30 வகை ‘COOL’ ரெசிபி

by **சிவா** Mon Apr 21, 2014 1:25 am

First topic message reminder :

லிச்சி - கார்ன் - வெள்ளரி சாலட்

தேவையானவை: லிச்சி பழம் (டிபார்ட்மென்ட் கடைகளில் கிடைக்கும்) - 6, ஸ்வீட் கார்ன் (வேகவைத்தது) - கால் கப், வெள்ளரித் துண்டுகள் - ஒரு கப், சர்க்கரை - ஒரு டீஸ்பூன், தேன் - ஒரு டீஸ்பூன், எலுமிச்சம்பழம் - ஒன்று, மிளகுத்தூள் - அரை டீஸ்பூன், உப்பு - ஒரு சிட்டிகை.

செய்முறை: லிச்சி பழத்தை துண்டுகளாக நறுக்கவும். வேகவைத்த கார்ன் முத்துக்கள், லிச்சி பழத் துண்டுகள், நறுக்கிய வெள்ளரித் துண்டு களை ஒரு பாத்திரத்தில் போடவும். அதனுடன் சர்க்கரை, உப்பு, தேன், மிளகுத்தூள் சேர்த்து நன்கு கலக்கவும். எலுமிச்சையை பிழிந்து சாறு எடுத்து, அதையும் ஊற்றிக் கலக்கவும்.

குறிப்பு: லிச்சி பழத்துக்குப் பதில், நுங்குத் துண்டுகள் சேர்த்தும் செய்யலாம்.

by **சிவா** Mon Apr 21, 2014 1:28 am

தேங்காய்ப்பால் கஞ்சி

தேவையானவை: புழுங்க லரிசிக் குருணை - ஒரு கப், பாசிப்பருப்பு - 2 டேபிள்ஸ்பூன், வெந்தயம், சீரகம் - தலா கால் டீஸ்பூன், பூண்டு - 8 பல், இரண்டாம் தேங்காய்ப்பால் - 2 கப், முதல் தேங்காய்ப்பால் - ஒரு கப், உப்பு - தேவைக்கேற்ப.

செய்முறை: புழுங்கலரிசிக் குருணை, பாசிப்பருப்பு, வெந்தயம், சீரகம், பூண்டு ஆகியவற்றை 2-ம் தேங்காய்ப்பால், தேவையான நீர் சேர்த்துக் குழைய வேகவிடவும். வெந்த கஞ்சியுடன் தேவையான உப்பு, முதல் தேங்காய்ப்பால் சேர்த்துக் கிளறி பரிமாறவும்.

by **சிவா** Mon Apr 21, 2014 1:28 am

தர்பூசணி குல்ஃபி

தேவையானவை: தர்பூசணி விழுது - ஒரு கப், முலாம்பழ விழுது - ஒரு கப், வெள்ளரிக்காய் விழுது - அரை கப், சாட் மசாலா - அரை டீஸ்பூன், எலுமிச்சைச் சாறு - ஒரு டீஸ்பூன், சர்க்கரை - ஒரு டீஸ்பூன், க்ரீம் - 2 டேபிள்ஸ்பூன், உப்பு - கால் டீஸ்பூன்.

செய்முறை: தர்பூசணி விழுது, முலாம்பழ விழுது, வெள்ளரிக்காய் விழுது, உப்பு, சாட் மசாலா, எலுமிச்சைச் சாறு, சர்க்கரை சேர்த்துக் கலக்கி, குல்ஃபி அச்சுகளில் ஊற்றி, ஃப்ரிட்ஜில் ஃப்ரீஸரில் வைத்து செட் செய்யவும். செட் ஆனதும், அச்சிலிருந்து எடுத்து, க்ரீம் சேர்த்துப் பரிமாறவும்.

by **சிவா** Mon Apr 21, 2014 1:28 am

பாஜ்ரா - மேத்தி ரொட்டி

தேவையானவை: கம்பு மாவு - ஒரு கப், வெந்தயக் கீரை இலைகள் - அரை கப், கோதுமை மாவு - கால் கப், சீரகம், ஓமம் - தலா கால் டீஸ்பூன், மிளகாய்த்தூள் - ஒரு டீஸ்பூன், தயிர் - 2 டேபிள்ஸ்பூன், எண்ணெய், வெண்ணெய், உப்பு - தேவைக்கேற்ப.

செய்முறை: கம்பு மாவு, கோதுமை மாவு, சீரகம், ஓமம், உப்பு, மிளகாய்த்தூள், தயிர், வெந்தயக் கீரை ஆகியவற்றை சேர்த்து நன்கு கலக்கவும். தேவைக்கேற்ப நீர் சேர்த்து, சப்பாத்தி மாவு போல் பிசைந்து ஒரு மணி நேரம் ஊறவிடவும். பிறகு, சிறுசிறு உருண்டைகளாக உருட்டி வைக்கவும். உருண்டையை சப்பாத்தி போல் திரட்டி, சூடான தோசைக்கல்லில் போட்டு, சுற்றிலும் எண்ணெய் விட்டு இருபுறமும் சுட்டு எடுக்கவும். மேலே வெண்ணெய் தடவி பரிமாறவும்.

குறிப்பு: கோதுமை மாவுக்குப் பதில் கடலை மாவும் சேர்க்கலாம். கம்பு, வெந்தயக் கீரை இரண்டும் குளிர்ச்சியைத் தரும்.

by **சிவா** Mon Apr 21, 2014 1:29 am

மணத்தக்காளி கீரை மண்டி

தேவையானவை: மணத்தக்காளி கீரை - ஒரு கட்டு, பூண்டு - 4 பல், சின்ன வெங்காயம் - 6, காய்ந்த மிளகாய் - 4, அரிசி களைந்த நீர் - ஒரு கப், சீரகம், வெந்தயம், கடுகு, உளுத்தம்பருப்பு - தலா கால் டீஸ்பூன், பெருங்காயத்தூள் - ஒரு சிட்டிகை, தேங்காய்ப்பால் - கால் கப், எண்ணெய், உப்பு - தேவைக்கேற்ப.

செய்முறை: மணத்தக்காளி கீரையை சுத்தம் செய்து, நறுக்கி வைக்கவும். பூண்டு, வெங்காயத்தை பொடியாக நறுக்கவும். வாணலியில் எண்ணெயை சூடாக்கி, கடுகு, உளுத்தம்பருப்பு, சீரகம், வெந்தயம், காய்ந்த மிளகாய் தாளித்து... பூண்டு, வெங்காயத்தை சேர்த்துக் கிளறவும். இதனுடன் கீரையை சேர்த்து வதக்கி, அரிசி களைந்த நீரை ஊற்றி வேகவிட்டு... உப்பு, பெருங்காயம் சேர்க்கவும். கீரை வெந்ததும் தேங்காய்ப்பால் ஊற்றிக் கிளறி இறக்கவும்.

by **சிவா** Mon Apr 21, 2014 1:29 am

பாஜ்ரா கிச்சடி

தேவையானவை: கம்பு - ஒரு கப், பச்சைப் பயறு - அரை கப், சீரகம் - ஒரு டீஸ்பூன், லவங்கம் - 2, துருவிய இஞ்சி - 2 டீஸ்பூன், மஞ்சள்தூள் - கால் டீஸ்பூன், பச்சை மிளகாய் - 2, கறிவேப்பிலை - சிறிதளவு, நெய் - 3 டேபிள்ஸ்பூன், உப்பு - தேவைக்கேற்ப.

செய்முறை: சுத்தம் செய்த கம்பு, பச்சைப் பயறு இரண்டையும் வெறும் வாணலியில் வறுத்துக்கொள்ளவும். தேவையான நீர், மஞ்சள்தூள் சேர்த்து குக்க ரில் வைத்து குழைய வேகவிடவும். வாணலியில் நெய்யை சூடாக்கி, சீரகம், லவங்கம், துருவிய இஞ்சி, கீறிய பச்சை மிளகாய், கறிவேப்பிலையை தாளித்து, வேகவைத்த கம்பு - பச்சைப் பயறு கலவையில் சேர்க்கவும். தேவையான உப்பு சேர்த்து நன்கு கிளறி பரிமாறவும்.

by **சிவா** Mon Apr 21, 2014 1:29 am

ஃப்ரூட் சாலட்

தேவையானவை: ஆப்பிள், ஆரஞ்சு, சிறிய கிர்ணிப்பழம் - தலா ஒன்று, வாழைப்பழம் - 2, தர்பூசணித் துண்டுகள் - கால் கப், திராட்சை - 10, மாதுளை முத்துக்கள் - கால் கப், கண்டன்ஸ்டு மில்க், தேன் - தலா 2 டீஸ்பூன், சாட் மசாலா அல்லது சீரகத்தூள் - சிறிதளவு.

செய்முறை: ஆப்பிள், கிர்ணிப்பழம், வாழைப்பழத்தை துண்டுக ளாக்கி பாத்திரத்தில் போடவும். தர்பூசணி துண்டுகளையும் போடவும். ஆரஞ்சை தோல், கொட்டை நீக்கி இதனுடன் சேர்த்து... திராட்சை, மாதுளை முத்துக்களையும் சேர்க்கவும். பிறகு கண்டன்ஸ்டு மில்க், தேன் சேர்த்துக் கலக்கவும். இதை குளிரவைத்து... சாட் மசாலா அல்லது சீரகத்தூள் தூவி பரிமாறவும்.

by **சிவா** Mon Apr 21, 2014 1:30 am

கிவி ஸ்மூத்தி

தேவையானவை: கிவி பழம் (டிபார்ட்மென்ட் கடைகளில் கிடைக்கும்) - 2, கெட்டித் தயிர் - அரை கப், பால் - ஒரு கப், பொடித்த சர்க்கரை - 2 டேபிள்ஸ்பூன், துருவிய பாதாம் - ஒரு டேபிள்ஸ்பூன், ஐஸ்கட்டிகள் - 2.

