புரட்சிக்கவி பாரதிதாசன் பிறந்த தினம்: ஏப்.29- 1891

பாண்டிச்சேரியில் (புதுச்சேரியில்) பிறந்து பெரும் புகழ் படைத்த பாவலர். இவருடைய இயற்பெயர் சுப்புரத்தினம். தமிழாசிரியராக பணியாற்றிய இவர், சுப்பிரமணிய பாரதியார் மீது கொண்ட பற்றுதலால் பாரதிதாசன் என்று தம் பெயரை மாற்றிக் கொண்டார். பாரதிதாசன் தம் எழுச்சி மிக்க எழுத்தால் புரட்சிக் கவிஞர் என்றும் பாவேந்தர் என்றும் பரவலாக அழைக்கப்படுபவர். இவர் குயில் என்னும் கவிதை வடிவில் ஒரு திங்களிதழை நடத்தி வந்தார்.

புரட்சிக்கவி பாரதிதாசன் அவர்கள் 29.4.1891 இல் புதுவையில் பெரிய வணிகராயிருந்த கனகசபை முதலியார், இலக்குமி அம்மாள் ஆகியோருக்கு பிறந்தார். கவிஞரின் இயற்பெயர் கனகசுப்புரத்தினம். 1920ஆம் ஆண்டில் பழநி அம்மையார் என்பாரை மணந்து கொண்டார்.

இவர் சிறுவயதிலேயே பிரெஞ்சு மொழிப் பள்ளியில் பயின்றார். ஆயினும் தமிழ்ப் பள்ளியிலேயே பயின்ற காலமே கூடியது. தமது பதினாறாம் வயதிலியே கல்வே கல்லூரியில் தமிழ்ப் புலமைத் தேர்வு கருதிப் புகுந்தார். தமிழ் மொழிப் பற்றும் முயற்சியால் தமிழறிவும் நிறைந்தவராதலின் இரண்டாண்டில் கல்லூரியிலேயே முதலாவதாகத் தேர்வுற்றார். பதினெட்டு வயதிலேயே அவரின் சிறப்புணர்ந்த அரசியலார் அவரை அரசினார் கல்லூரித் தமிழாசிரியாரானார்.

இசையுணர்வும் நல்லெண்ணமும் அவருடைய உள்ளத்தில் கவிதையுருவில் காட்சி அளிக்கத் தலைப்பட்டன. சிறு வயதிலேயே சிறுசிறு பாடல்களை அழகாகச் சுவையுடன் எழுதித் தமது தோழர்கட்குப் பாடிக் காட்டுவார்.

நண்பர் ஒருவரின் திருமணத்தில் விருத்துக்குப் பின் பாரதியாரின் நாட்டுப் பாடலைப் பாடினார். பாரதியாரும் அவ்விருத்துக்கு வந்திருந்தார். ஆனால் கவிஞருக்கு அது தெரியாது. அப்பாடலே அவரை பாரதியாருக்கு அறிமுகம் செய்து வைத்தது.

தன் நண்பர்கள் முன்னால் பாடு என்று பாரதி கூற பாரதிதாசன் எங்கெங்குக் காணினும் சக்தியடா என்று ஆரம்பித்து இரண்டு பாடலை பாடினார். இவரின் முதற் பாடல் பாரதியாராலேயே சிறீ சுப்பிரமணிய கவிதா மண்டலத்தைச் சார்ந்த கனக சுப்புரத்தினம் எழுதியது என்றெழுதப்பட்டு சுதேசமித்திரன் இதழுக்கு அனுப்பப்பட்டது.

புதுவையிலிருந்து வெளியான தமிழ் ஏடுகளில் கண்டழுதுவோன், கிறுக்கன், கிண்டல்காரன், பாரதிதாசன் என பல புனைப் பெயர்களில் எழுதி வந்தார்.

தந்தை பெரியாரின் தீவிரத் தொண்டராகவும் விளங்கினார். மேலும் அவர் திராவிடர் இயக்கத்தில் மிகுந்த ஈடுபாடு கொண்டார். அதன் காரணமாக கடவுள் மறுப்பு, சாதி மறுப்பு, மத எதிர்ப்பு போன்றவற்றினை தனது பாடல்கள் மூலம் பதிவு செய்தார்.

