பிரதமர் அலுவலகத்தில் திடீர் தீ ; பெரும் சேதம் ஏதும் இல்லை

**சிவா** · **சிவா** Tue Apr 29, 2014 12:00 pm

புதுடில்லி: டில்லியில் உள்ள பிரதமர் அலுவலகத்தில் இன்று திடீர் தீ விபத்து ஏற்பட்டது. தெற்கு பிளாக் கேட் எண் 5 பகுதியில் பிரதமர் அலுவலகம் உள்ளது. இங்குள்ள கீழ்தளத்தில் திடீர் புகை எழுந்தது. உடடியாக தீயணைப்பு படையினருக்கு தகவல் தெரிவிக்கப்பட்டது. விரைந்து வந்த தீயணைப்பு படையினர் தீயை கட்டுக்குள் கொண்டு வந்தனர்.

இது குறித்து தீயணைப்பு துறை இயக்குனர் ஏ.கே.சர்மா கூறுகையில், அலுவலக கீழ்தளத்தில் தீ பற்றியதாக தகவல் கிடைத்ததும் 7 தீயணைப்பு வாகனங்கள் உடனே வரப்பட்டன. சில நிமிடங்களில் தீயை அணைத்து விட்டோம். யு.பி.எஸ்.சில் இருந்து புகை கிளம்பியிருக்கலாம் என தெரிகிறது. பெரும் தீ ஏதும் பற்றவில்லை என்றார்.

கம்ப்யூட்டரில் மின்கசிவு: இங்குள்ள ஆவணங்கள் எதுவும் நாசமாகவில்லை என பிரதமர் அலுவலக வட்டாரம் தெரிவிக்கிறது. இது தொடர்பாக பிரதமர் அலுவலக செய்தி தொடர்பாளர் ஒருவர் கூறுகையில், கம்ப்யூட்டரில் மின்கசிவு காரணமாக இந்த தீ பற்றியிருக்க வாய்ப்பு இருப்பதாக தெரிகிறது. இது தொடர்பாக அலாரம் அடித்ததும் தீயணைப்பு துறையினருக்கு தகவல் தெரிவிக்கப்பட்டு தீ அணைக்கப்பட்டது. சேதம் ஏதும் இல்லை என தெரிவித்தார்.

கடந்த வாரத்தில் சுப்ரீம் கோர்ட் வளாகத்தில் சிறிய தீ விபத்து ஏற்பட்டது. இதனை தொடர்ந்து பிரதமர் அலுவலகத்தில் ஏற்பட்ட தீ அங்கு அதிகாரிகள் மத்தியில் சில நிமிடங்கள் பரபரப்பை ஏற்படுத்தியது.

**T.N.Balasubramanian** · **T.N.Balasubramanian** Tue Apr 29, 2014 1:51 pm

ஆளும் கட்சிகள் மறு தேர்வு
கேள்விகுறியாக இருக்கும் போதெல்லாம்
அங்கே தீ தோன்றிடும்
என்ற வதந்தி தோன்றுகிறது.

ரமணியன்

பிரதமர் அலுவலகத்தில் திடீர் தீ ; பெரும் சேதம் ஏதும் இல்லை

பிரதமர் அலுவலகத்தில் திடீர் தீ ; பெரும் சேதம் ஏதும் இல்லை

Re: பிரதமர் அலுவலகத்தில் திடீர் தீ ; பெரும் சேதம் ஏதும் இல்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக