தங்கம் வாங்கும் போது கவனிக்க வேண்டியவைகள்

தங்க ஆபரணங்கள் வாங்கும்போது வாடிக்கையாளர்கள் கட்டாயம் சில விஷயங்களைக் கவனிக்க வேண்டும்.

ஹால்மார்க் நகைகள்:

ஹால்மார்க் தரச்சான்று பெற்ற நகைகளை வாங்குவது முக்கியம். அந்த நகைகளிலும் 5 முக்கியமான விஷயங்களை கவனிக்க வேண்டும்.

ஆண்டு:

நகை எந்த ஆண்டு தயாரிக்கப்பட்டது என்பதைக் குறிக்கும் வகையில் ஆபரணத்தில் மேல் ஏ,பி,சி,ஈ உள்ளிட்ட எழுத்துக்கள் அச்சிடப்பட்டிருக்கும். இதன் மூலம் நகை எந்த ஆண்டு உருவாக்கப்பட்டது என்பதைக் கண்டறிய முடியும். மேலும் மெருகேற்றி விற்கப்படும் பழைய நகைகளை வாங்காமல் தவிர்க்கலாம்.

விவரங்கள்:

நகையை யார் உற்பத்தி செய்தார்கள், எந்த விற்பனையாளர் விற்கிறார் என்பது குறித்த சீல் ஆபரணத்தின் மேல் இருக்கும். இதன் மூலம் சட்டவிரோதமாகக் கொண்டு வரப்படும் நகைகளை வாங்கி ஏமாறுவதைத் தவிர்க்க முடியும்.

பரிசோதனை:

ஹால்மார்க் தரச்சான்று அளித்த பரிசோதனைக் கூடத்தினை அடையாளப்படுத்தும் வகையில் ஒரு குறியீடு நகையின் மேல் அச்சிடப்பட்டிருக்கும். இதைக் கொண்டு எந்த இடத்தில் நகைக்கு தரச்சான்று வழங்கப்பட்டது என்பதை நாம் அறிந்து கொள்ள முடியும்.

தரம்:

அனைத்து ஹால்மார்க் நகைகளும் 22 காரட் (91.6 சதவீதம்) தங்கம் சேர்க்கப்பட்ட நகைகளாக இருக்கும் என கருதக் கூடாது. ஹால்மார்க் என்பது தரத்துக்கு வழங்கப்படும் சான்றிதழ் மட்டுமே. எனவே 18 காரட், 20 காரட் என எந்த மதிப்பிலான தங்கத்திற்கும் ஹால்மார்க் தரச்சான்று பெற முடியும். வாடிக்கையாளர்கள் தங்க ஆபரணங்கள் வாங்கும் போது 22 காரட் என நகையின் மேல் குறிப்பிடப்பட்டுள்ளதா என்பதை சரி பார்ப்பது அவசியம்.

குறியீடு:

ஹால்மார்க் தரச்சான்று பெற்ற நகைகள் என்பதைக் குறிக்கும் முக்கோண வடிவிலான குறியீடு நகையின் மேல் அச்சிடப்பட்டிருக்கும். அதை உறுதி செய்த பின்னரே வாடிக்கையாளர்கள் நகைகளை வாங்க வேண்டும்.

வழக்கு தொடுக்கலாம்:

வாடிக்கையாளர்கள் வாங்கிச் செல்லும் ஹால்மார்க் தரச்சான்று பெற்ற நகைகளில் ஏதேனும் குறைபாடு கண்டறியப்பட்டால் விற்பனையாளர் மற்றும் பரிசோதகர் மீது சட்டரீதியான நடவடிக்கை எடுக்க முடியும். இத்தகைய வழக்குகளில் பெரும்பாலும் வாடிக்கையாளர்களுக்கு சாதகமாகவே தீர்ப்பு வெளியாகியுள்ளது.

ரசீது கட்டாயம்:

நம்மில் பலர் ஆயிரக்கணக்கில் செலவு செய்து நகைகள் வாங்கிவிட்டு சில நூறுகளை சேமிப்பதற்காக ரசீது வாங்குவதில்லை. தங்க நகைகளைப் பொருத்த வரையில் 1 சதவீதம் மட்டுமே விற்பனை வரியாக வசூலிக்கப்படுகிறது. உதாரணத்துக்கு ஒரு பவுன் நகை வாங்கினால் வாடிக்கையாளர்கள் ரூ.220 மட்டுமே வரியாக செலுத்த வேண்டும்.

அதை சேமிப்பதற்காக நாம் ரசீதின்றி நகை வாங்கக் கூடாது. நகை திருடப்பட்டாலோ, தொலைந்து போனாலோ ரசீதின்றி எந்த வழக்கையும் பதிவு செய்ய முடியாது. எனவே ஒரு கிராம் தங்கம் வாங்கினாலும் வாடிக்கையாளர்கள் மறவாது ரசீதைக் கேட்டுப் பெற வேண்டும்.

[thanks] தினமலர் [/thanks]

இந்தப் பதிவ போன வாரம் போட்டிருக்க கூடாதா, இப்ப தான் அதாவது நேத்து தான் கொஞ்சம் தங்கம் வாங்கினேன். ரொம்ப லேட் மாமா அங்கள் நீங்க.

அவசியமான பதிவு சிவா

மேலும் இந்த விவரம் சூப்பர் நான் கேள்விப்பட்டதில்லை இது வரை !

//நகை எந்த ஆண்டு தயாரிக்கப்பட்டது என்பதைக் குறிக்கும் வகையில் ஆபரணத்தில் மேல் ஏ,பி,சி,ஈ உள்ளிட்ட எழுத்துக்கள் அச்சிடப்பட்டிருக்கும். இதன் மூலம் நகை எந்த ஆண்டு உருவாக்கப்பட்டது என்பதைக் கண்டறிய முடியும். மேலும் மெருகேற்றி விற்கப்படும் பழைய நகைகளை வாங்காமல் தவிர்க்கலாம்.//

A B C E எழுத்துகளை நான் கண்டதில்லை .எங்கே பதிவிட்டு இருப்பார்கள்?
அந்த எழுத்துகளின் விளக்கம் கூற இயலுமா? A என்றால் எந்த வருடத்தை குறிக்கும் B C E எந்தெந்த வருடங்களை குறிக்கும் ?

ரமணியன்

T.N.Balasubramanian wrote:[link="/t109919-topic#1062567"]A B C E எழுத்துகளை நான் கண்டதில்லை .எங்கே பதிவிட்டு இருப்பார்கள்?
அந்த எழுத்துகளின் விளக்கம் கூற இயலுமா? A என்றால் எந்த வருடத்தை குறிக்கும் B C E எந்தெந்த வருடங்களை குறிக்கும் ?

ரமணியன்

இந்தக் குறியீடுகள் புதியவைகளாக இருக்குமோ? எனக்குத் தெரிந்து தரத்தைக் குறிக்க ஹால்மார்க் முத்திரைதான் இருக்கும்.

916 என பொறித்திருப்பார்கள். அந்த கடையின் பெயரில் உள்ள முதலெழுத்துக்கள் இருக்கும். ஆனால் a b c பார்த்ததில்லை.

 

பொம்மனாட்டிங்களா உஷாரு...சிவாண்ணன் கட்டுரையப் பாருங்க...நகைய பாக்குறதுக்கு முன்னாடி...