மழலையர் கவிதை

**ayyasamy ram** · **ayyasamy ram** Thu Apr 10, 2014 9:18 pm

வாழும் முறை[/color]
-

காலைப் பொழுதில் அயர்ந்து தூங்காதே
மாலைப் போதினில் மான் போல் விளையாடு
சோலைக் குயிலின் குரலில் கீதமிசை
வேலை தன்னை வெறுத்து ஒதுக்காதே!
-
மேலாம் கல்வி மேன்மை தருமென்று
காலம் முழுதும் கற்றுத் தேர்வாயே!
நூலகம் சென்று படிக்கப் பழகிக் கொள்
நாலும் தெரிவது சாலவும் நன்று
-
பாழும் வெய்யிலில் பதறித் திரியாதே
கீழோர் தொடர்பால் கெட்டு அலையாதே!
வீழும் மண் குடம் போன்று உடையாதே
வாழும் முறையை வளர்த்துக் கொள்வாயே!
-
----------------------------------
>கவிஞர் தடாகத்தான்
நன்றி: நாளை நமதே (மழலையர் கவிதைகள்)

**ayyasamy ram** · **ayyasamy ram** Thu Apr 10, 2014 9:22 pm

மழலையர் கவிதை MG9lZgKcT7aAA5mXcZZk+c8167-img_7870priyamudanprabu-flower-post28229

-
சொத்து..!
--
ஒன்றும் ஒன்றும் இரண்டு
குன்றாக் கல்வியே நன்று
இரண்டும் இரண்டும் நான்கு
இடரும் கர்வமே துன்பம்
மூன்றும் மூன்றும் ஆறு
மூடச் செயலே பாவம்
நான்கும் நான்கும் எட்டே
நன்மை செய்தால் நலமே!
-
ஐந்தும் ஐந்தும் பத்து
அன்பும் ஆற்றலும் சொத்து!
பத்தும் பத்தும் இருபது
சுத்தம் சுகத்தைத் தருவது
இருபதும் இருபதும் நாற்பது
இருப்பதை வைத்தே மகிழ்வுறு!
-
முப்பதும் முப்பதும் அறுபது
தப்பினைத் திருத்த முயன்றிடு
நாற்பதும் நாற்பதும் எண்பது
சீற்றமும் சினமும் அகற்றிடு
ஐம்பதும் ஐம்பதும் நூறு
அன்பே என்றும் சிறப்பு!
-
----------------------------
>கவிஞர் தடாகத்தான்
நன்றி: நாளை நமதே (மழலையர் கவிதைகள்)
புகைப்படம்: பிரியமுடன் பிரபு

**ayyasamy ram** · **ayyasamy ram** Thu Apr 10, 2014 9:23 pm

கூடியே எதிர்க்க வேண்டும்
-
-
மஞ்சள் வெயில் காயும்
மனமகிழ் மாலை நேரம்
சஞ்சலம் போக்க எண்ணி
சாலையோரம் நின்றேன்
-
குஞ்சிளம் காக்கை ஒன்றைக்
கொன்ற சிறுவன் தன்னை
வெஞ்சினக் காகக் கூட்டம்
விரட்டியே துரத்தக் கண்டேன்
-
அஞ்சிய சிறுவன் துள்ளி
அம்மா வோவெனத் துடித்து
பஞ்செனப் பறந்து விரைந்து
ஓடக் கண்டேன்.
-
வஞ்சனை செய்து நம்மை
வருத்தவே வந்த பகையைக்
கொஞ்சமும் அச்ச மினிறிக்
கூடியே எதிர்க்க வேண்டும்
-
------------------------
>கவிஞர் தடாகத்தான்
நன்றி: நாளை நமதே (மழலையர் கவிதைகள்)

Sponsored content · Sponsored content

மழலையர் கவிதை

மழலையர் கவிதை

Re: மழலையர் கவிதை

Re: மழலையர் கவிதை

Re: மழலையர் கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக