இணையதள பிரசாரத்தில் சாதனை படைத்தது அ.தி.மு.க!

சென்னை: நாடாளுமன்ற தேர்தலில் இணையதள பிரசாரத்தில் அ.தி.மு.க. சாதனை புரிந்து அகில இந்திய அளவில் முதல் இடத்தை பிடித்துள்ளது.

திராவிடக் கட்சிகளில் ஒன்றான தி.மு.க., கடந்த செப்டம்பர் மாதம் முதன்முறையாக இணையதள அணி என்ற அமைப்பை தொடங்கியது. அதன்பிறகு, அதேபோன்ற அணியை அ.தி.மு.க.வும் தொடங்கியது.

நடந்து முடிந்த நாடாளுமன்ற தேர்தலில் பல்வேறு கட்சிகளும் இணையதளம் மற்றும் பல்வேறு தொழில்நுட்ப சாதனங்கள் மூலம் பிரசாரம் மேற்கொண்டன.அந்த வகையில், இணையதளம் மூலம் பிரசாரம் மேற்கொண்ட அ.தி.மு.க., மற்ற கட்சிகளை பின்னுக்கு தள்ளி முதலிடம் பிடித்து புதிய சாதனை படைத்தது. அதாவது, தமிழக முதல்வர் ஜெயலலிதாவின் சாதனைகளையும், பிரசார யுக்திகளையும் இணையதளம் மூலம் அ.தி.மு.க. வெளியிட்டது.

இந்த அணுகுமுறை இளைஞர்கள் பலரையும் ஈர்த்து அ.தி.மு.க. இணையதளத்தை பார்வையிடச் செய்தது. இதனால், அ.தி.மு.க.வின் இணையதள மதிப்பு இந்திய அளவில் 18,853 புள்ளிகள் பெற்று முதலிடம் பிடித்தது. அ.தி.மு.க. இணையதளத்திற்கு வரும் பார்வையாளர்கள் குறைந்தபட்சம் அதில் உள்ள 5 தகவல் பக்கங்களுக்காவது வருகை தருகின்றனர். சராசரியாக ஒவ்வொருவரும் 6 நிமிடங்களுக்கு மேல் அவர்கள் இத்தளத்தில் செலவு செய்துள்ளனர். பிரபலமானவர்களை தேடும் வரிசையில் அமெரிக்க அதிபர் ஒபாமாவை பின்னுக்குத் தள்ளிவிட்டு முதல்வர் ஜெயலலிதா குறித்த தகவல் தேடல் முதல் இடம் பிடித்துள்ளது என்பது குறிப்பிடத்தக்கது.

இதேபோன்று, அ.தி.மு.க.வின் பேஸ்புக் சமூக வலைதளம் பிப்ரவரி மாதம் இறுதியில் தொடங்கப்பட்டு 2 மாத காலத்தில் 50 ஆயிரத்திற்கும் மேற்பட்ட பாலோயர்களை கொண்டுள்ளது. மேலும், போன் செய்து ஜெயலலிதாவின் பிரசாரத்தை கேட்கும் புதுமையும் அ.தி.மு.க.வால் செயல்படுத்தப்பட்டது.

[thanks] விகடன் [/thanks]

என்ன செய்து, என்ன பண்ண???
தமிழ் நாடு இன்னும் முன்னேறனும்,
அதுக்கு வழி இருந்தா சொல்லுங்கப்பு.......

M.M.SENTHIL wrote:[link="/t109844-topic#1060685"]என்ன செய்து, என்ன பண்ண???
தமிழ் நாடு இன்னும் முன்னேறனும்,
அதுக்கு வழி இருந்தா சொல்லுங்கப்பு.......

அதுக்குத்தான் அடுத்த வருடம் டாஸ்மாக் சரக்கு விற்பனையை அதிகரிக்க அரசு ஆர்வம் கொண்டுள்ளதே, போதாதா?

அரசியல் முன்னேற்றம்.