கோடை காலத்திற்கேற்ற சமையற் குறிப்புகள்!

**சிவா** · **சிவா** Mon Apr 28, 2014 1:34 am

First topic message reminder :

இளநீர் நுங்கு தேங்காய்ப் பால் சர்பத்

என்னென்ன தேவை?

வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

எப்படிச் செய்வது?

இளநீரை உடைத்து, அதன் வழுக்கை, நுங்கு, வெல்லம், தேங்காய்ப் பால் எல்லாம் சேர்த்து அடிக்கவும். சுவையான இளநீர் சர்பத் ரெடி!

* இதை அருந்துவதால் பருக்கள் வராது. இளமைத் தோற்றத்தோடு முகம் பொலிவு பெறும்.

**krishnaamma** · **krishnaamma** Mon Apr 28, 2014 9:29 pm

சிவா wrote:
கரிசலாங்கண்ணி சாண்ட்விட்ச்

தேவையானவை

கரிசலாங்கண்ணிக் கீரை - 1 கப்,
பயத்தம் பருப்பு - 25 கிராம்,
வெங்காயம் - 1,
பச்சை மிளகாய் - 2,
நல்லெண்ணெய் - 1 டீஸ்பூன்,
மஞ்சள்தூள், உப்பு - தேவைக்கேற்ப,
சீரகத்தூள் - 1 டீஸ்பூன்,
பிரெட் ஸ்லைஸ் - தேவைக்கு.

செய்முறை

பருப்பை குழையாமல் வேக வைக்கவும். கீரையைப் பொடியாக நறுக்கி ஒரு கடாயில் எண்ணெய் ஊற்றி, வெங்காயம், பச்சை மிளகாய், மஞ்சள் தூள், சீரகத் தூள், உப்பு போட்டு வதக்கவும். வதங்கியவுடன் கீரை சேர்த்து வதக்கி, முடிவில் வேகவைத்த பருப்பைப் போட்டு நன்றாகக் கிளறவும். இந்தக் கீரைக் கலவையை பிரெட் ஸ்லைஸுக்குள் வைத்து. சாண்ட்விட்ச் மேக்கரில் வைத்து சாண்ட்விட்ச் தயாரிக்கவும். தொட்டுக் கொள்ள கொத்தமல்லி சட்னி மற்றும் சாஸ் மிகவும் சுவையானது, சத்தானது!

* கரிசலாங்கண்ணி தலை உஷ்ணத்தை குறைத்து குளிர்ச்சி அடையச் செய்கிறது. எல்லோரும் சாப்பிடக் கூடியது.

romba superaaga irukku sivaa, seidhu parththu vittu ezudhugiren புன்னகை

**krishnaamma** · **krishnaamma** Mon Apr 28, 2014 9:30 pm

மாணிக்கம் நடேசன் wrote:[link="/t109781-topic#1060408"]வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

இப்படித்தான் முதல் வார்த்தையா போடுரதா மாமா அங்கள்? என்னதான் என் மேல கோபம் இருந்தாலும் அதுக்கு எனக்கு நாலு அரை விட்டுருங்க, இப்படி எல்லாம் என்ன தலையைப் பத்தி எழுதப் படாது.

சூப்பர் மாமா புன்னகை

**சிவா** · **சிவா** Mon Apr 28, 2014 11:17 pm

krishnaamma wrote:
romba superaaga irukku sivaa, seidhu parththu vittu ezudhugiren

நன்றி அக்கா!

தமிழ் தட்டச்சுக்கு என்ன ஆச்சு?

கிருஷ்ணா · கிருஷ்ணா Tue Apr 29, 2014 8:51 am

கோடை காலத்திற்கேற்ற சமையற் குறிப்புகள்! - Page 2 3838410834

கோடை காலத்திற்கேற்ற சமையற் குறிப்புகள்! - Page 2 103459460

**ஜாஹீதாபானு** · **ஜாஹீதாபானு** Tue Apr 29, 2014 5:18 pm

சூப்பர் டிப்ஸ் முடிந்த மட்டும் செய்து பார்க்கிறேன்

**சிவா** · **சிவா** Sat May 10, 2014 9:21 am

தாளிச்ச மோர்

தேவையானவை: தயிர் - ஒரு கப், ஐஸ் வாட்டர் - தேவையான அளவு, கடுகு - ஒரு டீஸ்பூன், காய்ந்த மிளகாய் - 2, கறிவேப்பிலை - சிறிதளவு, பச்சை மிளகாய் - ஒன்று, பெருங்காயத்தூள் - ஒரு டீஸ்பூன், எண்ணெய் - 2 டீஸ்பூன்.

செய்முறை: தயிரை மண் சட்டியில் விட்டு, ஐஸ் வாட்டர் ஊற்றி நன்கு கடைந்து, உப்பு சேர்த்துக் கொள்ளுங்கள். பிறகு, அடுப்பில் வாணலியை வைத்து, சூடானதும் எண்ணெய் ஊற்றி... கடுகு, காய்ந்த மிளகாய் கறிவேப்பிலை, நறுக்கிய பச்சை மிளகாய் பெருங்காயத்தூள் சேர்த்து தாளித்து, அதனை அப்படியே மோரில் சேர்த்துவிட்டால்... வெயிலுக்கு இதமான தாளிச்ச மோர் ரெடி!

கோடை காலத்திற்கேற்ற சமையற் குறிப்புகள்! - Page 2 P44

**சிவா** · **சிவா** Sat May 10, 2014 9:23 am

கேரட் ஆரஞ்சு ஜூஸ்

தேவையானவை: கேரட், ஆரஞ்சுப்பழம் - தலா ஒன்று, தேன் - ஒன்றரை டீஸ்பூன், புதினா - 5 இலைகள், ஐஸ் கட்டிகள் - சிறிதளவு.

செய்முறை: கேரட் மற்றும் ஆரஞ்சு பழத்தை தோல் நீக்கி சதைப்பற்றை மிக்ஸியில் போட்டு அரைத்து இறுத்து ஜூஸ் எடுத்துக்கொள்ளுங்கள். இதை ஒரு கிளாஸில் ஊற்றி... தேன், பொடியாக நறுக்கிய புதினா இலைகள், ஐஸ்கட்டிகள் சேர்த்தால்... அட்ட காசமான சுவையில் ஜூஸ் ரெடி.

குழந்தைகள் பெரும்பாலும் கேரட் ஜூஸை விரும்ப மாட்டார்கள். அவர்களுக்கு இப்படிக் கொடுத்தால் 'மடமட’வென்று குடித்து விட்டு, 'ஒன்ஸ்மோர்’ கேட்பார்கள்.

**சிவா** · **சிவா** Sat May 10, 2014 9:23 am

தர்பூசணி ஜூஸ்

தேவையானவை: தர்பூசணி சாறு - ஒரு கிளாஸ் (விதைகளை நீக்கி அதன் சதைப் பகுதியை மட்டும் மிக்ஸியில் போட்டு ஜூஸ் எடுத்துக்கொள்ளுங்கள்), எலுமிச்சை - ஒரு மூடி, புதினா - 5 இலைகள், ஐஸ் கட்டிகள் - சிறிதளவு, தேன் - ஒரு டீஸ்பூன், சர்க்கரை - 4 டேபிள் ஸ்பூன், பச்சை கலர் ஃபுட் கலர் - சிறிதளவு, இஞ்சிச்சாறு - 2 டீஸ்பூன்.

செய்முறை: தர்பூசணி சாறுடன் எலுமிச்சைச் சாறு, இஞ்சிச்சாறு, தேன், நறுக்கிய புதினா இலைகள், ஐஸ் கட்டிகள் சேர்த்து ஒன்றாக கலந்து கொள்ளுங்கள். பிறகு, ஒரு தட்டில் சர்க்கரையைப் பரப்பி அதில் பச்சை கலர் ஃபுட் கலரை சேர்த்துக் கிளறினால், சர்க்கரை பச்சை நிறத்தில் மாறிவிடும். இனி, ஜூஸ் கிளாஸை எடுத்து அதன் வாய்ப்பகுதியில் சிறிது தண்ணீர் தடவி, அப்படியே சர்க்கரை பரப்பிய தட்டில் கவிழ்த்து வைத்தால், கிளாஸின் வாய்ப்பகுதியில் பச்சை நிற சர்க்கரை ஒட்டிக் கொள்ளும். இந்த கிளாஸில் ரெடி செய்த ஜூஸை ஊற்றி, குழந்தைகளிடம் கொடுத்தால் நிமிடத்தில் காலியாகிவிடும்.

**சிவா** · **சிவா** Sat May 10, 2014 9:24 am

வசந்த நீர்

தேவையானவை: இளநீர் காய்கள் - 2 (காய்களில் உள்ள தண்ணீரை மட்டும் தனியாக எடுத்துக்கொள்ளுங்கள். இளநீர் வழுக்கையை பொடியாக நறுக்கிக்கொள் ளுங்கள்), தேன் - ஒரு டீஸ்பூன், எலு மிச்சைச் சாறு - அரை டீஸ்பூன், துளசி இலை - 5, ஐஸ் கட்டிகள் - தேவையான அளவு.

செய்முறை: வாய் அகன்ற ஒரு சட்டியில் ஐஸ் கட்டிகளைப் போட்டுவிடுங்கள். இப்போது அதன் உள்ளே இன்னொரு சிறிய பாத்திரத்தை வைத்து அத்தனையையும் கலந்துவிட்டால் அற்புத மான வசந்த நீர் தயார் (இளநீரோடு ஐஸ்கட்டிகளை கலந்தால் 'சொதசொத’ என்றாகிவிடும் என்பதால்தான் இந்த ஏற்பாடு). தேவைப்படும்போது கிளாஸில் வசந்த நீரை ஊற்றிக் கொடுக்கலாம்.

கோடை காலத்திற்கேற்ற சமையற் குறிப்புகள்! - Page 2 P44b

**சிவா** · **சிவா** Sat May 10, 2014 9:24 am

முலாம்பழ டிலைட்

தேவையானவை: முலாம் பழம் - ஒன்று, நாட்டுச்சர்க்கரை - 3 டீஸ்பூன், இஞ்சிச் சாறு - 2 டீஸ்பூன், வெனிலா எசன்ஸ் - ஒரு துளி, ஐஸ் கட்டிகள் - தேவையான அளவு.

செய்முறை: முலாம் பழத்தை தோல் சீவி, பொடியாக நறுக்கிக் கொள்ளவும். ஒரு கப்பில் நறுக்கிய முலாம் பழத்தைப் போட்டு, மேலே கொடுக்கப்பட்டுள்ள மற்ற அனைத்துப் பொருட்களையும் சேர்த்துக் கலந்தால்... சத்தான முலாம்பழ டிலைட் ரெடி!

Sponsored content · Sponsored content

கோடை காலத்திற்கேற்ற சமையற் குறிப்புகள்!

கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக