திருமண தடை நீக்கும் 10 டிப்ஸ் !

by **krishnaamma** Sat May 10, 2014 9:18 pm

1. துளசி கல்யாணம் செய்தால் விரைவில் திருமணமாகும்.

2. ஓர் ஏழைப் பெண்ணுக்கு எண்ணெய் ஸ்நானம் செய்வித்து, சக்திக்கு ஏற்ப புத்தாடை அளித்து உணவு அளித்தால் திருமணம் விரைவில் நடைபெறும்.

3. சென்னை - திருவேற்காட்டில் தேவி கருமாரி அம்மன் கோவில் உள்ளது.
பல்வேறு புராணச் சிறப்புகள் மிக்கது. இந்த ஆலயம் திருவேற்காடு கருமாரியம்மனை தரிசிக்கும் கன்னிப்பெண்களுக்கு விரைவில் திருமண பாக்கியம் கூடி வருகிறது.

4. வேப்ப மரத்தடியில் வீற்றிருக்கும் பிள்ளையாரை கடலை எண்ணை நீங்கலாக பிற பஞ்ச தீப எண்ணெய் ஊற்றி தீபம் ஏற்றி மஞ்சள் பொடி அபிஷேகமும், பால் அபிஷேகமும் செய்து வழிபட்டு வந்தால் மனதிற்கேற்ற வாழ்க்கை துணை அமையும்.

5. காஞ்சீபுரம் கச்சபேஸ்வரர் ஆலயத்தில் உள்ள நாகமூர்த்திகளை வெள்ளிக்கிழமை மற்றும் பஞ்சமி நாட்களில் அடிப்பிரதட்சணம் செய்யுங்கள். ஏழை சுமங்கலிப் பெண்களுக்கு மாங்கல்யச் சரடு தானம் செய்யுங்கள். சகல திருமண தோஷமும் தீரும்.

6. தேவதோஷம், பித்ரு தோஷம், சர்ப்ப தோஷம், திருஷ்டி தோஷம், பிரேத சாபம், அபிஷார தோஷம் என்று ஆறு வகையான தோஷங்களால் திருமணம் தடைப்படுகிறது. கல்யாண சுந்தரேஸ்வரரை வணங்கி விரதம் இருந்தால் இந்த 6 வகை தோஷங்களும் நீங்கி உடனே திருமணம் ஆகிவிடும்.

7. திருமணம் செவ்வாய் தோஷத்தால் தடைபடு மாயின் வைத்தீஸ்வரன் கோவிலில் உள்ள முத்துக்குமார சுவாமியை (முருகன்) வணங்கி வர விரைவில் திருமணம் நிச்சயமாகும்.

8. வியாழக்கிழமையில் தட்சிணாமூர்த்திக்கு நெய் தீபம் ஏற்றி அர்ச்சித்து வழிபட திருமணம் கை கூடும்.

9. புன்னை மரத்தை சுற்றி வணங்கி வந்தால் திருமணம் விரைவில் நடைபெறும்.

10. ஞாயிறு தோறும் ராகு காலத்தில் (மாலை 4.30 மணி முதல் 6 மணி வரை) தீபம் ஏற்றி துர்க்கையை வழிபட வேண்டும். துர்க்கையை மனம் உருக வேண்டினால் நிச்சயம் பெண்களுக்கு விரைவில் திருமணம் கூடி வரும்.

மிக முக்கியமாக ஒன்று, எங்கள் வீடுகளில் நாங்கள் செய்வது "வாரணமாயிரம் " என்கிற ஆண்டாளின் பாசுரத்தை, சாதாரணமாக நாங்கள் எங்கள் வீடுகளில் பெண்கள் 'பெரியவளானதுமே' படிக்க சொல்வோம் ஆண் குழந்தைகளுக்காக அவர்களின் அம்மாக்கள் படிக்கலாம். நான் எங்க கிருஷ்ணா காக படித்தேன். பெண்கள் தங்களுக்கு கல்யாணம் ஆக இதை படிக்கலாம்

by **ரா.ரா3275** Sat May 10, 2014 10:24 pm

நல்ல பதிவு...நன்றி...

by கிருஷ்ணா Sat May 10, 2014 10:36 pm

இப்போதுள்ள பெண்கள்தான் திருமணத்தை தள்ளிப் போடுகின்றனர். ஆண்களுக்கு திருமணமாக என்ன செய்ய வேண்டும்?

by **Manik** Sun May 11, 2014 3:57 pm

நல்ல பதிவு பகிர்ந்தமைக்கு நன்றி அம்மா......

ஆண்களுக்கு......

by கோ. செந்தில்குமார் Sun May 11, 2014 4:22 pm

ஆண்கள் காத்யாயினி துர்க்கையை வழிபாடு செய்ய வேண்டும். அவ்வாறு செய்து வந்தால் எல்லா வித தோஷங்களும் நீங்கி திருமணம் நடைபெறும்...!

by **krishnaamma** Sun May 11, 2014 6:51 pm

கிருஷ்ணா wrote:[link="/t110147-10#1062878"]இப்போதுள்ள பெண்கள்தான் திருமணத்தை தள்ளிப் போடுகின்றனர். ஆண்களுக்கு திருமணமாக என்ன செய்ய வேண்டும்?

Manik wrote:[link="/t110147-10#1062971"]நல்ல பதிவு பகிர்ந்தமைக்கு நன்றி அம்மா......

ஆண்களுக்கு......

நான் தேடிப்பார்க்கிறேன் , என்றாலும் நான் செய்ததை சொல்கிறேன்.

"வாரணமாயிரம்" என்கிற ஆண்டாளின் பாசுரத்தை எங்க கிருஷ்ணா க்கு கல்யாணம் ஆகணும் என்று படித்தேன். சாதாரணமாக நாங்கள் எங்கள் வீடுகளில் பெண்கள் 'பெரியவளானதுமே' இதை படிக்க சொல்வோம் புன்னகை

பெண்களும் தங்களுக்கு கல்யாணம் ஆக இதை படிக்கலாம் புன்னகை

வேண்டுமானால் 11 வதாக இதையும் மேலே சேர்த்து விடுகிறேன் புன்னகை