இயற்கை வைத்தியக் குறிப்புகள்

by **சிவா** Thu May 01, 2014 4:36 am

First topic message reminder :

படிக்கும் குழந்தைகளுக்கு ஞாபக சக்தி வளர

பரீட்சை சமயத்தில் எல்லாக் குழந்தைகளுக்கும் உள்ள பெரிய பிரச்சினை, எத்தனை முறை படித்திருந்தாலும் மனதில் பதியாமல் மறந்துவிடும். இந்தக் குறை நீங்க அரிசி, திப்பிலியை லேசாக வறுத்து, நைஸாக அரைத்து வெறும் வயிற்றில் தேனில் மூன்று சிட்டிகை கலந்து வெறும் வயிற்றில் சாப்பிட்டு வந்தால் ஞாபகசக்தி ஏற்படும்.

by **krishnaamma** Tue May 06, 2014 4:01 pm

சிவா wrote:[link="/t109880p45-topic#1061787"]
krishnaamma wrote:[link="/t109880p45-topic#1061783"]
சிவா wrote:[link="/t109880p45-topic#1060898"]கற்கண்டு சாப்பிடுவதால் உண்டாகும் நன்மைகள்...

கற்கண்டு சாப்பிட்டால் இரத்தம் சுத்தமாகும். கண்களில் ஏற்படும் திரை அகன்று, கண்னொளி பெருகும். கண் சிவப்பை மாற்றும். வெண்ணெய்யில் சேர்த்து தினமும் சாப்பிட்டு வந்தால் உடல் பெருக்கும்.

இது போல சிம்பிள் ஆக உடல் மெலிய வைத்தியம் உண்டா சிவா

சிம்பிளாக உடல் மெலிய ஆறு மாதத்திற்கு பச்சைக் காய்கறிகளை மட்டும் சாப்பிட்டு வந்தால் போதும் அக்கா!

வேற எதுவும் சாப்பிடாமல் வெறும் காய்கறிதானா சிவா? அரிசி, கோதுமை பால் எதுவும் இல்லாமல் வெறும் காய்கறி சாத்தியமா? சொல்லுங்கோ, முயலுகிறேன் புன்னகை

by **சிவா** Tue May 06, 2014 4:05 pm

கோதுமை சேர்க்கலாம் அக்கா, ஆனால் அரிசி, பால் நிச்சயம் கூடாது!

by **மாணிக்கம் நடேசன்** Tue May 06, 2014 5:11 pm

இது சிறு குழந்தைகளுக்கு மட்டும் தானா மாமா அங்கள், என்னைப் போன்ற இளைஞர்களுக்கு இல்லையா? உங்களைப் போன்ற பெருசுகளுக்கு நிச்சயமா தேவைப் படாது.

by **krishnaamma** Tue May 06, 2014 7:18 pm

சிவா wrote:[link="/t109880p60-topic#1061796"]கோதுமை சேர்க்கலாம் அக்கா, ஆனால் அரிசி, பால் நிச்சயம் கூடாது!

நன்றி சிவா, மற்றவை தனிமடலில் கேட்கிறேன் புன்னகை

by **சிவா** Wed May 14, 2014 2:30 am

டான்ஸில் வலி குறைய

குழந்தைகளுக்கு டான்ஸில் இருந்து, அதில் வீக்கம் இருந்தால், பனங்கற்கண்டு 1 கப், உலர்ந்த திராட்சை 1 கப், திப்பிலி 6, மிளகு 5-6, பட்டை - சின்ன துண்டு, அதிமதுரம் - சின்ன துண்டு, நெய் 2 ஸ்பூன், தேன் 1 ஸ்பூன் ஆகியவற்றை எடுத்துக்கொள்ளவும். பனங்கற்கண்டைப் பொடி செய்து, திராட்சையை அரைத்து வைத்துக்கொள்ளவும். மேலே சொன்ன மருந்துகளை நெய்யில் வறுத்துப் பொடி செய்யவும். வாணலியில் கொஞ்சம் தண்ணீர் விட்டு, பனங்கற் கண்டைச் சேர்த்துக் கொதி வந்ததும், திராட்சைப் பொடியைச் சேர்த்து 1 ஸ்பூன் நெய் சேர்த்து நன்றாகக் கிளறவும். லேகியம் பதம் வந்ததும் இறக்கி வைக்கவும். கடைசியில் தேன் சேர்க்கவும்.

தொண்டையில் வலி இருக்கும்போது, சுண்டைக்காயைவிட சிறிய உருண்டையைக் கொடுத்து வந்தால் சரியாகிவிடும்.

by **சிவா** Wed May 14, 2014 2:31 am

வீஸிங் குறைய

குழந்தைகளுக்கோ, பெரியவர்களுக்கோ வீஸிங் - மூச்சுவிடுவதில் சிரமம் இருந்தால், குங்குமப் பூவை பாலில் 2 இதழ் போட்டுக் காய்ச்சிக் குடித்தால் குறையும்.

by **சிவா** Wed May 14, 2014 2:31 am

பருமன் குறைய

உடல் பருமனாக இருப்பவர்கள் உடல் இளைக்க இளஞ்சூடான நீரில் 1 மூடி எலுமிச்சம் பழத்தைப் பிழிந்து 1 ஸ்பூன் தேன் அல்லது 1 சிட்டிகை உப்பைச் சேர்த்துக் காலையில் வெறும் வயிற்றில் குடித்து வந்தால், உடல் இளைக்கும்.

by **சிவா** Wed May 14, 2014 2:31 am

நெஞ்செரிச்சல்

அசிடிட்டியை தடுக்க, சாப்பிட்டவுடன் சுடுதண்ணீரில் 1 சின்ன வெல்லக் கட்டியை பொடி செய்து போட்டுக் குடித்து வந்தால், நெஞ்செரிச்சலும் அசிடிட்டியும் வராமல் தடுக்கும்.

by **சிவா** Wed May 14, 2014 2:31 am

கல்லீரல் பிரச்சினைக்கு

பப்பாளிக்காயை கூட்டு வைத்துச் சாப்பிட்டு வந்தால் கல்லீரலுக்கு நல்லது. வாரம் ஒரு முறை 10 நாளைக்கு ஒரு முறை இப்படிச் சாப்பிடவும். வெந்தயக் கீரையில் பொரியல், கூட்டு செய்து சாப்பிட்டாலும் கல்லீரலுக்கு நல்லது.