உயிரிழப்பதற்கு முன் காப்பற்றக்கோரி சி.ஆர்.பி.எப் வீரர் உருக்கமான வாக்குமூலம்

அவுரங்காபாத்: பீகார் மாநிலம் அவரங்காபாத்தில் நக்சலைட்டுகள் தாக்குதலில் படுகாயமுற்ற மத்திய சி.ஆர்.பி.எப் வீரர்கள் 3 பேர் கொல்லப்பட்டனர். இந்த தாக்குதலில் சிக்கி உயிருக்கு போராடிய நிலையில் வீரர் ஒருவர் அளித்த பேட்டி அனைத்து மீடியாக்களிலும் ஒளிரபரப்பாகி மத்திய அரசின் அலட்சியத்தை வெட்ட வெளிச்சமாக்கியுள்ளது. பிளீஸ் என்னை காப்பாற்றுங்கள் என்று சாகும் தருவாயில் இருந்த மத்திய பாதுகாப்பு படையை சேர்ந்த வீரர் கண்ணீர் விட்டு கதறியுள்ளார். எனினும் உரிய நேரத்தில் சிகிச்சை அளிக்கப்படாததால் அந்த வீரரின் உயிர் பிரிந்து விட்டது. இந்த சம்பவம் மத்திய பாதுகாப்பு துறையின் மீது கடும் அதிருப்தியை உண்டாக்கியுள்ளது.

நக்சலைட்டுகள் தாக்குதலில் காயமுற்று துடித்த இந்திரஜித் குமார் சிங் அளித்த பேட்டியில், நான் அடிபட்டு கிடக்கிறேன். எனது ரத்தம் முழுவதும் வெளியேறி வருகிறது என்றும் டாக்டர் யாரும் இல்லை முறையான சிகிச்சை அளிக்கப்படவில்லை என்றும் அவர் கூறினார். என்னை மருத்துவ சிகிச்சைக்கு அழைத்து செல்ல ஒரு ஹெலிகாப்டரை அனுப்பி வைக்காமல் காலம் தாழ்த்தப்படுகிறதே என்னை காப்பாற்ற யாரும் வரவில்லை எனவும் எனது டி.ஜி.க்கு தகவல் தெரிவியுங்கள் என்றும் எனக்கு 2 குழந்தைகள் உள்ளன என்றும் வேதனையுடன் தெரிவித்தார். நான் பிழைக்க மாட்டேன் பிரதமர், உள்துறை அமைச்சர் என்னை காப்பாற்ற முயற்சி செய்யவும் என வலியுடன் கூறினார்.

இது குறித்து மத்திய அரசு வழக்கம் போல் மவுனம் காத்து வருகிறது. எல்லையில் போராடிய வீரர் உரிய சிகிச்சை இல்லாமல் கொல்லப்பட்டுள்ளார். இது குறித்து உயர்மட்ட விசாரணைக்கு மத்திய அரசு உத்தரவிட்டுள்ளது.

தினகரன்

இந்தியாவிலேயே மிகவும் பரிதாபத்துரியவர்கள் இந்த எல்லை பாதுகாப்பு வீரர்களும் , சி‌ஆர்‌பி‌எஃப் வீரர்களும் தான்

பாவம் .... இவர் ஆத்மா சாந்தியடைய பிரார்த்திக்கிறேன்