செய்முறை: கிவி பழத்தை, தோல் சீவி துண்டுகளாக நறுக்கவும். மிக்ஸி ஜாரில் கிவி பழம், தயிர், பால், பொடித்த சர்க்கரை, ஐஸ் கட்டிகள் போட்டு நன்கு அடிக்கவும். அதை கண்ணாடி டம்ளரில் ஊற்றி, பாதாம் துருவல் தூவி பரிமாறவும்.

குறிப்பு: கிவி பழத்துக்குப் பதில் ஆப்பிள், வாழைப்பழம் முலாம்பழம், பப்பாளி சேர்த்தும் 'ஸ்மூத்தி’ செய்யலாம்.

by **சிவா** Mon Apr 21, 2014 1:30 am

பூசணி தயிர்ப்பச்சடி

தேவையானவை: பூசணித் துருவல் - ஒரு கப், கெட்டித் தயிர் - அரை கப், பச்சை மிளகாய் - ஒன்று (பொடியாக நறுக் கவும்), இஞ்சித் துருவல் - ஒரு டீஸ்பூன், கடுகு, உளுத்தம்பருப்பு - தலா கால் டீஸ்பூன், பெருங்காயத்தூள் - ஒரு சிட் டிகை, கறிவேப்பிலை, கொத்தமல்லி - சிறி தளவு, எண்ணெய், உப்பு - தேவைக்கேற்ப.

செய்முறை: பூசணித் துருவலில் இருந்து நீரைப் பிழியவும். ஒரு பாத்திரத்தில் தயிரை ஊற்றி, அதனுடன் பொடியாக நறுக்கிய பச்சை மிளகாய், பூசணித் துருவல், கறிவேப்பிலை, கொத்தமல்லி, இஞ்சித் துருவல், உப்பு சேர்த்துக் கலக் கவும். வாணலியில் எண்ணெயை சூடாக்கி, கடுகு, உளுத்தம்பருப்பு, பெருங்காயத்தூள் தாளித்து அதனுடன் சேர்க்கவும்.
பூசணி, நாவறட்சியைப் போக்கும். உடம்பில் நீர்ச்சத்து குறையாமல் பாதுகாக்கும்.

by **சிவா** Mon Apr 21, 2014 1:30 am

மாம்பழ ஸ்ரீகண்ட்

தேவையானவை: மாம்பழம் - ஒன்று, கெட்டித்தயிர் - ஒரு கப், பொடித்த சர்க்கரை - 2 டீஸ்பூன், ஏலக்காய்த்தூள் - கால் டீஸ்பூன், துருவிய பாதாம் - ஒரு டீஸ்பூன், பொடியாக நறுக்கிய மாம்பழத் துண்டுகள் - சிறிதளவு.

செய்முறை: மாம்பழத்தை தோல் சீவி, கொட்டை நீக்கி, மிக்ஸி யில் அடித்துக்கொள்ளவும். தயிரை மஸ்லின் துணியில் கட்டி தொங்க விட்டு, நீரை வடிக்கவும். ஒரு பாத்திரத் தில் மாம்பழ விழுது, கெட்டியாக உள்ள தயிர், பொடித்த சர்க்கரை, ஏலக்காய்த்தூள் சேர்த்துக் கலக்கி, சிறிய கிண்ணங்களில் ஊற்றவும். மேலே பாதாம் துருவல், மாம்பழத் துண்டுகள் தூவி அலங்கரிக்கவும். குளிர வைத்து சாப்பிடக் கொடுக்கவும்.

by **சிவா** Mon Apr 21, 2014 1:30 am

கேரட் - பீட்ரூட் டிலைட்

தேவையானவை: பீட்ரூட், கேரட், தக்காளி - தலா ஒன்று, மிளகுத்தூள், சீரகத்தூள் - தலா கால் டீஸ்பூன், புதினா - சிறிதளவு, எலுமிச்சம்பழம் - ஒன்று, இளநீர் வழுக்கை - சிறிதளவு, உப்பு - தேவைக்கேற்ப.

செய்முறை: பீட்ரூட், கேரட், தக்காளியை மிக்ஸியில் அரைத்து வடிகட்டிக் கொள்ளவும். அதனுடன் உப்பு, மிளகுத்தூள், சீரகத்தூள், எலு மிச்சைச் சாறு சேர்த்துக் கலக்கவும். புதினாவை அரைத்து வடிகட்டி சேர்க்க வும். பொடியாக நறுக்கிய இளநீர் வழுக்கை சேர்த்துக் கலக்கிப் பரிமாற வும் (குளிரவைத்துக் கொடுத்தால் சுவை இன்னும் தூக்கலாக இருக்கும்).