போதை !!!

**பிஜிராமன்** · **பிஜிராமன்** Mon May 05, 2014 9:41 pm

தரையில் இருந்தபடி விண்ணில் ஒரு பயணம்
நினைவு குழைந்தபடி குறுகிய ஒரு பயணம்
மூளை திசுக்களிலே திரியை கொளுத்தி விடும்
மனித குணங்களையே வெடித்து சிதறவிடும்

சிறிதாய் எடுத்தாலோ மருந்தாய் அதுவிருக்கும்
நிறைய எடுத்தாலோ வாழ்வை அது கெடுக்கும்

வாழ்கை கனியினையே சொத்தை ஆக்கிவிடும்
பலநாள் தான்சேர்த்த சொத்தை அழித்துவிடும்

வேண்டாம் எனச்சொல்லேன் - அளவாய்
எடுங்கள் எனச்சொன்னேன்

**சாமி** · **சாமி** Tue May 06, 2014 12:17 am

சிறிதாய் எடுத்தாலோ மருந்தாய் அதுவிருக்கும்
........... ............... .............. ...............
வேண்டாம் எனச்சொல்லேன் - அளவாய்
எடுங்கள் எனச்சொன்னேன்

இந்த இரண்டு வரிகளைத்தவிர ஏனையவை சிறப்பு.
சிறிதாய் எடுத்தால் மருந்து என்பது பொருட்குற்றம்.

சிறிதாய் ஆரம்பித்து படுகுழிக்குள் வரவழைக்கும்
நிறைய எடுக்கவைத்து வாழ்வை கெடுக்கும்

வேண்டாம் எனச்சொன்னேன்... சொல்கிறேன்... சொல்வேன்.

இந்த பதிவைத் துவங்கியவர் நன்றி கூறியுள்ளார் சாமி

**பிஜிராமன்** · **பிஜிராமன்** Tue May 06, 2014 2:01 pm

வணக்கம் சாமி அவர்களே,
நான் இந்த கவிதையை எழுதும் பொழுது தவறான அறிவுரையாக ஆகி விடுமோ என எண்ணினேன் ஆனால் இது தினம் தினம் குடித்து குடித்து சீரழிந்து கொன்டிருப்பவர்களுக்காக எழுதியதால் சரி என்று மனதை தேற்றிக்கொண்டு எழுதினேன். தாங்கள் மறுமொழியில் கூறியதே என் கருத்தும்.
அளவாக உட்கொண்டால் நல்லது என்று படித்திருக்கிறேன் அதன் அடிப்படையிலே தான் அந்த வரி வைக்கப்பட்டது. இக்கவிதை குடிப்பவர்களுக்கு மட்டுமெ என்பதை தெரிவித்து கொள்கிறேன். தங்களின் கருத்திற்கும் வாழ்திற்கும் நன்றிகள்

Sponsored content · Sponsored content

போதை !!!

போதை !!!

Re: போதை !!!

Re: போதை !!!

Re: போதை !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக