங்கள்! (தவளை தண்ணீரிலும் நிலத்திலும் வாழும் உயிரினம் என்பது தெரிந்ததுதான். ஹைக்கூவில் மூன்றாவது அடி தான் சிறப்பு வாய்ந்தது என்பார்கள் ஹைக்கூ ஆய்வாளர்கள். தவளை குதித்திருக்கிறது. ஏன் குதிக்க வேண்டும்? எதாவது துரத்தியதினால் பயந்து குதித்ததா? குளத்திலிருந்து வெளியேறி திரும்பவும் குதிக்கிறதா? அல்லது புதிதாக ஒரு தவளை குதிக்கிறதா? மெதுவாக குளத்திற்குள் இறங்காமல் ஏன் குதித்தது? இணை தேட இருக்குமா? இப்படியே இன்னும் விரித்துச் செல்லலாம்… நீங்களும் சொல்லலாம்…

மார்கழிப் பனி
வெதுவெதுப்பாய் குளம்
குதிக்கும் தவளை

by G.Ramajayam Thu May 29, 2014 11:01 am

பிஜிராமன் wrote:மெல்லிய காற்று
தவளையின் அழகிய தாவல்
விழுந்தது பாம்பின் வாயில்

அந்த அழகிய தாவல் பாம்பின் வாயிலா போய் முடிய வேண்டும்...

by G.Ramajayam Thu May 29, 2014 11:02 am

கிருஷ்ணா wrote:நீரோடை நீச்சலிடையே
நின்று பிடித்த உணவு
பாம்பு வாயில் தவளை!

தவறிருந்தால் திருத்தவும்

அழகான சிந்தனை... நல்ல படபிடிப்பு... பாராட்டுகள்

by **முனைவர் ம.ரமேஷ்** Thu May 29, 2014 2:37 pm

G.Ramajayam wrote:
கிருஷ்ணா wrote:நீரோடை நீச்சலிடையே
நின்று பிடித்த உணவு
பாம்பு வாயில் தவளை!

தவறிருந்தால் திருத்தவும்

அழகான சிந்தனை... நல்ல படபிடிப்பு... பாராட்டுகள்

பாரட்டுக்குத் தகுந்த சிறப்பான ஹைக்கூ இது. திருத்தங்கள் தேவையில்லை...

மற்றவர்களும் நல்ல ஹைக்கூகள் படைத்துள்ளீர்கள்... பாராட்டுகள்...

மகிழ்ச்சியாகவும் இருக்கிறது...

by **முனைவர் ம.ரமேஷ்** Fri Jun 06, 2014 7:49 am

பங்காளி நிலத்தில்
விழும் நிழல்; வெட்டினான்
மரக்கிளைகள்

இது எல்லாம் ஒரு ஹைக்கூவா? ஆமாம். இது ஹைக்கூ இல்லைதான். எப்படி ஹைக்கூ இல்லை என்று பார்ப்போம்.

இயற்கையைப் பாடுவது ஹைக்கூ. மானுடத்தைப் பாடுவது சென்ரியூ (இதுதான் ஹைக்கூ, சென்ரியூவின் சுருங்கிய சுருக்கம்).

இதில் மானுடத்தை – மனித மனத்தை – மனித நேயமின்மையை – பகைமையை – சுற்றுச் சூழல் சிதைவை – அண்ணன் தம்பி உறவு முறிவை (நல்ல வேலை ஒருவரை யொருவர் வெட்டிக்கொள்ள வில்லை ) – கிராமத்தில் இயல்பாக நடக்கும் நிகழ்வை மேற்கண்ட கவிதை பாடுவதால் அது சென்ரியூ.

மரத்தைக் வெட்டாமல் காத்திருந்தால் அது ஹைக்கூ.

வெட்டியதால் அது சென்ரியூ.

பங்காளி நிலத்தில்
விழும் நிழல்; வெட்டினான்
மரக்கிளைகள்

மேற்கண்ட சென்ரியூவை கொஞ்சம் மாற்றினால் ஹைக்கூவாக மாறிவிடும். சரி… எங்கே நீங்கள் ஒரு ஹைக்கூ அல்லது சென்ரியூ எழுதுங்களேன். (வரும் வாரம் வெட்டப்பட்ட மரம் வளர்கிறதா என்று பார்ப்போம் – என் கவிதையில் மரம் வளர்கிறது – மீண்டும் வெட்டவும் படுகிறது – ஹைக்கூவாகவும் மாறியிருக்கிறது.)

by ந.க.துறைவன் Fri Jun 06, 2014 9:09 am

சிறப்பான விளக்கம் இரமேஷ்... தொடருங்கள்.

by **முனைவர் ம.ரமேஷ்** Fri Jun 06, 2014 6:44 pm

மகிழ்ச்சி தோழமையே

by **M.M.SENTHIL** Fri Jun 06, 2014 10:45 pm

பங்காளி நிலத்தில்
விழும் நிழல் - வெட்ட
மனமில்லை மரத்தை!!

by **விமந்தனி** Sat Jun 07, 2014 1:03 am

கவியருவி ம.ரமேஷ் wrote:பங்காளி நிலத்தில்
விழும் நிழல்; வெட்டினான்
மரக்கிளைகள்
M.M.SENTHIL wrote:பங்காளி நிலத்தில்
விழும் நிழல் - வெட்ட
மனமில்லை மரத்தை!!

முன்னது சாத்தியம் - பின்னது சாத்தியமில்லை.

ஹைகூக்கள் அருமை. தொடரட்டும்.

by **ரா.ரா3275** Sat Jun 07, 2014 1:06 am

சென்ட்ரியூ /ஹைக்கூ விளக்கம் அருமை...இது யார் சொல்லிய விளக்கம்?...

by **M.M.SENTHIL** Sat Jun 07, 2014 1:00 pm

விமந்தனி wrote:
கவியருவி ம.ரமேஷ் wrote:பங்காளி நிலத்தில்
விழும் நிழல்; வெட்டினான்
மரக்கிளைகள்
M.M.SENTHIL wrote:பங்காளி நிலத்தில்
விழும் நிழல் - வெட்ட
மனமில்லை மரத்தை!!

முன்னது சாத்தியம் - பின்னது சாத்தியமில்லை.

ஹைகூக்கள் அருமை. தொடரட்டும்.

மேற்கோள் செய்த பதிவு: 1067996

சாத்தியமில்லாதது என்று இல்லை, இந்த வறட்டு கௌரவம் இருகிறதே அது மனிதனை படுத்தும் பாடுதான் இது.