வெயிலுக்கு டீ சாப்பிடலாமா?

by **krishnaamma** Tue Apr 08, 2014 8:38 pm

வெயிலுக்கு டீ சாப்பிடலாமா? என்று கேட்டால், "காபியை விட, டீ பெட்டர்' என்ற பதில்தான் பலரிடமிருந்து வரும். ஆனால் உங்களுக்கு விஷயம் தெரியுமா?

தர்பூசணி, லெமன் ஜூஸ், மோரை விடவும் டீ தான் பெட்டர் என்றால் நம்புவீர்களா? ஆனால் உண்மையும் அதுதாங்க.
அப்படியானால் வெயிலுக்கு டீ நல்லதா? என்று கொஞ்சம் அழுத்தமாகக் கேட்டால் "நல்லதுதான்' ஆனால்....
எத்தகைய டீ சாப்பிடுகிறோம்? எதை எந்தளவு சூட்டில் சாப்பிடுகிறோம்? என்பதைப் பொறுத்துத்தான் டீ வெயிலுக்கு நல்லதா? கெட்டதா? என்ற முடிவுக்கு வர முடியும் என்கிறார்கள் உலக உணவியல் வல்லுநர்கள்.

"அது எப்படிங்க, மழைக்காலத்தில் குளிருக்கு இதமாக சாப்பிடத்தானே டி?' என்று நீங்கள் கேட்பது சரிதான். ஆனால், குளிர் காலமோ, வெயில் காலமோ நீங்கள் டீயை எவ்வளவு சூடாக சாப்பிடுகிறீர்கள் என்பதைப் பொறுத்ததுதான்... என்ற பதிலைத்தான் அவர்கள் திரும்பத் தருகிறார்கள்.

ஒரு சின்ன பரிசோதனையை நீங்களே செய்து பாருங்கள். வெயிலில் அலைந்து திரிந்துவிட்டு, வீட்டிற்குள் வந்ததும் ஐஸ் தண்ணீரை சாப்பிட்டுப் பாருங்கள். உடனே உங்களுக்கு "சூடு' பிடித்துக் கொள்ளும். நிறைய சாப்பிட்டால் தலையை வலித்துக் கொண்டு வரும். வெயிலுக்கு எதிரி ஐஸ் தண்ணீர்தான்! பிறகு ஏன் சூடு பிடிக்கிறது, தøயை வலித்துக் கொண்டு வருகிறது?

காரணம் இருக்கிறது. நீங்கள் எவ்வளவுதான் வெயிலில் அலைந்து வந்தாலும், உங்கள் உடல் ஓரளவுக்கு மேல் வெப்பத்தை உள்ளுக்குள் விடாது. பிறகு வீட்டிற்கு வந்து சிறிது நேரம் நிழலில் இருந்தால் போதும், அது சரியாகிவிடும். இது இயற்கையான உடல் மாற்றம். இங்கே நீங்கள் வெயில்தானே என்று ஃபிரிட்ஜ்ஜிலிருந்து தண்ணீரை எடுத்துச் சாப்பிடும்போது, அந்தக் குளிர்ச்சியானது உடலில் இயற்கையாக உள்ள உஷ்ணத்தை வெளியேற்றப் போராடும். அது சிறுநீராகவோ வியர்வையாகவோ இயற்கைக்கு மாறாக தேவைக்கு அதிகமாக வெறியேறும்போதுதான் உங்களுக்கு சூடு பிடிப்பதும். தலையை வலிப்பதும்.

அதற்குப் பதிலாக, வெயிலில் அலைந்துவிட்டு, வீட்டிற்கு வந்த சிறிது நேரம் கழித்து, இதமான சூட்டில் - முடிந்தால் ஆறிய ஒரு டீ சாப்பிட்டுப் பாருங்கள். உடல் உஷ்ணம் சமநிலைக்கு வர அந்த டீ உதவும். உங்களுக்கு சூடும் பிடிக்காது. தலையும் வலிக்காது.

டீ என்றதும் நாம் சூடாக இருந்தால்தான் அது டீ என்று நினைத்துக் கொண்டிருக்கிறோம். சூடாக சாப்பிட்டு சாப்பிட்டு நாம் பழகிவிட்டோம். மற்றபடி மிக, மிக இளம் சூட்டில் அல்லது ஆறிய டீ தான் உடலுக்கு நல்லது.
டீயில் ஃபிளோவோநாய்டு, கேட்டீசென்ஸ் போன்ற நோய் எதிர்ப்பு சத்துக்கள் அதிகம் உள்ளன. இவை வெயிலின் தாக்கத்தால் உடலில் ஏற்படும் பாதிப்புகளை, உடனுக்குடன் நீக்கும் சக்தி கொண்டவையாம்.
குளிர்ச்சியான ஜூஸ்கள் சாப்பிட்டதும், அது உடனே உடலில் உள்ள வெப்பங்களை வெளியேற்றத்தான் துடிக்கும். கூடவே நம் உடலில் உள்ள உஷ்ணமும் வெளியேற வாய்ப்புகள் அதிகம்.
அதேசமயம் டீ சாப்பிடும்போது, அது உடல் உஷ்ணத்தை சம நிலையில் வைத்திருக்கும் என்கிறார்கள்.

