மூச்சு நின்றால் போச்சு!

**சாமி** · **சாமி** Sun May 04, 2014 7:18 pm

இரத்த அழுத்தம் (பி.பி.), சர்க்கரை நோய் போன்றவற்றுக்கு மருத்துவரிடம் சென்றால், நடக்கச் சொல்கின்றார், மூச்சுப் பயிற்சி (யோகா) செய்யுங்கள் என்கின்றனர். இதனை நம் சித்தர்கள் பல்லாண்டுகளுக்கு முன்பே பறைசாற்றியிருக்கிறார்கள். அதன் மகத்துவம் இன்று உலகெங்கும் மக்களால் உணரப்படுகிறது.

எவர் ஒருவர் மூச்சுக்காற்றை கட்டி ஆளும் வல்லமைப் பெற்றிருக்கிறாரோ அவர் வாழ்நாள் கூடுகிறது. ஒரு கணக்கு பார்ப்போம். மனிதன் நிமிடத்துக்கு 12 முறை மூச்சு விடுகிறான். சராசரி ஆயுள் 100. ஆமை நிமிடத்திற்கு 4 தடவை மூச்சுவிடுகிறது ஆயுள் 500 ஆண்டுகள். தேரை நிமிடத்திற்கு 2 தடவை மூச்சு விடுகிறது. ஆயுள் 2000 ஆண்டுகள். இதிலிருந்து மெதுவாக மூச்சு விடுவது எவ்வளவு ஆயுளைத் தருகிறது என்பதைக் கணிப்போமாக.

இந்த உலகில் உயிரினங்கள் யாவும் மூச்சுக்காற்றின் இயக்கத்தால்தான் உயிர் வாழ்கின்றன. மூச்சு நின்றால் உயிர் போச்சு என்பதை ஞானச்சித்தர் கோரக்கர் பின்வருமாறு கூறியுள்ளார்.

"வீடான வீடதுவும் சொந்த மாச்சு
வெளியாக ஓதிவைத்தேன் வினையம் ஏக
நாடான நாடதனிற் கடவு ளென்று
நானிலத்தில் ஆட்டுவித்தல் காற்று காற்று
கோடான கோடி தெய்வம் காற்றுக் கேதான்
கூறிவைத்தா ரல்லாது வேறொன் றில்லை
ஆடாத ஆட்டமெல்லாம் காற்று மாகும்
அதுவகன்றால் அகிலமுதல் அழிந்து போகும்''

இக்காற்றை அடக்கி ஆளும் முயற்சி உடையவருக்கு (யோக வலிமை) கூற்றுவனை (எமன்) எதிர்க்கும் ஆற்றல் வரும் என்பதை திருமூலரும்,

"ஏற்றி இறக்கி இருகாலும் பூரிக்கும்
காற்றைப் பிடிக்கும் கணக்கறி வாரில்லை
காற்றைப் பிடிக்கும் கணக்கறி வாளருக்கு
கூற்றை உதைக்கும் குறியது வாமே''

என்று எடுத்துரைக்கிறார். எனவே, மூச்சுப் பயிற்சியை முறையாகச் செய்தால், இவ்வுலகில் நீடித்த ஆயுளோடு நலமாக வாழலாம். (தினமணி)

**Dr.S.Soundarapandian** · **Dr.S.Soundarapandian** Sun May 04, 2014 8:22 pm

தினமணிச் செய்தி தந்த சிவாவுக்கு நன்றி !

பல்லாண்டுகளுக்கு முன்பே சொன்னவர்கள் தமிழர்கள் என்ற செய்தியே இங்கு இன்றியமையாதது !

**T.N.Balasubramanian** · **T.N.Balasubramanian** Sun May 04, 2014 9:22 pm

Dr.S.Soundarapandian wrote:[link="/t109968-topic#1061436"]தினமணிச் செய்தி தந்த சிவாவுக்கு நன்றி !

பல்லாண்டுகளுக்கு முன்பே சொன்னவர்கள் தமிழர்கள் என்ற செய்தியே இங்கு இன்றியமையாதது !

சாமியை மறந்ததேனோ பாண்டியரே ?

ரமணியன்

**சிவா** · **சிவா** Mon May 05, 2014 6:15 am

T.N.Balasubramanian wrote:[link="/t109968-topic#1061441"]
Dr.S.Soundarapandian wrote:[link="/t109968-topic#1061436"]தினமணிச் செய்தி தந்த சிவாவுக்கு நன்றி !

பல்லாண்டுகளுக்கு முன்பே சொன்னவர்கள் தமிழர்கள் என்ற செய்தியே இங்கு இன்றியமையாதது !

சாமியை மறந்ததேனோ பாண்டியரே ?

ரமணியன்

அதானே.....! சிரி