பிரபல எழுத்தாளரும் திரைப்படக் கதாசிரியரும் பெரும் கவிஞருமான பாரதிதாசன் அரசியலிலும் தன்னை ஈடுபடுத்திக்கொண்டார். புதுச்சேரி சட்டமன்ற உறுப்பினராக 1954-ம் ஆண்டு தேர்ந்தெடுக்கப்பட்டார்.

1946 சூலை 29-ல் அறிஞர் அண்ணா அவர்களால் கவிஞர் புரட்சிக்கவி என்று பாராட்டப்பட்டு ரூ.25,000 வழங்கப்பட்டு கௌரவிக்கப்பட்டார்.

பாரதிதாசன் அவர்கள் நகைச்சுவை உணர்வு நிரம்பியவர். கவிஞருடைய படைப்பான "பிசிராந்தையார்" என்ற நாடக நூலுக்கு 1970-ல் சாகித்ய அகாடமியின் விருது கிடைத்தது. இவருடைய படைப்புகள் தமிழ்நாடு அரசினரால் 1990-ல் பொது உடைமையாக்கப்பட்டன.

#புரட்சிக்கவி #பாவேந்தர் #பாரதிதாசன்

புரட்சிக்கவி பாரதிதாசன் பிறந்த தினம்

பயனுள்ள  பதிவுக்கு நன்றி சிவா

இன்று புதுச்சேரியில் அனைத்திந்தியத்  தமிழ் எழுத்தாளர்கள் சங்கத்தின் நிகழ்வு. போக முடியாமல் போய்விட்டது.   

எனக்கு ஒரு விருது வேறு அறிவித்திருந்தார்கள்.

Aathira wrote:பயனுள்ள  பதிவுக்கு நன்றி சிவா

இன்று புதுச்சேரியில் அனைத்திந்தியத்  தமிழ் எழுத்தாளர்கள் சங்கத்தின் நிகழ்வு. போக முடியாமல் போய்விட்டது.   

எனக்கு ஒரு விருது வேறு அறிவித்திருந்தார்கள்.

மேற்கோள் செய்த பதிவு: 1133800

அச்சச்சோ !
இப்பிடி பண்ணலாமா ? தப்பில்லையா ??
என்ன விருது ?
வாழ்த்துக்கள்
விருது பல வாங்கும் நீங்கள் ,
விருந்து எப்போது தரப் போகிறீர்கள்?

நெல்லை விழா நன்றாக நடந்ததா ?
போட்டோக்கள் எடுத்தார்களா ?
பகிரலாமே !

ரமணியன்

T.N.Balasubramanian wrote:

Aathira wrote:பயனுள்ள  பதிவுக்கு நன்றி சிவா

இன்று புதுச்சேரியில் அனைத்திந்தியத்  தமிழ் எழுத்தாளர்கள் சங்கத்தின் நிகழ்வு. போக முடியாமல் போய்விட்டது.   

எனக்கு ஒரு விருது வேறு அறிவித்திருந்தார்கள்.

மேற்கோள் செய்த பதிவு: 1133800

அச்சச்சோ !
இப்பிடி பண்ணலாமா ? தப்பில்லையா ??
என்ன விருது ?
வாழ்த்துக்கள்
விருது பல வாங்கும் நீங்கள் ,
விருந்து எப்போது தரப் போகிறீர்கள்?  

நெல்லை விழா நன்றாக நடந்ததா ?
போட்டோக்கள் எடுத்தார்களா ?
பகிரலாமே !

ரமணியன்  

மேற்கோள் செய்த பதிவு: 1133803

ரமணீயன் சார், 
நெல்லை விழா மிக மிக நன்றாக நடந்தது. தமிழ்க்கடல் நெல்லைக் கண்ணன் ஐயாவின் அன்பு மழையில் இரண்டு நாட்கள் முழுவதும் நனைந்து வந்தேன்.
புகைப்படங்கள் பதிவு செய்கின்றேன் விரைவில்

விருந்தும் விரைவில் நம் உறவுகளுக்கு