முல்லைப் பெரியாறு அணை

முல்லைப் பெரியாறு அணை

சென்னை : முல்லைப் பெரியாறு அணை பிரச்னையில், சுப்ரீம் கோர்ட் வழங்கிய, தீர்ப்பு குறித்து கருத்து தெரிவித்துள்ள, முதல்வர் ஜெயலலிதா, ' வரலாற்று சிறப்பு மிகுந்த, இந்த வெற்றியை, தமிழக மக்களுக்கு அர்ப்பணிக்கிறேன்' என, தெரிவித்துள்ளார்.

அவரது அறிக்கை:முல்லைப் பெரியாறு அணை தொடர்பாக, என் தலைமையிலான அரசு, சுப்ரீம் கோர்ட்டில் தொடுத்த வழக்கு, அரசியல் சாசனப் பிரிவிற்கு மாற்றப்பட்டது. வழக்கை விசாரித்த, அரசியல் சாசனப் பிரிவு, ஐந்து பேர் கொண்ட குழுவை ஏற்படுத்த உத்தரவிட்டது. அப்போது, தமிழக முதல்வராக இருந்த கருணாநிதி, 'ஐவர் குழுவில், தமிழகம் இடம் பெறாது' என, அறிவித்தார்.இதை கண்டித்து, நான் அறிக்கை விட்டதும், ஐவர் குழுவில்,
தமிழகம் சார்பில், ஒரு பிரதிநிதியை, தி.மு.க., அரசு நியமித்தது.அடுத்து, 2011ல், தமிழக முதல்வராக நான் பொறுப்பேற்றதும், முல்லைப் பெரியாறு அணை தொடர்பாக, தமிழக சட்டசபையில் தீர்மானம் நிறைவேற்றப்பட்டது.

சுப்ரீம் கோர்ட் நியமித்த குழு, 2012 ஏப்ரல், 25ம் தேதி, தன் அறிக்கையை அளித்தது. வழக்கை விசாரித்த, ஐந்து நீதிபதிகள் கொண்ட, அரசியல் சாசன அமர்வு, நேற்று தீர்ப்பு வழங்கி உள்ளது.இந்த தீர்ப்பின் வாயிலாக, தென் தமிழக மாவட்டங்களைச் சேர்ந்த விவசாயிகள் மற்றும் மக்களின் வாழ்வாதாரம் நிலை நாட்டப்பட்டுள்ளது. 'வெற்றி மீது வெற்றி வந்து நம்மை சேரும்; அதை வாங்கித் தந்த பெருமை எல்லாம், தமிழக மக்களை சேரும்' என, தெரிவித்து, வரலாற்று சிறப்பு மிகுந்த, இந்த வெற்றியை, தமிழக மக்களுக்கு அர்ப்பணிக்கிறேன்.இவ்வாறு, ஜெயலலிதா தெரிவித்து உள்ளார்

முல்லைப்பெரியாறு அணை தீர்ப்பு: தலைவர்கள் வரவேற்பு:
முல்லைப்பெரியாறு அணை தொடர்பான வழக்கில், சுப்ரீம் கோர்ட், தமிழகத்திற்கு சாதகமாக தீர்ப்பு வழங்கியது, அ.தி.மு.க.,வினருக்கு உற்சாகத்தை ஏற்படுத்தி உள்ளது. நேற்று காலை, தீர்ப்பு வெளியானதும், பட்டாசு கொளுத்தி, இனிப்பு வழங்கி, மகிழ்ச்சியை பகிர்ந்து கொண்டனர்.

தி.மு.க., தலைவர் கருணாநிதி:
முல்லைப்பெரியாறு பற்றி வந்துள்ள தீர்ப்பு மகிழ்ச்சிக்குரியது. 'கேரளா அரசு, தடுப்பு அணை கட்டக் கூடாது' என, தெரிவிக்கப்பட்டுள்ளது. அதன் விவரங்களுக்குள் தற்போது நான் நுழைய விரும்பவில்லை.

தே.மு.தி.க., தலைவர் விஜயகாந்த்:
தமிழகத்தின் உரிமையை அ.தி.மு.க.,- - தி.மு.க., அரசுகள் சரியான முறையில் அணுகாமல் விட்டுக் கொடுத்ததுதான், இந்த பிரச்னைக்கு காரணம். இனிமேல் தமிழக அரசு கவனமுடன் செயல்பட வேண்டும்.

தமிழக காங்கிரஸ் தலைவர் ஞானதேசிகன்:
பிரச்னையை வளர்க்காமல், சுமுகமாக கொண்டு செல்ல வேண்டிய பொறுப்பு, இரு மாநில அரசுகளுக்கும் உண்டு. அதேமாதிரி அரசியல் கட்சிகளுக்கும் உண்டு.

மார்க்சிஸ்ட் கம்யூனிஸ்ட் கட்சியின் மாநில செயலர், ஜி.ராமகிருஷ்ணன்
இந்த தீர்ப்பை வரவேற்பதோடு, இத்தீர்ப்பை அமல்படுத்த, மத்திய அரசு உரிய நடவடிக்கைகளை மேற்கொள்ள வேண்டும்.இவ்வாறு, அவர்கள் கூறினர்.


நன்றி தினமலர்

ரமணியன்

நன்றி டி.என்.பாலசுப்ரமணியன் அவர்களே !

அனால் இன்று அனைவருக்கும் தத்தம் அரசியல் அல்லவா பெரிதாக உள்ளது ?

   

ஆம் , அதுதான் வருத்தத்தை கூட்டுகிறது .

ரமணியன்