செய்வீர்களா... ஜெயலலிதா செய்வீர்களா?

First topic message reminder :



பேப்பரைப் பார்த்துப் படித்து ''செய்வீர்களா? நீங்கள் செய்வீர்களா?'' என நம்மைப் பார்த்துக் கேள்விகளாகக் கேட்டுத்தள்ளும் தங்கத் தாரகை அம்மாவிடம் நான் கேட்க நினைத்த கேள்விகள் இவை. படிப்பீர்களா? நீங்கள் படிப்பீர்களா?

எப்போதும் ஜென் நிலையில் லயித்துக்கிடக்கும் ஓ.பன்னீர் செல்வத்தை நார்மல் மனிதனாக மாற்றிக் காட்டுவீர்களா? நீங்கள் மாற்றிக் காட்டுவீர்களா?

நீங்கள் காரில் போகும்போது டயரைப் பார்த்து சம்மணக்கால் போட்டு வணக்கம் வைக்கிறார்கள் உங்கள் தொண்டர்கள். எல்லாம் சரி. 'ஹெலிகாப்டரில் நான் பறக்கும்போதும் அப்படிச் செய்யாதீர்கள்’ எனச் சொல்வீர்களா? நீங்கள் சொல்வீர்களா?

'தலைவா’ படத்துக்கு மிரட்டல் கடிதம் எழுதிப் பிரச்னை கிளப்பிய அந்த யாரோ சில தீய சக்திகளை இப்போதேனும் தமிழ்நாட்டிற்கு அடையாளம் காட்டுவீர்களா? நீங்கள் அடையாளம் காட்டுவீர்களா?

ஆதீனம், சரத்குமார் மற்றும் சீமான் போன்றோரின் 'தன்னலமில்லா’ தியாகத்தையும் அவர்களுக்கு நீங்கள் காட்டிவரும் 'பரிவு’ பற்றியும் என்றைக்கேனும் சிந்தித்திருக்கிறீர்களா? நீங்கள் சிந்தித்திருக்கிறீர்களா?

நித்திய கண்டம் பூரண ஆயுசாய் ஒவ்வொருநாளும் அனலில் இட்ட புழுவாய் நாற்காலியில் அமர்ந்திருக்கும் அமைச்சர் பெருமக்களின் வலியை உணர்கிறீர்களா? நீங்கள் உணர்கிறீர்களா?

மின்வெட்டைக் காரணம் காட்டியே போன தி.மு.க ஆட்சிக்கு வேட்டு வைத்தீர்கள். மின்மிகை மாநிலம் என்ற அழகான சொல்லை எங்களுக்கு அறிமுகம் செய்து வைத்தோடு எங்களை இருட்டில் வைத்திருக்கிறீர்கள். தொட்டுத் தொடரும் மின்வெட்டுப் பாரம்பரியத்தைப் போக்கி எங்கள் வாழ்வில் விளக்கேற்றுவீர்களா? நீங்கள் விளக்கேற்றுவீர்களா?

'வெயிலில் குடை இல்லாமல் 50 நொடிகள் நின்றார் அம்மையார்’ என்று சொன்ன வைகோவைப் பார்த்து கொஞ்சமாவது இரக்கப்பட்டீர்களா? நீங்கள் இரக்கப்பட்டீர்களா?

சொத்துக்குவிப்பு வழக்கு நடக்கும் பெங்களூர் விசேஷ கோர்ட்டுக்கு இனியும் லீவு லெட்டர் எதுவும் கொடுக்காமல் ஆஜர் ஆவீர்களா? நீங்கள் ஆவீர்களா?

கட்டக் கடைசியாய் உங்களுக்கு இவ்வளவு அழகாய் ஸ்பீச் தயாரித்துக் கொடுக்கும் அந்த புண்ணிய ஆத்மாவை மேடையில் அறிமுகம் செய்வீர்களா? நீங்கள் செய்வீர்களா?

விகடன்

   

SajeevJino wrote:[link="/t109347-topic#1058241"].


நடக்கப் போவது நாடாளுமன்ற தேர்தல் ..தயவு செய்து யாரும் மாநில கட்சிகளுக்கு ஒட்டு போட்டு உங்கள் ஓட்டுகளையும் வீணாக்கி .பாராளுமன்றத்திலேயும் ஒரு நிலை இல்லாத தன்மையை உருவாக்கி விட வேண்டாம் ..

