தீக்குறளை ஓதோம்!

**சாமி** · **சாமி** Mon Dec 24, 2012 11:58 am

...தீக்குறளை சென்றோதோம்...

இது ஆண்டாள் அருளிய 'திருப்பாவையில்' வருகிற ஒரு வரி.
இதற்கு விளக்கம் சொன்ன ஒருவர் மார்கழி மாதத்தில் திருக்குறளை ஓதக்கூடாது ... அது பாவம்! ஆண்டாளே சொல்லியிருக்கா! என்று அறிவுரை (?) சொன்னாராம்!

இதைப் போல் தமிழ் தெரியாமல் அல்லது தமிழை தங்களுக்கு வசதியாக திரித்துக் கொள்பவர் பலர். தமிழன் ஒழுங்காக தமிழை படிக்க மாட்டான் என்று நம்பிக்கை அவர்களுக்கு. அல்லது தமிழின் அருமையை உணர அவர்களுக்கு திருவருள் கிட்டவில்லை என்றும் கொள்ளலாம்.

தமிழில் 'குறளை' என்றால் "கோள் மூட்டுதல்" என்று பொருள்.

அந்தப் பாடலும் அதன் விளக்கமும்.

"வையத்து வாழ்வீர்காள்! நாமும்நம் பாவைக்குச்,
செய்யும் கிரிசைகள் கேளீரோ, பாற்கடலுள்
பையத் துயின்ற பரம னடிபாடி,
நெய்யுண்ணோம் பாலுண்ணோம் நாட்காலே நீராடி,
மையிட் டெழுதோம் மலரிட்டு நாம்முடியோம்,
செய்யா தனசெய்யோம் தீக்குறளை சென்றோதோம்
ஐயமும் பிச்சையும் ஆந்தனையும் கைகாட்டி,
உய்யுமா றெண்ணி யுகந்தேலோ ரொம்பாவாய்"

பொருள்: திருமால் கண்ணனாக அவதரித்த ஆயர்பாடியில் வாழும் சிறுமிகளே! நாம், இவ்வுலகில் இருந்து விடுபட்டு, அந்த பரந்தாமனின் திருவடிகளை அடைவதற்காக, நாம் செய்த பாவையை வணங்கி விரதமிருக்கும் வழிமுறைகளைக் கேளுங்கள். நெய் உண்ணக் கூடாது, பால் குடிக்கக்கூடாது. அதிகாலையே நீராடி விட வேண்டும். கண்ணில் மை தீட்டக்கூடாது. கூந்தலில் மலர் சூடக்கூடாது (மார்கழியில் பூக்கும் மலர்கள் அனைத்தும் மாலவனுக்கே சொந்தம்). தீய செயல்களை மனதாலும் நினைக்கக் கூடாது. தீய சொற்களை சொல்வது கூட பாவம் என்பதால் பிறரைப் பற்றி கோள் சொல்லக்கூடாது. இல்லாதவர்களுக்கும், துறவிகளுக்கும், ஞானிகளுக்கும் அவர்கள் போதும் என்று சொல்லுமளவு தர்மம் செய்ய வேண்டும்.

பாலாஜி · பாலாஜி Mon Dec 24, 2012 12:00 pm

பகிர்வுக்கு மிக்க நன்றி சாமி சூப்பருங்க

**கரூர் கவியன்பன்** · 23/09/2012

தகவலுக்கு நன்றி

சதாசிவம் · சதாசிவம் Mon Dec 24, 2012 3:37 pm

பகிர்வுக்கு நன்றி சாமி,

பெரும்பாலான தமிழருக்கு அழுத்தமாக ஒன்றைச் சொன்னால், பலரும் சேர்ந்து சொன்னால் அதை நம்பி விடும் குணம் இருக்கிறது.

jenisiva · jenisiva Mon Dec 24, 2012 3:40 pm

இது போன்று நம் மக்கள் பிழை செய்வார்கள் என்று அறிந்திருந்தால் , அந்த காலத்தில் பாடல் இயற்றியோர் அதற்கான முழு உரையையும் அளித்திருப்பார்கள் .

**krishnaamma** · **krishnaamma** Thu Jan 24, 2013 12:20 pm

நல்ல விளக்கம் நண்பரே ! புன்னகை

THIYAAGOOHOOL · THIYAAGOOHOOL Thu Jan 24, 2013 12:53 pm

தமிழில் 'குறளை' என்றால் "கோள் மூட்டுதல்" என்று பொருள்.

{சிறந்த தகவல் நன்றி அய்யா.}

**Ahanya** · **Ahanya** Thu Jan 24, 2013 5:32 pm

**M.Jagadeesan** · **M.Jagadeesan** Fri May 01, 2015 3:24 pm

மார்கழி மாதத்தில் திருக்குறளை ஓதக்கூடாது ; அது பாவம் என்று சொன்னவர் யார் ?

**Dr.சுந்தரராஜ் தயாளன்** · 03/09/2011

மிகவும் நன்றி சாமி தீக்குறளை ஓதோம்! 103459460

Sponsored content · Sponsored content

தீக்குறளை ஓதோம்!

தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

[You must be registered and logged in to see this link.]

Re: தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

Re: தீக்குறளை ஓதோம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக