விளம்பரமே வெல்லும்...

**ayyasamy ram** · **ayyasamy ram** Mon Apr 07, 2014 8:08 pm

விஞ்ஞான யுகம்! இதிலே
விரல்களுக்கு தங்கமுலாம்
பூசிக்கொண்டு விற்றால்தான்
பொருள்களுக்கு விலை போகும்
-
சோப்புக்கும் சீப்புக்கும்
சொட்டு நீலம் தனக்கும்
வாய்ப் பூக்கள் தூவி வைத்தால்
வரவேற்பு அதிகரிக்கும்
-
சொகுசாகக் கண்சிமிட்டும்
சுவரொட்டி விளம்பரங்கள்
திட்டமிட்டு தெருக்களிலே
கட் அவுட் பல ரகங்கள
-
வானொலியில் வாயுரைகள்
வழியும் திரை நுரைகள்
அலைவரிசைச் சலதோஷம்
உலவி வரும் பல காதம்
-
ஒளிக்காட்சி ஊடகங்கள்
ஒலி நாடா ஊர்வலங்கள்
பளிச்சிடும் மின் விளக்குப்
பலகை மேற் பந்தயங்கள்
-
ஆடை மொழிநூல் கற்கும்

ஆசைகளில் சுதி சேர்க்கும்
ஏடுகளின் பக்கங்கள
விளம்பரத்தில் சொர்க்கங்கள்
-
மைக்குளில் மழை பொழியத்
தேர்தல்களில் பயிர் விளையும்
பொய்க்கனவும் பூத்தொடுக்கும்
புகழேணி காத்து நிற்கும்
-
தொட்டால் சுருங்கிகளும்
தூப்பாக்கியாய் நிமிரும்
பொட்டல் வெளிகளிலும்
புனர்வாழ்வுப் பூ மலரும்
-
ஒன்று பத்தாகும்
உப்புக்கல் முத்தாகும் - சில
வெற்று மனிதருக்கோ
விளம்பரமே சொத்தாகும்
-
--------------------------
கவிஞர் எழிலவன்
மரவாடியில் போதிமரம் - கவிதைகள்