மத்திய கட்சிகளான பிஜேபி ,காங்கிரஸ் அல்லது AAP இதில் எது உங்களுக்கு விருப்பமோ அதற்கே உங்கள் ஓட்டுகளைப் போடுங்கள்

மாநில கட்சிகளான திமுக மற்றும் அதிமுக போன்ற கட்சிகளுக்கு ஓட்டுப் போட்டு தேவை இல்லாமல் ஓட்டையும் வீணாக்கி ..பாராளுமன்றதிலேயும் ஒரு நிலை இல்லாதத் தன்மையை உருவாக்கி விட வேண்டாம்

தமிழ்நாட்டில் மாத்திரம் இதை பின்பற்றினால் போதுமா? மற்ற மாநிலங்களில் மாநில கட்சிகள் ஆதிக்கம் /தாக்கம் இருக்குமெனில் , இதை பின்பற்றுவது மிக பெரிய கேள்விக்குறியே!
பிந்தைய காங்கிரஸ் ஆட்சியில் எதேச்சாதிகாரத்தை தடை செய்வதில் மாநில கட்சிகளின் நிலைப்பாடு பெரும் பங்கு என்பதை மறுக்கமுடியாது. மாநில கட்சிகளை வைத்து பெரும் பயனை அடைந்தது காங்கிரஸ். ஒழுகிய தேனை நக்கினது சில மாநில கட்சிகள். அந்த தேனே 5/6 தலைமுறைக்கு வரும் எனில். காங்கிரஸ் அடைந்த பலனை சிறிது யோசித்து பாருங்கள்.
ரமணியன்

ayyasamy ram wrote:[link="/t109347-topic#1058317"]25 பாராளுமன்ற உறுப்பினர்கள் தி.மு.க வசம்
இருந்ததால்தான் மத்திய அமைச்சரவையில்
தமிழர்கள் அமைச்சர்களாக இருந்தார்கள்...
-
அவர்கள் நன்மை செய்தார்களா இல்லையா என்பது
வேறு விஷயம்...

சோ ..முடியல

தமிழகத்தில் பிஜேபி/ காங்கிரஸ் வேட்பாளர்கள் எத்தனை பேர் ..?
எத்தனை பேருக்கு தமிழ் தெரியும் ..?
எத்தனை பிஜேபி/காங்கிரஸ் வேட்பாளர்கள் தமிழர்கள் ..?
இதற்கு முன் எத்தனை பிஜேபி/காங்கிரஸ் வேட்பாளர்கள் மதிய அமைச்சரவையில் பங்கு பெற்றார்கள் ..?



-

மத்தியில் ஸ்திரமாக ஒரு கட்சி ஆட்சி அமைக்க முடியாது
என்பதே யதார்த்தமான உண்மை...

ஸ்திரமான ஆட்சி அமைய வேண்டும் என்பதற்காகவே மாநில கட்சிகளுக்கு ஓட்டு போடா வேண்டாம் என்றேன்
-

பாஜகவுடன் 24 கட்சிகள் இணைந்து களம் காண்கிறது
என்பதால் , தி.மு.க அல்லது அ.தி.மு.க பிரமுகர்களும்
பாராளுமன்றத்தில் அங்கம் வகித்தால்தான் தமிழகத்தற்கு
சிறிதேனும் நன்மை கிடைக்கும்...

-

அப்படியெனில் மாநில கட்சிகள் மத்திய கட்சிகளுடன் கூட்டணி வைத்திருக்க வேண்டும்

T.N.Balasubramanian wrote:[link="/t109347-topic#1058325"]

தமிழ்நாட்டில் மாத்திரம் இதை பின்பற்றினால் போதுமா? மற்ற மாநிலங்களில் மாநில கட்சிகள் ஆதிக்கம் /தாக்கம் இருக்குமெனில் , இதை பின்பற்றுவது மிக பெரிய கேள்விக்குறியே!

கண்டிப்பாக ஒவ்வொரு மாநில மக்களும் இதை யோசித்து செயல்படுத்த வேண்டும்

பிந்தைய காங்கிரஸ் ஆட்சியில் எதேச்சாதிகாரத்தை தடை செய்வதில் மாநில கட்சிகளின் நிலைப்பாடு பெரும் பங்கு என்பதை மறுக்கமுடியாது. மாநில கட்சிகளை வைத்து பெரும் பயனை அடைந்தது காங்கிரஸ். ஒழுகிய தேனை நக்கினது சில மாநில கட்சிகள். அந்த தேனே 5/6 தலைமுறைக்கு வரும் எனில். காங்கிரஸ் அடைந்த பலனை சிறிது யோசித்து பாருங்கள்.
ரமணியன்

ஒரு தொங்கு நிலை இல்லாத ..இழுத்த இழுப்பெக்கெல்லாம் வளையாத ஒரு ஸ்திரமான அரசு தான் வேண்டும் ..