சிதம்பரத்தில் ஏப்.14-ல் வள்ளலார் முத்திரை மாநாடு!

**சாமி** · **சாமி** Sat Apr 12, 2014 7:29 am

சிதம்பரத்தில் வள்ளலார் கொள்கை பரப்பு மன்றம் மற்றும் கடலூர் மாவட்டத்தில் உள்ள அனைத்து சன்மார்க்க சங்கங்களின் சார்பில் வருகிற ஏப்.14-ம் தேதி வள்ளலார் முத்திரை மாநாடு நடைபெறுகிறது.

சிதம்பரம் கீழவீதி வி.கோதண்டராமன் திருமணம மண்டபத்தில் மாநாடு ஏப்.14-ம் தேதி திங்கள்கிழமை நடைபெறுகிறது. மாநாட்டில் சத்தியஞான தீபம் ஏற்றுதல், ஜோதிவழிபாடு, அருட்பெருஞ்ஜோதி தியானப்பயிற்சி, அருட்பெருஞ்ஜோதி அகவல் ஓதுதல், சமரச சுத்த சன்மார்க்க கொடி ஏற்றுதல், சுத்த சன்மார்க்க பேரூரை, சிறப்புரை வள்ளலார் திருவுருவப் வரைபடம் திறப்பு, அருட்பா பாடல், அருட்பா வில்லிசை, அருட்பா பாடல்கள் சிடி வெளியீடு, அருட்பிரகாச வள்ளலாரின் புகழ்பாடும் கவிதை சிடி வெளியீடு ஆகிய நிகழ்வுகள் நடைபெறுகின்றன. மேலும் அனைத்து சன்மார்க்க சாதனையாளர்களுக்கு விருது வழங்குதல் நிகழ்ச்சியும், 10 ஆயிரம் பேருக்கு அன்னதானம் வழங்கும் நிகழ்ச்சியும் நடைபெறுகிறது.

மாநாட்டிற்கு டி.ராஜமாரியப்பன் தலைமை வகிக்கிறார். ஞானாலய வள்ளலார் கோட்டம் ஜி.ஆனந்தன் வரவேற்கிறார். கோவை ஞானகுரு காமாட்சிபுரி ஆதீனம் சிவலிங்கேஸ்வர சுவாமிகள், நற்கருங்குழி ஊராட்சி மன்றத் தலைவர் முத்துக்குமரன் ஆகியோர் முன்னிலை வகிக்கின்றனர். வடலூர் ஒபிஆர் கல்வி நிறுவனங்களின் செயலாளர் ரா.செல்வராஜ் மாநாட்டினை தொடங்கி வைக்கிறார்.

சிதம்பரம் சுத்த சன்மார்க்க மெய்ப்பொருள் ஆய்வு மைய புலவர் கோ.சீராமன் மாநாட்டு பேரூரையாற்றுகிறார். மாநாட்டில் பேராசிரியர் என்.தில்லைநாயகம், மதுரை ராம.பாண்டுரங்கம், மேட்டுக்குப்பம் புலவர் கே.ஞானதுரை, படப்பை பாலகிருஷ்ணன், திருநள்ளார் புலவர் த.தங்கராசன், வை.நமச்சிவாயம், வடக்குமேலூர் ராம.கோதண்டபாணி, சென்னை சாதுஜெகன், புதுவை த.சக்திவேல், வடலூர் புஷ்ப.செளரிராஜன், ஆன்மீக சொற்பொழிலாளர் ஐ.ரவிச்சந்திரன், செல்வி எம்.மகாலட்சுமி ஆகியோர் சிறப்புரையாற்றுகின்றனர். ஜோஜி.பிரசாத் நன்றி கூறுகிறார். மாநாட்டு ஏற்பாடுகளை வள்ளலார் கொள்கை பரப்பு மன்றத் தலைவர் க.கண்ணதாசன் உள்ளிட்ட நிர்வாகிகள் செய்துள்ளனர்

**ayyasamy ram** · **ayyasamy ram** Sat Apr 12, 2014 9:00 am

10 ஆயிரம் பேருக்கு அன்னதானம்..!!
-
வறுமை என்று ஒழியும்..?!

**சாமி** · **சாமி** Sat Apr 12, 2014 12:12 pm

ayyasamy ram wrote:[link="/t109369-14#1058027"]10 ஆயிரம் பேருக்கு அன்னதானம்..!!
-
வறுமை என்று ஒழியும்..?!

அன்னதானத்துக்கு வந்து சாப்பிடறவங்க எல்லாம் வறுமையில வாடறவங்களா என்ன அய்யாசாமி அய்யா?

**ayyasamy ram** · **ayyasamy ram** Sat Apr 12, 2014 1:52 pm

அரசியல் கட்சி கூட்டத்துக்கு வருபவர்களுக்கு பிரியாணி
பொட்டலமும், பேட்டாவும் நிச்சயம் உண்டு என்பதைப்
போலத்தான்..இப்படிப்பட்ட சேவையும்..!
-
மாற்று கட்சி கூட்டத்துக்கும் இந்த மக்கள் கூட்டம்
போகும், சொன்னபடி கோஷம் போடும்..!!
-
ஆன்மீக கூட்டத்துக்கும் அன்னதானம் உண்டு என்று
விளம்பரம் செய்து கூட்டம் கூட்டப்படுவதை என்ன
சொல்ல..?!
-

Sponsored content · Sponsored content

சிதம்பரத்தில் ஏப்.14-ல் வள்ளலார் முத்திரை மாநாடு!

சிதம்பரத்தில் ஏப்.14-ல் வள்ளலார் முத்திரை மாநாடு!

Re: சிதம்பரத்தில் ஏப்.14-ல் வள்ளலார் முத்திரை மாநாடு!

Re: சிதம்பரத்தில் ஏப்.14-ல் வள்ளலார் முத்திரை மாநாடு!

Re: சிதம்பரத்தில் ஏப்.14-ல் வள்ளலார் முத்திரை மாநாடு!

Re: சிதம்பரத்தில் ஏப்.14-ல் வள்ளலார் முத்திரை மாநாடு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக