இந்தியா தோற்றதற்கு நன்றி ! கவிஞர் இரா .இரவி !

இந்தியா தோற்றதற்கு நன்றி ! கவிஞர் இரா .இரவி !

மட்டை விளையாட்டில் இலங்கையோடு !
மட்டமாக விளையாடித் தோற்றதற்கு நன்றி !

தோல்வி உண்மையா ? பொய்யா ? என்பது !
தோற்றவர்கள் மட்டும் அறிந்த உண்மை !

ஒருவேளை பந்தையத்திற்காகவும் தோற்று இருக்கலாம் !
ஒருவேளை பணத்திற்காகவும் தோற்று இருக்கலாம் !

பார்வையாளர்களை முட்டாளாக்கி பிடித்த !
பந்தை தரையில் விட்டு தோற்றமைக்கு நன்றி !

ஒரு வேளை இந்தியா வென்று இருந்தால் !
இலங்கை விளையாட்டில் தோற்று இருந்தால் !

இஞ்சி தின்ன குரங்காக சிங்களன் மாறிடுவான் !
இனவெறி கொண்டு தமிழினத்தைத் தாக்கிடுவான் !

கோபத்தில் ஈழத்தில் தமிழர் உயிரை !
கொடூரன் பறித்துக் கொன்று இருப்பான் !

மூக்கு மேல் சினம் வந்து முட்டாள் சிங்களன் !
முள்வேலி அப்பாவிகளை முடித்து இருப்பான் !

வெறி கொண்டு தமிழர்களை ஒழித்திடுவான் !
வேதனையை மீனவருக்குப் பரிசாகத் தருவான் !

தமிழக மீனவர்களையும் சுட்டு வீழ்த்தி !
தண்ணீரில் தள்ளி விட்டு மகிழ்வான் !

தோற்ற கோபத்தில் காட்டுமிராண்டியாவான் !
தேற்ற ஆளின்றி எம் தமிழர் வாடி நிற்பர் !

எல்லை தாண்டியதாகக் கைது செய்திடுவான் !
எம்தமிழர் வலைகளைக் கிழித்து எறிந்திடுவான் !

இலங்கையை இந்தியா தோற்கடித்தபோது !
இழந்து இருக்கிறோம் தமிழர் உயிர்களை !

மட்டை விளையாட்டு வீரகளுக்கு நன்றி !
மானம் போனாலும் உயிர் மிஞ்சியதே !

கொடூரன் கோபப்படாமல் இருக்க இந்தியா !
கொஞ்சம் தோற்றுப் போனதற்கு நன்றி !

இப்போது மட்டுமல்ல கொடிய இலங்கையோடு !
எப்போது விளையாடினாலும் தோற்றிடுங்கள் நன்றி !

கொடூரனைத் தட்டிக் கேட்க நாதியில்லை !
கொடுமைக்கு முற்றுப்புள்ளி வைக்க துணிவில்லை !

வேதனை கலந்த உண்மையைக் கூறுகிறது தங்களின் கவிதை!

ஒருவேளை பந்தையத்திற்காகவும் தோற்று இருக்கலாம் !
ஒருவேளை பணத்திற்காகவும் தோற்று இருக்கலாம் !

சாட்டையடி!

//மட்டை விளையாட்டு வீரகளுக்கு நன்றி !
மானம் போனாலும் உயிர் மிஞ்சியதே !//

உயிரை விட மானம் பெரிது என்று சொன்ன நாட்கள் போயிற்றோ?

 தங்கள் கவிதை மிக நன்றாக உள்ளது..உண்மை நிலையை உணர்த்துகிறது..இது வெறும் விளையாட்டு மட்டுமில்லை..பின்புலத்தில் பெரிய வினையும் உள்ளது நன்றாக தெரிகிறது. யுவராசு தம்பி வாழ்க..அவர் இப்படி தொடர்ந்து விளையாடினால் இப்போது மட்டுமில்லை..எப்போதும் இந்தியா இலங்கையுடன்..தோற்கும்.. எத்தனை போட்டிகளுக்கு இப்படி விளையாட ஓப்பந்தம் ஆகியிருக்கிறார் என்று தெரியவில்லையே..  

நன்றி
அன்புடன்
கவிஞர் இரா .இரவி

அட ஒரு விளையாட்டுக்கு இவ்ளோ விமர்சனமா

விளையாட்டில் அரசியல் உள்ளது

valluvanraja wrote:[link="/t109248-topic#1057664"]அட ஒரு விளையாட்டுக்கு இவ்ளோ விமர்சனமா

அது விளையாட்டுதான்..............ஆனால் விளையாட்டாக மட்டுமே இருந்தால்........இப்படி இவ்வளவு விமரிசனங்கள் வந்திருக்காதே