எப்படியும் நீ வருவாய்...

by **ரா.ரா3275** Wed May 07, 2014 2:53 pm

First topic message reminder :

எனக்குத் தெரியும்
எப்படியும் நீ வருவாய்
என்னைத் தேடி

எப்போதுமே
எனக்கிருக்கும் ஈகோ
உனக்கிருப்பதில்லை

எனவே
எப்படியும் நீ வருவாய்
எனக்குத் தெரியும்

நீ
வீட்டுக்குள் வராமலே
வருவாய்

தொடாமலே தொடுவாய்
படாமலே படுவாய்

ஜன்னல் இல்லாவிடத்திலும்
சகஜமாய் வந்து
சந்திப்பு நடத்துவாய்

வெளியே இருந்தபடியே
உள்ளுக்குள் ஒழுகி
உயிரின் மனவெளிகள் வரை
ஊடுறுவி நனைப்பாய்

உன்னிடம் பெறும் சுகம்
உலக சுகம்
உயிர் சுகம்
உயர் சுகம்

சில்லென்றிருந்தபடியே
சில்மிஷச் சூடேற்றும் வித்தை
பெண்களுக்குக் கூட
பிடிபடாது மழையே!

வைரமுத்துவைப் போல
தேனீருக்கெல்லாம் அழைக்கப் போவதில்லை
மழையே உன்னை
திருமணமே புரிய ப்ரியம்!