எத்தனை அறிவோ அத்தனை குழப்பம்

நமக்கு எவ்வளவு தெரியுமோ அவ்வளவு குழப்பிக் கொள்வோம்.

ஒன்றும் தெரியாத போது தெளிவு அதிகமாக இருக்கிறது.

எதிர் வீட்டுக் குழந்தை வந்து விளையாடிக் கொண்டிருந்தாள்.

“அங்கிள் சில மந்த்சுக்கு 31 டேய்ஸ், சில மந்த்சுக்கு 30 டேய்ஸ், எத்தனை மந்த்சுக்கு 28 டேய்ஸ்?” என்றாள்.

“ஒண்ணே ஒண்ணுக்குதாம்மா”

“தப்பு”

என் மனைவி அவசரமாக,

“லீப் வருஷமா இருந்தா எதுக்குமே கிடையாது” என்றாள்.

‘என்ன ஞானம்டா ராமா…’ என்று நான் பெருமையாகப் பார்த்தேன். ஆனால் அந்தக் குழந்தை அதற்கும்,

“ம்ம் ஹூம் தப்பு, என்றது”

“சரி, நீயே சொல்லேன்”

“எல்லா மாசத்துக்குமே 28 நாள் கண்டிப்பா உண்டு”

ம்ம்ம் என்று பெருமூச்சு விடுவதை விட வேறெதுவும் சொல்ல முடியவில்லை.

குழந்தை அடுத்த கேள்வியைக் கேட்டாள்,

“டாக்டர் மூணு மாத்திரை குடுத்து அரை மணிக்கு ஒண்ணு சாப்பிடச் சொன்னா எல்லா மாத்திரையும் தீர எவ்வளவு நேரமாகும்?”

“என்னம்மா இது சிம்பிள் அரித்மெட்டிக், த்ரீ பை ஹாப் ஒண்ணரை மணி நேரம் ஆகும்”

“தப்பு”

பெருக்கிக் கொண்டிருந்த வேலைக்காரி,

“ஒரு மணி நேரம்” என்றாள்.

“கரெக்ட். எட்டரைக்கு ஒண்ணு, ஒம்பது மணிக்கு ஒண்ணு, ஒன்பதரைக்கு ஒண்ணு”

என்னிடம் ஒரு எக்ஸ்ப்ளோரர் வண்டி இருந்தது.

மழையில் போனால் வண்டி நின்று விடும். அதற்கப்புறம் மெக்கானிக்கிடம் போனால் ஸ்பார்க் பிளாக், பாய்ண்ட், இக்னிஷன் காயில்,கார்புரேட்டர் ப்ளோட் என்று ஏதேதோ செக் செய்வான், எப்படி சரியாயிற்று என்றே தெரியாமல் ஒரு மணி நேரத்தில் ஸ்டார்ட் ஆகி விடும்.

ஒரு நாள் சரியான இருட்டில் மழையில் நாடு ரோட்டில் வண்டி நின்று போனது. பக்கத்திலிருந்த குடிசையில் ஒதுங்கி ஒவ்வொன்றாக முயன்று கொண்டிருந்த போது அந்த வீட்டுக்கார அம்மாள் வந்தாள்.

“இந்தா, இங்கே இருக்குமே உருளையா ஒண்ணு. அதை வெளியே எடுத்துட்டு ஒரு அடி அடிச்சா வண்டி ஸ்டார்ட் ஆயிடும்” என்றாள்.

ஏர் பில்டரைத்தான் சொல்கிறாள் என்று புரிந்தது.

என்ன லூசுத்தனம் என்று தோன்றினாலும் ரொம்ப டெஸ்பரேட் ஆக இருந்ததால் செய்து பார்த்தேன்.

என்ன ஆச்சரியம்… வண்டி ஸ்டார்ட் ஆகி விட்டது.

“எப்படிம்மா?” என்றேன் ஆச்சரியம் தாங்காமல்.

அதை எடுத்து அழுத்திக் காட்டினாள். ஒரே தண்ணீர்.

“கொத கொதன்னு இவ்ளோ தண்ணி இருக்கிறதாலே காத்து உள்ள போகாது” என்றாள்.

எந்தப் பிரச்சினையையும் ரொம்ப ஹை டெக்கில் அணுகினால் விடை கிடைக்காது. நாம் அடிக்கடி செய்கிற தப்பு இதுதான்

இங்கு சொல்லப்பட்டது என் வீட்டில் நடந்தது போல உள்ளது...