தமிழகத்தின் முதல் வாக்காளர் - தீபா!

இந்தியாவின் 16–வது நாடாளுமன்றத்தை நிர்ணயிக்க போகிற தேர்தல் தமிழகத்தில் நாளை நடைபெற உள்ளது. தமிழ்நாட்டில் உள்ள 234 சட்டமன்ற தொகுதிகளில் கும்மிடிப்பூண்டி சட்டமன்ற தொகுதி முதல் தொகுதி என்ற பெருமையை தக்க வைத்து உள்ளது.

மேலும் 6 சட்டமன்ற தொகுதிகளை உள்டக்கிய திருவள்ளூர் நாடாளுமன்ற தொகுதியானது தமிழ்நாட்டின் முதல் பாராளுமன்ற தொகுதி ஆகும். இந்த திருவள்ளூர் நாடாளுமன்ற தொகுதியிலும் கும்மிடிப்பூண்டி முதல் சட்டமன்ற தொகுதி என்ற சிறப்பை பெற்று உள்ளது.

அந்த வகையில் தமிழ்நாட்டின் முதல் வாக்காளர் என்ற பெருமைக்கு உரியவர் கும்மிடிப்பூண்டி சட்டமன்ற தொகுதிக்கான முதல் வாக்காளர் ஆவார். அந்த முதல் வாக்காளர் கும்மிடிப்பூண்டி அடுத்த எகுமதுரை ஊராட்சியில் முதல் வார்டில் வசித்து வரும் பெண் தீபா(வயது30) ஆவார்.

நாளை நடைபெற உள்ள பாராளுமன்ற தேர்தலில் தனது வாக்கை பதிவு செய்ய உள்ள தமிழகத்தின் முதல் வாக்களாரான தீபா, ’’திருமணமாகி 6 வருடங்கள் ஆகிறது. ஆனால் குழந்தைகள் ஏதும் இல்லை. கும்மிடிப்பூண்டி சட்டமன்ற தொகுதியில் உள்ள முதல் ஊராட்சியான எகுமதுரையில் முதல் வார்ட்டில் முதல் பெயராக உள்ள நான் தான் தமிழ்நாட்டிற்கே முதல் வாக்காளர் என்று பலரும் சொல்லும்போது பிரம்மிப்பாகவும், மகிழ்ச்சியாகவும் இருக்கிறது. இந்த முதல் வாக்காளரிடம் இதுவரை எந்த அரசியல் கட்சியும் ஓட்டு கேட்டு வரவில்லை. வாக்காளர் பட்டியலில் எனது வயது 30 என்பதற்கு பதில் 53 என தவறாக அச்சிடப்பட்டு உள்ளது.

அதை விட பெரிய விஷயம் என்னவென்றால் முதல் வாக்காளர் என்று பெருமைப்படும் எனக்கு இதுவரை வாக்காளர் அடையாள அட்டை கூட வந்து சேரவில்லை. ஆனால் பூத் சிலீப் கொடுத்துட்டாங்க. கடந்த தேர்தலின்போது கூட வாக்காளர் அடையாள அட்டை இல்லாததால் வேறு ஒரு போட்டோ அடையாள சான்றை காண்பித்துதான் நான் ஓட்டு போட்டேன்’’என்று கூறியுள்ளார்.

வேகமா வேலை செய்யுதோ தேர்தல் ஆணையம்...! தமிழகத்தின் முதல் வாக்காளருக்கே வாக்காளர் அடையாள அட்டையை தர முடிய வில்லை. ம்ம்ம்ம். ஆறுதலான செய்தி என்னவென்றால் அவரது பெயர் வாக்காளர் பட்டியலிலாவது உள்ளதே. 30 வயதுடையவரை 53 வயதுடையவராக மாற்றிவிட்டார்கள். தேர்தல் ஆணையத்தின் பணி சிறக்கட்டும். இதே போல் எல்லா வாக்காளர்களும் செய்யுங்களேன்... இந்தியா வெகு சீக்கிரமாக உலக அரங்கில் முன்னேறி விடும்.

கோ. செந்தில்குமார் wrote:[link="/t109656-topic#1059652"]வேகமா வேலை செய்யுதோ தேர்தல் ஆணையம்...! தமிழகத்தின் முதல் வாக்காளருக்கே வாக்காளர் அடையாள அட்டையை தர முடிய வில்லை. ம்ம்ம்ம். ஆறுதலான செய்தி என்னவென்றால் அவரது பெயர் வாக்காளர் பட்டியலிலாவது உள்ளதே. 30 வயதுடையவரை 53 வயதுடையவராக மாற்றிவிட்டார்கள். தேர்தல் ஆணையத்தின் பணி சிறக்கட்டும். இதே போல் எல்லா வாக்காளர்களும் செய்யுங்களேன்... இந்தியா வெகு சீக்கிரமாக உலக அரங்கில் முன்னேறி விடும்.

இந்தியாவில் மொத்த வாக்காளர்கள் 81.4 கோடி மக்கள். ஐரோப்பாவின் மக்கள் தொகையை விட அதிகம்.81.4 கோடியில் எவ்வளவு பேருக்கு இது மாதிரி குழப்பங்கள் வந்துள்ளன . எவ்வளவு விழுக்காடுகள் அனுமதிக்கலாம்.
இந்திய தேர்தல் ஆணையம் மிகவும் சிறந்த முறையில் செயல்படுவதாக உலகமே பாராட்டுகின்றது. அமெரிக்க ஜனாதிபதி தேர்தலில் குழப்பங்கள் மிக்கவே நடந்துள்ளன. ( புஷ் 2 முறை தேர்ந்து எடுக்கப்பட்ட போது)

தீபாவின் சமாச்சாரத்திற்கு வரலாம்.
1. அவர் பெயரை பதிவு பண்ணியபோது வயது என்ன ?
2.இப்போது 30 என்றால் இது வரை வோட்டே போட்டது இல்லையா?
3. கல்யாணம் ஆகி 6 வருடம் ஆகிறது என்றால் , கல்யாணம் ஆவதற்கு முன் வோட்டு
போட்டு இருப்பாரே . எந்த ஊரில் அவர் பெயர் இருந்தது?
4. கல்யாணம் ஆனதும் ,முகவரி மாற்றத்தை ,முறையாக செய்தாரா?

சில விஷயங்களை ஆச்சரியம் ஏற்படும் வகையில் வெளிபடுத்துகிறோம்.முக்கியமாக ஊடகங்களின் நம்பகத்தன்மை மிக பெரிய கேள்வி குறியாகிவிட்டது .

ரமணியன் .