ஹுடுட் சட்டமும் மலேசியாவும் - செய்திகள்

**சிவா** · **சிவா** Sat Apr 26, 2014 4:02 am

First topic message reminder :

பிரதமர்: அரசாங்கம் ஹுடுட்டை நிராகரித்ததில்லை ஆனால்……

ஹுடுட் சட்டமும் மலேசியாவும் - செய்திகள் - Page 2 OZaEpoFhSbSQTJX8Bt8Q+najib3

ஹுடுட் சட்டமும் மலேசியாவும் - செய்திகள் - Page 2 OZaEpoFhSbSQTJX8Bt8Q+najib3

அரசாங்கம் ஹுடுட் சட்டத்தை நிராகரிக்கவில்லை ஆனால், அதைச் செயல்படுத்துமுன்னர் பல விவகாரங்களுக்குத் தீர்வு காண வேண்டியுள்ளது எனப் பிரதமர் நஜிப் அப்துல் ரசாக் கூறினார்.

ஹுடுட்டை அதன் நோக்கங்கள் சிதைவுறாமல் அமல்படுத்துவதற்குமுன் பல கட்டுப்பாடுகளையும் விவகாரங்களையும் ஆராய்ந்து தீர்வுகாண வேண்டும்.

“ஹுடுட்டை நிராகரிப்பதற்கும் அதைச் செயல்படுத்தாமலிருப்பதற்கும் பெரிய வேறுபாடு உண்டு”, என்று நஜிப் கூறினார்.

**சிவா** · **சிவா** Fri Mar 20, 2015 4:21 am

பாஸுக்கு எதிராக நடவடிக்கை எடுப்பீர்: பக்கத்தானுக்கு டிஏபி எம்பி வலியுறுத்து

கிளந்தான் சட்டமன்றத்தில் ஹுடுட் சட்டவரைவு நிறைவேற்றப்பட்டதன்வழி பக்கத்தான் கூட்டணியின் பொதுக் கொள்கைத் தளம் மீறப்பட்டிருக்கிறது என்றும் அதற்காக பாஸுக்கு எதிராக நடவடிக்கை எடுக்க வேண்டும் என்றும் டிஏபி எம்பி ஒருவர் கேட்டுக் கொண்டிருக்கிறார்.

“பக்கத்தான் ரக்யாட் மக்களின் நம்பிக்கையைத் திரும்பப் பெற விரைந்து செயல்பட வேண்டும்.

“அது பொதுக் கொள்கை கட்டமைப்பு, மக்களுக்களித்த உறுதிமொழிகள் போன்றவற்றைக் கடுமையான விசயங்களாகக் கருதுகிறது என்பதை மக்களுக்கு உணர்த்த அதைச் செய்யத்தான் வேண்டும்”, என பூச்சோங் எம்பி கோபிந்த் சிங் கூறினார்.

அதைச் செய்யாவிட்டால், அடுத்த பொதுத் தேர்தலில் அதன் விளைவுகள் விபரீதமாக இருக்கும் என்றவர் எச்சரித்தார்.

**சிவா** · **சிவா** Fri Mar 20, 2015 4:24 am

ஹுடுட்டைக் குறைகூறுவோர் சமய நம்பிக்கையற்றவர்கள்

ஷியாரியா குற்றவியல் சட்டத்தில் திருத்தம் செய்வதற்காகக் கொண்டுவரப்படும் சட்டவரைவை எதிர்ப்பவர்களைச் “சமய நம்பிக்கையற்றவர்கள்” என வருணித்திருக்கிறார் கிளந்தான் மந்திரி புசார் அஹ்மட் யாக்கூப்.

இன்று அச்சட்டவரைவை கிளந்தான் சட்டமன்றத்தில் தாக்கல் செய்த அஹ்மட், அவர்கள் அதைக் “கொடூரமானது, மனிதத்தன்மையற்றது” என்று குறைகூறியிருப்பதாகக் குறிப்பிட்டார்.

“அது கண்மூடித்தனமான குற்றச்சாட்டு”, என்றாரவர்.

அச்சட்டம் முஸ்லிம்-அல்லாதாரிடம் அமல்படுத்தப்படாது என்ற உத்தரவாதத்தையும் அஹ்மட் தெரிவித்தார்.

“இது முஸ்லிம்களிடையே மட்டும்தான் அமல்படுத்தப்படும் என்பதைத் தெளிவுபடுத்த விரும்புகிறேன்.

“அதாவது இச்சட்டம் முஸ்லிம்-அல்லாதார்மீது பயன்படுத்தப்படாது”, என்றவர் வலியுறுத்தினார்.

**சிவா** · **சிவா** Mon Mar 23, 2015 4:34 pm

அமார்: ஹுடுட்டை முஸ்லிம்-அல்லாதார் எதிர்க்கவில்லை, எதிர்ப்பது டிஏபி மட்டும்தான்

amarகிளந்தான் துணை மந்திரி புசார் முகம்மட் அமார் நிக் அப்துல்லா, நாட்டில் உள்ள முஸ்லிம் அல்லாதார் ஹுடுட்டை எதிர்க்கவில்லை என்றும் டிஏபி மட்டும்தான் எதிர்ப்புக்குரல் கொடுத்து சத்தம் போட்டுக் கொண்டிருக்கிறது என்றும் கூறினார்.

