தமிழகத்தில் இன்று முதல் 144 தடை உத்தரவு: தேர்தலுக்காக முதன் முதலாக அமல்!

**சிவா** · **சிவா** Tue Apr 22, 2014 3:51 pm

சென்னை: தமிழகத்தில் இன்று மாலை 6 மணி முதல் ஏப்ரல் 24ஆம் தேதி காலை 6 மணி வரை 144 தடை உத்தரவு அமலில் இருக்கும் என்று தமிழக தலைமை தேர்தல் அதிகாரி பிரவீன்குமார் தெரிவித்துள்ளார். தமிழகத்தில் தேர்தலுக்காக 144 தடை உத்தரவு பிறப்பிக்கப்படுவது இதுவே முதன் முறையாகும்.

சென்னை தலைமைச் செயலகத்தில் இன்று செய்தியாளர்களை சந்தித்த தலைமை தேர்தல் அதிகாரி பிரவீன் குமார், தமிழகத்தில் தேர்தலின்போது விரும்பத்தகாத சம்பவங்கள் நடைபெறாத வகையில் பாதுகாப்பு ஏற்பாடுகள் செய்யப்பட்டுள்ளது. தேர்தல் தொடங்குவதற்கு முன்பு வரை பறக்கும் படையினர் சோதனையில் ஈடுபடுவார்கள். தற்போது 7 ஆயிரம் பறக்கும் படையினர் சோதனையில் ஈடுபட்டு வருகின்றனர்.

வாக்குப்பதிவு அன்று காலை 9, 11 மணி மற்றும் பிற்பகல் 1 மணிக்கு வாக்குப்பதிவு சதவிகிதம் அறிவிக்கப்படும். தேர்தல் குறித்த விளம்பரத்தை நாளை மறுநாள் வரை பத்திரிகைகளில் வெளியிடலாம். ஆதார், பாஸ்போர்ட் உள்பட 12 அடையாள அட்டை மூலம் வாக்காளர்கள் வாக்களிக்கலாம்.

தமிழகத்தில் இன்று மாலை 6 மணி முதல் ஏப்ரல் 24ஆம் தேதி காலை 6 மணி வரை 144 தடை உத்தரவு அமலில் இருக்கும். வன்முறை, பணப்பட்டுவாடாவை தடுக்க தேர்தலின்போது தடை உத்தரவு அமலில் இருக்கும். பணம் வாங்காமல் மனசாட்சியுடன் வாக்காளர்கள் தங்களது வாக்கை பதிவு செய்ய வேண்டும்" என்றார்.

கருணாநிதி குற்றச்சாட்டுக்கு பதி்ல் அளிக்க மறுப்பு

மேலும், தேர்தல் ஆணையம் நடுநிலையாக உள்ளதா? அல்லது நடுநிலை போன்று நடக்கிறதா? என தி.மு.க. தலைவர் கருணாநிதியின் குற்றச்சாட்டுக்கு கருத்து தெரிவிக்க விரும்பவில்லை என பிரவீன்குமார் கூறினார்.

**krishnaamma** · **krishnaamma** Tue Apr 22, 2014 8:11 pm

தமிழகத்தில் இன்று முதல் 144 தடை உத்தரவு: தேர்தலுக்காக முதன் முதலாக அமல்!

தமிழகத்தில் இன்று முதல் 144 தடை உத்தரவு: தேர்தலுக்காக முதன் முதலாக அமல்!

Re: தமிழகத்தில் இன்று முதல் 144 தடை உத்தரவு: தேர்தலுக்காக முதன் முதலாக அமல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக