தேர்{ஆறு}தல் கவிதைகள்

ந.க.துறைவன் · ந.க.துறைவன் Sat Mar 22, 2014 10:38 am

*
வெற்றி பெறுவதற்கு
யாகம் செய்கிறார்கள்
வேட்பாளர்கள்
*
சுறுசுறுப்பாகச் சுற்றிய
சுயமரியாதைப் பம்பரம்
தாமரையிடம் தஞ்சம்.
*
வாரிசுகள் வருகை
வரவேற்கிறதா? வெறுக்கிறதா?
வருங்கால அரசியல்.
*
கையெடுத்து கும்பிடுகிறார்கள்
காலில் விழுந்து எழுகிறார்கள்
ஐந்தாண்டுகளுக் கொரு முறை.
*
எதிர்ப்பு, குழப்பம், மௌனம்
மூத்தத் தலைவர்கள் தத்தளிக்கிறார்கள்
தாமரை இலைத் தண்ணீராய்…

ந.க.துறைவன் · ந.க.துறைவன் Sat Mar 29, 2014 10:16 am

*
தலைவர் முகத்தில் சிரிப்பு்
தொண்டர்கள் முகத்தில் சோகம்
கோஷ்டிப் பூசலில் பிளவு.
*
நேர்மையானத் தொண்டர்
கட்சித் தாவினார்
கிடைத்ததுப் பொற்கிழி விருது.
*
அரசியல் தலைவர்கள்
ஆதரவுக் கேட்டு
மதுரையில் கிரிவலம்.
*
ஆதரவின்றித் தவிக்கிறது
ஆதரவாக இருக்க வேண்டிய
ஆதார் அடையாள அட்டை.
*
கைக் கொடுத்தவர்கள்
கையை விலக்கிக் கொண்டு
நம்பிக்கையை இழந்தது கை.
*
வரவேற்கப் பட்டார்கள்
மணக்கிறது மாற்றான்
தோட்டத்து மல்லிகைகள்.

ந.க.துறைவன் · ந.க.துறைவன் Mon Apr 07, 2014 9:01 am

தேர்தல் கவிதைகள்
*
பஸ்பயணம், தண்ணீர் பாட்டில்
சாப்பாடுப் பொட்டலம்
பசியைத் தீர்த்தது தேர்தல்.
*
அதிகாரிகள்
அரசியல் பிரவேசம்
தொண்டர்கள் அச்சம்.
*
சிக்கன நடவடிக்கை
எருமை மீது பயணம் செய்து
வாக்கு சேகரித்தார் வேட்பாளர்.
*
கருத்துக் கணிப்பு
எல்லாக் கட்சியினரும்
எதிர்த்துப் புறக்கணிப்பு.
*
யார் யாருக்கு என்ன பலம்
தீர்மானிக்கிறது
தேர்தல் களம்.
*

**ayyasamy ram** · **ayyasamy ram** Mon Apr 07, 2014 9:04 am

இந்த பதிவைத் துவங்கியவர் நன்றி கூறியுள்ளார் ayyasamy ram

ந.க.துறைவன் · ந.க.துறைவன் Wed Apr 09, 2014 3:34 pm

கோடீஸ்வர வேட்பாளர்கள்
பட்டியல் வெளியிட்டது
தேர்தல் ஆணையம்.
*
எந்த மெனுவும்
தள்ளுபடி யில்லை
மனுதான் தள்ளுபடி.
*
தேர்தல் களத்தில்
அனல் பறக்கிறது
பேச்சாளர்களின் பேச்சு.
*
கோயில் கட்டுவார்கள்
நிதானமாக வெட்டுவார்கள்
ஊழியர்கள் கோரிக்கைகள்.
*
நல்லாசி, நல்லாட்சி
பிறகு மெல்ல அரங்கேறும்
ஊழல் காட்சி.
*

ந.க.துறைவன் · ந.க.துறைவன் Wed Apr 09, 2014 3:34 pm

கோடீஸ்வர வேட்பாளர்கள்
பட்டியல் வெளியிட்டது
தேர்தல் ஆணையம்.
*
எந்த மெனுவும்
தள்ளுபடி யில்லை
மனுதான் தள்ளுபடி.
*
தேர்தல் களத்தில்
அனல் பறக்கிறது
பேச்சாளர்களின் பேச்சு.
*
கோயில் கட்டுவார்கள்
நிதானமாக வெட்டுவார்கள்
ஊழியர்கள் கோரிக்கைகள்.
*
நல்லாசி, நல்லாட்சி
பிறகு மெல்ல அரங்கேறும்
ஊழல் காட்சி.
*

ந.க.துறைவன் · ந.க.துறைவன் Thu Apr 17, 2014 8:47 am

தரை இறங்கும் ஹெலிகேப்டர்…!
*
ஆரத்தி எடுத்தப் பெண்கள்
ஆக்ரோஷமாய் கத்தினார்கள்
பணம் பட்டுவாடா தகராறு.
*
புதுசா என்ன இலவசம்?
அறிவிப்பு வருமென்று
எதிர்பார்த்தார்கள் ஏழைகள்.
*
ஹெலிகேப்டர் இறங்க இறங்க
தலைஎணங்கி நிற்கிறார்கள்
தன்மானத் தமிழர்கள்.
*
சின்னங்களை வரவழைத்து
மாஜிக் காட்டினான்
வியந்துப் பார்க்கிறது கூட்டம்.
*
இந்திய வாக்காளர் பட்டியல்
சிறந்தத் தொகுப்பாக
கின்னஸ் தேர்வு.
*

ந.க.துறைவன் · ந.க.துறைவன் Sat Apr 19, 2014 7:33 am

காந்தி சிரித்தார்...
*
தேர்தல் திருவிழாவில்
காணாமல் போனது
உண்மை, நேர்மை, வாய்மை.
*
குற்றச்சாட்டுக்கள் கேட்டார்கள்
தீர்ப்பளிப்பார்கள்
விவேகமான வேட்பாளர்கள்.
*
ஊழல் செய்தவர்களைக்
காரித் துப்புகிறது
சுடுகாட்டுப் பிணங்கள்.
*
வீட்டுக்கு வீடு வாசலில்
கருப்புக் கொடி, தேர்தலைப்
புறக்கணித்ததுக் கிராமம்.
*
வேட்பாளர் சிரித்தார்
வாக்காளர் சிரித்தார்
மறைவில் காந்தி சிரித்தார்.
*

ந.க.துறைவன் · ந.க.துறைவன் Tue Apr 22, 2014 7:47 am

*
எவருமில்லை அங்கே..!!
*
மழை பெய்து ஒய்ந்தது
மண் ஈரமாக வில்லை
வேட்பாளர்கள் வெற்றிப் பேச்சு.
*
ஊரே அமைதியாகி விட்டது
ஊர் திரும்பி விட்டார்கள்
வேட்பாளர்கள்.
*
எறும்பு போல வரிசையில்
வாக்காளர்கள்
விரலில் “ மை”.
*
வாக்களித்து விட்டு
வெளியில் வந்தேன்
எவருமில்லை அங்கே.
*
விடை பெறுகிறேன்
நண்பர்களே சந்திப்போம்
அடுத்த தேர்தல்.
*

**ஜாஹீதாபானு** · 16/04/2011

ந.க.துறைவன் wrote:[link="/t108851-topic#1059319"]*
எவருமில்லை அங்கே..!!
*
மழை பெய்து ஒய்ந்தது
மண் ஈரமாக வில்லை
வேட்பாளர்கள் வெற்றிப் பேச்சு.
*
ஊரே அமைதியாகி விட்டது
ஊர் திரும்பி விட்டார்கள்
வேட்பாளர்கள்.
*
எறும்பு போல வரிசையில்
வாக்காளர்கள்
விரலில் “ மை”.
*
வாக்களித்து விட்டு
வெளியில் வந்தேன்
எவருமில்லை அங்கே.
*
விடை பெறுகிறேன்
நண்பர்களே சந்திப்போம்
அடுத்த தேர்தல்.
*

ஹா ஹா சூப்பர்

Sponsored content · Sponsored content

தேர்{ஆறு}தல் கவிதைகள்

தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக