சித்த மருத்துவம் (வயிற்றுப் புண் மற்றும் வயிற்றுக் கோளாறுகள் தீர!)

1.வயிற்றுவலி தீருவதற்கு:-மருதம் இலையை அரைத்து ஒரு கிராம் அளவிற்கு பாலில் கலக்கி உண்டு வர நாட்பட்ட வயிற்று வலி தீரும்.

2.இரத்தபேதி வயிற்றுக் கடுப்பு நிற்க:-மாந்துளிர் இலையும்,மாதுளை இலையும் சம அளவு எடுத்து (ஒரு கிராம் ) அரைத்து மோரில் கலக்கி குடித்து வர இரத்தபேதி வயிற்றுக் கடுப்பு முதலியன தீரும்.

3.வயிற்றுக் கோளாறுகள் வாயு தீர:-புதினாவை அரைத்து துவையல் செய்து உண்டு வர வுயிற்றுக் கோளாறு மற்றும் வாயுத் தொல்லைகள் தீரும்.

4.குடல் புண் (அல்சர்) தீர:-தினமும் காலையில் வெறும் வயிற்றில் திராட்சைப் பழச் சாறு குடித்து வர நாட்பட்ட குடல்புண்,வலி ஆகியன தீரும்.

5.இரத்த வாந்தி,வயிற்று வலி தீர:-தினசரி காலையில் வெங்காயத்தை உப்புடன் தொட்டு தின்று வர இரத்த வாந்தி மற்றும் வயிற்று வலி முதலியன தீரும்.

6.வயிற்று கடுப்பு ,பெரும்பாடு தீர:-மாமர வேர் பட்டையை சிதைத்துக் கசாயம் வைத்து காலை மாலை குடித்து வர பெண்களுக்கு ஏற்படும் உதிரப் போக்காகிய பெரும்பாடும்,ஆதனால் உண்டாகிய வலியும் தீரும்.

7.வயிற்று உப்பிசம் மற்றும் வாயு தீர:-சீரகம்,கருஞ் சீரகம், இரண்டையும் பொடி செய்து கரு வேப்பிலை,வெங்காயம் ,வெள்ளைப் பூண்டு,கிராம்பு சேர்த்து தயிறுடன் கலந்து உண்டு வர வயிற்று உப்பிசம் வாயு ஆகியன தீரும்.

8.வயிற்று வலிக்கு:-கசகசா,கருப்பட்டி (பனை வெல்லம்) ஆகியன சம அளவு எடுத்து அத்துடன் நான்கு கிராம்பையும் பொடி செய்து சேர்த்து காலை மாலை வெறும் வயிற்றில் சாப்பிட்டு வர வயிற்று வலி தீரும்.

9.வயிற்று வலி தீர:-மாதுளம் பழத்தின் தோலை நெருப்பில் சுட்டுக் கரியாக்கி அந்தத் தூளை கோதுமைக் கஞ்சியடன் கலந்து குடித்து வர நாட் பட்ட வயிற்றுவலி தீரும்.

10:-வயிற்றுப் பொருமல் தீர:-வெற்றிலை,ஓமம் இரண்டும் சேர்த்து இடித்துப் பிழிந்த சாற்றுடன் தேன் சேர்த்து காலை மாலை உண்டு வர வயிற்று வலி தீரும்.

11.வயிற்றுப் புண்,தொண்டைப்புண் தீர:-தேங்காய் பாலை வாயிலிட்டுக் கொப்பழித்து குடித்து வர வயிற்றுப் புண்,தொண்டைப் புண் தீரும்.


சிவம்செந்தில்
ஒம் குருவே சரணம்

சிறந்த மருத்துவக் குறிப்புகள்!