இந்தியாவின் சிறந்த முதல்வர் மோடி அல்ல; இந்த லேடி: முதல்வர் ஜெ., பேச்சு

சென்னை: இந்தியாவின் சிறந்த முதல்வர் மோடி அல்ல; தமிழகத்தின் இந்த லேடி என தென்சென்னை அ.தி.மு.க., வேட்பாளரை ஆதரித்து நடந்த தேர்தல் பிரசாரத்தில் முதல்வர் ஜெயலலிதா பேசினார்.

தென் சென்னை தொகுதி அ.தி.மு.க., வேட்பாளரை ஆதரித்து முதல்வர் ஜெ., பேசினார். அப்போது அவர் பேசியதாவது: தி.மு.க., அளித்த வாக்குறுதிகள் எதையும் நிறைவேற்றவில்லை. ஆனால் அ.தி.மு.க., வாக்குறுதிகளை நிறைவேற்றவில்லை என பொய்ப்பிரசாரம் செய்கிறது. காங்கிரசுக்கு ஆதரவான போக்கை தி.மு.க., கொண்டுள்ளது. மத்தியில் ஆட்சியில் இருந்த தி.மு.க., தமிழகத்துக்காக எதுவும் செய்யவில்லை. கார் இறக்குமதி வழக்கில் ஆதரவுக்காக காங்கிரஸ் நடவடிக்கை எடுக்கவில்லை. கார் இறக்குமதி வழக்கு குறித்து கருணாநிதி, ஸ்டாலின் விளக்கமளிக்க வேண்டும். அ.தி.மு.க., அளித்த 177 வாக்குறுதிகளில் 150 வாக்குறுதிகள் நிறைவேற்றப்பட்டன. குஜராத்தில் 16.6 சதவீத மக்கள் வறுமைக்கோட்டிற்கு கீழ் உள்ளனர். ஆனால் தமிழகத்தில் 11.3 சதவீதம் மக்கள் வறுமைக்கோட்டிற்கு கீழ் உள்ளனர். குஜராத்தில் பெண்களுக்கு எதிரான குற்றங்கள் அதிகம். இந்தியாவின் மிகச்சிறந்த முதல்வர் மோடி அல்ல. இந்த லேடி. சிறந்த நிர்வாகத்தை அளிப்பவர் மோடி அல்ல. இந்த லேடி தான். எனக்கு எல்லாம் நீங்கள் தான் உங்களால் நான். உங்களுக்காகவே நான்.எனக்கு தன்னலம் கிடையாது. எல்லாம் உங்கள் நலன் தான். தமிழக நலன் தான். தமிழக மக்களின் நலன் தான் என் நலம். தமிழக மக்கள் தான் என் மக்கள் என பேசினார்.

பின்னர் தி.நகரில் மக்களிடையே முதல்வர் ஜெயலலிதா பேசினார். அப்போது 40 லோக்சபா தொகுதி அ.தி.மு.க., வேட்பாளர்கள் மற்றும் ஆலந்தூர் சட்டசபை தொகுதியில் போட்டியிடும் வேட்பாளர்களை அறிமுகப்படுத்தி வைத்து முதல்வர் ஜெ., பேசினார்.

அப்போது பேசியதாவது: என்றைக்கோ தமிழகத்துக்கு என்னை அர்ப்பணித்து விட்டேன்.
தமிழகத்திற்கும், மக்களுக்கும் பாதுகாப்பு அளிப்பது அ.திமு.க.,.தாய் அன்பு வைப்பது போல், தமிழக மக்கள் மீது அன்பு வைத்துள்ளேன். பா.ஜ., கூட்டணி கட்சிகளின் கூத்துக்களைபார்த்து கொண்டுள்ளோம். பா.ஜ., கூட்டணி கட்சிகளுக்கு கொள்கையில்லை.
மத்திய அமைச்சர் பதவியை பெறவே பா.ஜ.,வுடன் கூட்டணி வைத்துள்ளன. அக்கட்சிகளுக்கு தமிழக மக்களின் நலனில் அக்கறை இல்லை. பா.ஜ., கூட்டணி கட்சிகளுக்கு ஓட்டுப்போடுவது வீண். இத்தேர்தல் உண்மைக்கம் பொய்க்கும் இடையே நடைபெறும் தேர்தல்.உண்மை யதார்த்தை தேர்தல் பிரசாரத்தில் எடுத்துரைத்துளளேன்.

இலங்கையில் தமிழர்கள் அழிக்கப்பட்டுள்ளனர். மீனவர்கள் துன்புறுத்தப்பட்டனர்.

காங்கிரஸ் கட்சிக்கு ஒட்டுப்போடுவது மரணவாசலுக்கு திறவுகோள். 2ஜி ஊழலை முன்னின்று நடத்தியது தி.முக., 2004 மற்றும் 2009ம் ஆண்டு தேர்தல் அறிக்கையை தி.மு.க,, நிறைவேற்றவில்லை. பேராசை பிடிப்பவர்கள் மீனவர்கள் என கருணாநிதி பேசியுள்ளார். மக்கள் விரோத தி.மு.க., காங்கிரசை விரட்டியடிக்க வேண்டும். தமிழக நலனை அடகு வைத்தது தி.மு.க.,. அ.தி.மு.க, வேட்பாளர்கள் உங்களை சுற்றி வருவார்கள். இதற்க நான் உறுதிமொழி அளிக்கிறேன் என கூறினார்.

இன்றுடன் முதல்வர் ஜெயலலிதா தனது தேர்தல் பிரசாரத்தை முடித்து கொண்டார்.

---

[noguest][note] தேர்தல் முடிந்ததும் பாஜகவில் சேரும் எண்ணத்துடன் தான் கம்யூனிஸ்ட் கட்சியைக் கழற்றி விட்டதாக சொல்றாங்களே உண்மையா மேடம் [/note] [/noguest]

---

நகைச்சுவை பகுதியில் போடவேண்டிய பதிவு

நல்ல லேடியா, நாசமான லேடியா.

பழந்தமிழர் கண்ட எதுகை மோனை எப்படியெல்லாம் பயன்படுகிறது பாருங்கள் !

     

Dr.S.Soundarapandian wrote:[link="/t109599-topic#1059372"]பழந்தமிழர் கண்ட எதுகை மோனை எப்படியெல்லாம் பயன்படுகிறது பாருங்கள் !

     

சரியாகச் சொன்னீர்கள் அண்ணா!