பிளாக் டீ: பால் ஊற்றாத டீ சாப்பிட்டு பாருங்கள். உங்களுக்கு கேன்ஸர் வர வாய்ப்புக்கள் மிக மிக குறைவு என்கிறார்கள். அதுபோல் கிரீன்-டீயில் உள்ள பாலிஃபோனெல்ஸ் என்ற நோயெதிர்ப்பு சத்தானது, கரியமில வாயுக்கு எதிரான ஒன்றாகும். இதுதான் கேன்ஸரை எதிர்த்துப் போராடி, நம்மை பாதுகாக்கின்றது.

கலோரிகளை எரிக்கும் டீ: வெயிலுக்கு பயந்து நாம் அருந்தும் குளிர்பானங்களில் ஐஸ் கிரீம்களில் கலோரி அதிகம். அது உடல் எடையைக் கூட்டும். ஆனால் டீ என்பது கலோரிகளை எரித்து, உடல் எடையைக் கூட விடாமல் பருமனாக்காமல் நம்மைப் பாகுகாக்கும். வெயில் காலத்தில் டீ அதிகம் அருந்துபவர்களின் முகம் அழகாக பொலிவுடன் இருக்கும். சுருக்கம் விழாது.

டீ சாப்பிட்டால் உடல் வறட்சி அடையும் என்கிறார்களே?
அது அவர்கள் எவ்வளவு உஷ்ணத்தில் டீயை சாப்பிடுகிறார்கள் என்பதைப் பொறுத்தது. இளம் சூட்டில் டீ பருகினால் உடல் வறட்சி அடையாது.

அப்படியானால், தர்பூசணி, லெமன் ஜூஸ், மோர் வெயிலுக்கு தேவையில்லையா?
அதுவும் வேண்டும். டீயும் வேண்டும்.
இன்னொரு முக்கிய விஷயம், ஒரு நாளைக்கு மூன்று நான்கு முறைக்கு மேல் டீ சாப்பிடக்கூடாது. அளவுக்கு அதிகமானால் அது பித்தத்தை அதிகரித்துவிடும்.

- இரா. மணிகண்டன்

by ஹர்ஷித் Wed Apr 09, 2014 11:32 am

by **ராஜா** Wed Apr 09, 2014 11:57 am

அப்ப "ஐஸ் டீ" சாப்பிடலாமா ?!

by **சிவா** Wed Apr 09, 2014 1:16 pm

பங்களாதேஷிகள் எப்படிப்பட்ட வெயிலாக இருந்தாலும் சுடச்சுட தேநீர் தான் அருந்துவார்கள், ஏனென்று கேட்டால் வெயில் நேரத்தில் உடல் சூடாக இருக்கும் பொழுது சூடாகக் குடித்தான் எந்தப் பக்கவிளைவுகளும் இல்லை என்றார்கள்! அன்று முதல் நானும் அதைத்தான் பின்பற்றுகிறேன்!

படிக்காத பங்களாதேஷிக்குத் தெரிந்தது கட்டுரை எழுதிய மணிகண்டனுக்கு தெரியாமல் போய்விட்ட்தே!

by **ஜாஹீதாபானு** Wed Apr 09, 2014 2:15 pm

by **ayyasamy ram** Wed Apr 09, 2014 5:46 pm

by **சிவா** Thu Apr 10, 2014 1:08 am

ayyasamy ram wrote:[link="/t109283-topic#1057290"]

இது உண்மையென்றால் ஆசியக் கண்டத்தில் தற்பொழுது யாருமே உயிருடன் இருக்க மாட்டார்கள்! [tag]ayyasamy ram[/tag]

இது குளிர்பானக் கம்பெனிகளின் சதிச் செயல் என நினைக்கிறேன்!

by **krishnaamma** Thu Apr 10, 2014 6:54 pm

சிவா wrote:[link="/t109283-topic#1057439"]
ayyasamy ram wrote:[link="/t109283-topic#1057290"]

இது உண்மையென்றால் ஆசியக் கண்டத்தில் தற்பொழுது யாருமே உயிருடன் இருக்க மாட்டார்கள்! [tag]ayyasamy ram[/tag]

இது குளிர்பானக் கம்பெனிகளின் சதிச் செயல் என நினைக்கிறேன்!

ஆமாம் சிவா புன்னகை

by **T.N.Balasubramanian** Thu Apr 10, 2014 9:13 pm

மிதமான சூட்டில் ஒரு டம்பளர் வெந்நீர் .
செலவு அதிகம் இல்லை பலன் அதிகம் உண்டு.

தப்பித்தவறி பிரிட்ஜ் தண்ணீரோ / ஐஸ் போட்டத் தண்ணீரோ வேண்டவே வேண்டாம்

ரமணியன்