முஸ்லிம் தொப்பியை மோடி அணியாதது தவறில்லை: மதகுரு மவுலானா மெஹ்மூத் மதானி

புதுடில்லி: ''முஸ்லிம்களின் தொப்பியை மோடி அணியாததில், எந்த தவறும் இல்லை. சிலர் முஸ்லிம்களின் தொப்பியை அணிந்து, அம்மக்களை ஏமாற்றுகின்றனர். அவ்வாறு இல்லாமல், 'முஸ்லிம் தொப்பியை அணிய மாட்டேன்' என மோடி கூறுவது, அவரின் திடமான நம்பிக்கையை குறிக்கிறது,'' என, முஸ்லிம் மதகுரு மவுலானா மெஹ்மூத் மதானி கூறினார்.


கடந்த 7ல் துவங்கி, மே 12 வரை நடைபெறும் லோக்சபா தேர்தலில், பா.ஜ., பிரதமர் வேட்பாளராக அறிவிக்கப்பட்டுள்ள குஜராத் முதல்வர் நரேந்திர மோடி, நாடு முழுவதும் பிரசாரம் மேற்கொண்டு வருகிறார். சமீபத்தில் பத்திரிகை ஒன்றுக்கு அவர் அளித்த பேட்டியில், 'முஸ்லிம்களின் தொப்பியை நான் ஒருபோதும் அணிய மாட்டேன்' என கூறியிருந்தார். இதை, மோடிக்கு எதிரான அஸ்திரமாக பயன்படுத்திக் கொண்ட காங்கிரஸ், 'மோடிக்கு முஸ்லிம்கள் மீது எவ்வளவு கோபம் இருந்தால் தொப்பியை அணியமாட்டேன் என கூறுவார்...' என்றது.

இது குறித்து, வட மாநிலங்களில் பிரபலமான முஸ்லிம் மதகுருமார்களில் ஒருவரான, மவுலானா மெஹ்மூத் மதானி நேற்று கூறியதாவது: என்னிடம் யாராவது வந்து, நெற்றியில் திலகம் வைத்துக் கொள்ள வேண்டும் என கூறினால், நான் வைத்துக் கொள்ள மாட்டேன். அவ்வாறு மறுத்ததற்காக, நான் கொடியவன்; கெட்டவன் என அர்த்தமல்ல. அது போல் தான் மோடியும், முஸ்லிம்கள் தொப்பியை வைக்க முடியாது என்றுள்ளார்; அதில் தவறு எதுவும் இல்லை. அரசியல் காரணங்களுக்காகவும், முஸ்லிம்களை முட்டாள் ஆக்க வேண்டும் என்பதற்காகவும், சிலர், சிறிது நேரம் முஸ்லிம் தொப்பிகளை வைக்கின்றனர். அது போல் இல்லாமல், மோடி மறுத்தது, அவரின் திடமான மனஉறுதியை காட்டுகிறது. இவ்வாறு அவர் கூறினார்.

#இஸ்லாம் #மதகுரு #மவுலானா #மெஹ்மூத் #மதானி

இது குறித்து, வட மாநிலங்களில் பிரபலமான முஸ்லிம் மதகுருமார்களில் ஒருவரான, மவுலானா மெஹ்மூத் மதானி நேற்று கூறியதாவது: என்னிடம் யாராவது வந்து, நெற்றியில் திலகம் வைத்துக் கொள்ள வேண்டும் என கூறினால், நான் வைத்துக் கொள்ள மாட்டேன். அவ்வாறு மறுத்ததற்காக, நான் கொடியவன்; கெட்டவன் என அர்த்தமல்ல. அது போல் தான் மோடியும், முஸ்லிம்கள் தொப்பியை வைக்க முடியாது என்றுள்ளார்; அதில் தவறு எதுவும் இல்லை. அரசியல் காரணங்களுக்காகவும், முஸ்லிம்களை முட்டாள் ஆக்க வேண்டும் என்பதற்காகவும், சிலர், சிறிது நேரம் முஸ்லிம் தொப்பிகளை வைக்கின்றனர். அது போல் இல்லாமல், மோடி மறுத்தது, அவரின் திடமான மனஉறுதியை காட்டுகிறது. இவ்வாறு அவர் கூறினார்.

சிறந்த கருத்து ....

இது என்ன வேடிக்ைகயாக இருக்கிறது.முஸ்லீம் அல்லாத ஒருவர் தொப்பி அணிய வேண்டும் என்பதே அபத்தம்.தேர்தல் என்றால் எல்லாமே மறந்துவிடுவதா?இதற்காக மௌலான அவர்களும் விளக்கம் சொல்ல வேண்டிய அவசியமும் இல்லை.தேர்தலுக்காக எதையும் செய்வார்கள் போலும்.தேர்தலில் மதத்தைக் கூறி மக்களை பிழையன வழிக்கு இட்டுச் செல்லப்படுவது தவிர்க்கப்பட வேண்டும்.