இடம்பெயர்ந்த மக்களுக்கான உணவுப்பொருள் வியாபாரிகளால் கடத்தப்பட்டு விற்பனை

http://www.meenagam.org/?p=14965

இடம்பெயர்ந்த மக்களுக்கான உணவுப்பொருள் வியாபாரிகளால் கடத்தப்பட்டு விற்பனை: பருப்பு, மாவுடன் லொறி பிடிபட்டது
எழுதியவர்பகலவன் on November 2, 2009
பிரிவு: செய்திகள்

lorry_foodஇடம்பெயர்ந்து நிர்க்கதியாகியுள்ள மக்கள் மத்தியில் விநியோகிப்பதற்கென நட்பு நாடொன்றினால் அன்பளிப்புச் செய்யப்பட்ட, கோதுமை மா மூடைகளும், பருப்பு மூடைகளும் திருட்டுத்தனமாக வேறு இடங்களுக்குக் கொண்டு செல்லப்பட்டு விற்பனை செய்யப்படுவது தெரியவந்துள்ளது.

அண்மையில் திருகோணமலை மாவட்டத்தில் இடம்பெயர்ந்த மக்களுக்கு விநியோகிப்பதற்காக நட்பு நாடொன்றினால் வழங்கப்பட்ட மா மூடைகளும், பருப்பு மூடைகளும் தோப்பூரிலிருந்து கடத்தப்பட்டு தம்புள்ள பொருளாதார நிலையத்திற்குக் கொண்டு செல்லப்பட்டிருந்த வேளையில் பொருள்களை ஹபரணப் பொலிஸார் மடக்கிப் பிடித்துள்ளனர்.

ஹபரணப் பொலிஸாருக்குக் கிடைத்திருந்த இரகசியத் தகவலையடுத்து, அவர்கள் ஹத்தரஸ்கொட்டுவ வீதித் தடுப்புப் பரிசோதனை நிலையத்தில் சம்பந்தப்பட்ட லொறியை நிறுத்திச் சோதனை நடத்தினார்கள்.

இந்த உணவுப் பொருள்கள் ஏற்றப்பட்டிருந்த லொறியைத் தடுத்து காவலில் வைத்ததோடு அதில் இருந்த ஐந்து நபர்களையும் சந்தேகத்தில் பொலிஸார் கைது செய்தனர்.

இந்த நபர்கள் வெகுகாலமாகவே இவ்வாறு உணவுப்பொருள்களைக் கடத்தி வருவது விசாரணையில் தெரியவந்துள்ளது.

தம்புள்ளவில் உள்ள முக்கிய வியாபாரப் புள்ளிகள் பலர் இதில் சம்பந்தப்பட்டிருப்பதாகப் பொலிஸார் சந்தேகிக்கின்றனர்.

இந்நபர்கள் விரைவில் பொலிஸ் காவலில் வைக்கப்படுவார்கள் என்று அதிகாரி ஒருவர் தெரிவித்தார்.

சம்பந்தப்பட்ட லொறியில் இருந்து 50 கிலோ நிறைகள் கொண்டிருந்து 48 பருப்பு மூடைகளும் 50 கிலோ நிறைகள் கொண்ட 50 மா மூடைகளும் கைப்பற்றப்பட்டுள்ளன.
(Visited 1 times, 1 visits today)

இவங்களுக்கெல்லாம் மனசாட்சியை மாடு மேய்துவிட்டதா???

என்ன மனித நேயமுள்ள மக்களப்பா