மனசாட்சி!!

lakshanika1@gmail.com · lakshanika1@gmail.com Tue 6 May 2014 - 18:56

முத்தமிழ் அன்று அலங்கரித்தது!
பாக்களையும்! சபாக்களையும்!
ஆனால், இன்றோ!
தெனாவெட்டாய் பேசும் சென்னைத் தமிழ்!
அதிரப் பேசும் மதுரைத் தமிழ்!
கொஞசிப் பேசும் கோவைத் தமிழ்!
அனலாய்ப் பேசும் நெல்லைத் தமிழ்!
இவையனைத்திலும் சோரம் போய் நிற்கிறதே என்தமிழ்!
ஒரு ஓரம் போய் நிற்கிறதே செந்தமிழ்!
நான் எப்படிச் சொல்வேன்!?
என் மனசாட்சியை வெல்வேன்!?
கண்மூடித்தனமாய் . . . . . . என்
' தமிழுக்கு அமுதென்று பேர் என்று !! . . . . .

**சிவா** · **சிவா** Tue 6 May 2014 - 19:02

[iq]கண்மூடித்தனமாய் . . . . . . என்
' தமிழுக்கு அமுதென்று பேர் என்று !! . . . . .[/iq]

யார் எங்கு எப்படிப் பேசினாலும் என் தமிழுக்கு என்றும் அமுதென்றுதான் பெயர்! அதில் எந்த மாற்றமுமில்லை!

**விமந்தனி** · **விமந்தனி** Wed 7 May 2014 - 0:17

தமிழுக்கு அமுதென்ற பேரா...?
இல்லையில்லை..... அமுதுக்கு தான் தமிழென்று பேர்!
நல்லழ்கிற்கும் தமிழ் என்று தான் பேர்.
"யாமறிந்த மொழிகளிலே தமிழ் மொழி போல் எங்கும் காணோம்" என்பது பாரதியின் கூற்று.
எந்த ஏரியாவில் எப்படி பேசினாலும், தமிழ் அழகாய் தானிருக்கும். தமிழுக்கு தீந்தமிழ் என்றொரு பெயரும் உண்டு.

lakshanika1@gmail.com · lakshanika1@gmail.com Wed 7 May 2014 - 11:45

யாம் அறிந்த மொழிகளிலும் இனிமையானது தீந்தமிழே ! தேன்தமிழே !! சகோதரி கவிதை என்பது எல்லா பரிமாணத்திலும் பார்க்கப்பட வேண்டியதே ! என் தமிழ் சில நேரங்களில் இப்படியா எனும் என் ஆதங்கத்தை பகர்ந்தேன் தவிர தமிழ் எனக்கு என்றும் பகை இல்லை. எப்போதும் நான் அணியும் நகை ! மாறா புன்னகை !! மனசாட்சி!! 1757813334

**விமந்தனி** · **விமந்தனி** Wed 7 May 2014 - 12:39

ஆதங்கத்தில் தவறொன்றுமில்லை. சில சமயங்களில் தன் குழந்தை மீது தாய் ஆதங்கப்படுவதில்லையா? உன்வரிகள் அப்படித்தான் எனக்கு தோன்றியது. உன் ஆதங்கம் அர்த்தமற்றது என்று நினைத்தேன். அதனால் மறுமொழிந்தேன்.
அது சகோதரி மனதை புண்படுத்தியிருந்தால்.......... மனசாட்சி!! 1757813334

**M.M.SENTHIL** · **M.M.SENTHIL** Wed 7 May 2014 - 20:51

தமிழ் அமுதை
பேசும் விதம் மாறலாம்,
பேச்சு வழக்கு ஊருக்கு, ஊர் மாறும்
ஆனாலும் அந்த பேச்சிலும்
என் தமிழ் அன்னை கம்பீரமாய்
நின்றிருப்பாள்,
அதே கம்பீரத்தோடு சொல்லிக் கொள்வோம்
தமிழுக்கு அமுதென்று பேர்!!