அமார் நேற்று மலேசியாகினியிடம் பேசினார்.

“எதிர்ப்புக் குரல் கொடுப்பவர்கள் முஸ்லிம்- அல்லாதவர்கள் அல்லர். டிஏபி மட்டுமே. கிளந்தானில் ஆய்வு செய்வீர்களானால், முஸ்லிம்-அல்லாதார் ஹுடுட்டில் பிரச்னை இல்லை என்றுதான் சொல்வார்கள்.

“சத்தம் போடுவதெல்லாம் அரசியல்வாதிகள்தாம். ஏனென்றால் அவர்களுக்கு அரசியல் நோக்கம் உண்டு. முகநூலைப் பாருங்கள், முஸ்லிம்-அல்லாதார் எத்தனை பேர் ஹுடிட்டை ஆதரிக்கிறார்கள் என்பது தெரியும்”, என்றவர் கூறிக் கொண்டார்.

மலேசியாகினி அண்மையில் நடத்திய ஆய்வில் அம்மாநிலத்தில் உள்ள முஸ்லிம்-அல்லாதார் பலர் இஸ்லாமிய குற்றவியல் சட்டத்தின் அமலாக்கத்தை வரவேற்பதாகக் கூறினர்.

**சிவா** · **சிவா** Wed Mar 25, 2015 12:16 pm

ஐஜிபி: ஹுடுட் பற்றிக் கேள்வி எழுப்புவது ஐஎஸ்ஸுக்கு கோபத்தை உண்டு பண்ணலாம்

ஹுடுட் சட்டமும் மலேசியாவும் - செய்திகள் - Page 2 VYMqesp2TFaSyUgjU6HB+is-300x180

isஹுடுட் பற்றிக் கேள்வி எழுப்ப வேண்டாம் என்று போலீஸ் படைத் தலைவர் (ஐஜிபி) காலிட் அபு பக்கார் கேட்டுக்கொண்டிருக்கிறார். அதனால் பயங்கரவாத அமைப்பான இஸ்லாமிய அரசு(ஐஎஸ்) சினமடைந்து பதில் நடவடிக்கையை மேற்கொள்ளலாம் என்றவர் எச்சரித்தார்.

“இஸ்லாம் பற்றியும் ஹுடுட் பற்றியும் வெறுமனே கருத்துச் சொல்லிக் கொண்டிருக்க வேண்டாம் என்பதை நினைவுறுத்துகிறேன். அது ஐஎஸ் ஆதரவாளர்களுக்குச் சினமூட்டுவதாக அமையக்கூடும்”, என்று காலிட் செய்தியாளர்களிடம் தெரிவித்தார்.

அந்த இஸ்லாமிய பயங்கரவாத அமைப்பிடமிருந்து மலேசியா மிரட்டலை எதிர்நோக்குவதாகக் குறிப்பிட்ட அவர், அவர்கள் இங்கு தாக்குதல் நடத்தத் திட்டமிட்டிருப்பதை உளவுத் தகவல்கள் காண்பிப்பதாகக் கூறினார்.

[note]நீங்க பேசுவதை வைத்துப் பார்க்கும் பொழுது, ஐ.எஸ் க்கு பயந்துதான் ஹூடுட் சட்டத்தைக் கொண்டுவந்தீர்களா யுவர் ஆனர்! இதைக் கேட்டால் எங்களை தீவிரவாதி எனக் கைது செய்வீர்கள்! (உடனே எனக்கு தமிழகம் செல்ல ஒரு டிக்கெட் போடுங்கப்பா....!!!

எஸ்கேப்.....[/note]

**ayyasamy ram** · **ayyasamy ram** Wed Mar 25, 2015 6:50 pm

மலேசியா பற்றி தெரிந்து கொள்ள உதவிய பகிர்வு...
-
ஹுடுட் சட்டமும் மலேசியாவும் - செய்திகள் - Page 2 1571444738

Sponsored content · Sponsored content

ஹுடுட் சட்டமும் மலேசியாவும் - செய்திகள்

ஹுடுட் சட்டமும் மலேசியாவும் - செய்திகள்

Re: ஹுடுட் சட்டமும் மலேசியாவும் - செய்திகள்

Re: ஹுடுட் சட்டமும் மலேசியாவும் - செய்திகள்

Re: ஹுடுட் சட்டமும் மலேசியாவும் - செய்திகள்

Re: ஹுடுட் சட்டமும் மலேசியாவும் - செய்திகள்

Re: ஹுடுட் சட்டமும் மலேசியாவும் - செய்திகள்

Re: ஹுடுட் சட்டமும் மலேசியாவும் - செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக