தமிழை நினைக்காதவன் தமிழனா ? கவிஞர் இரா .இரவி !

**eraeravi** · **eraeravi** Sun Apr 06, 2014 2:18 pm

தமிழை நினைக்காதவன் தமிழனா ? கவிஞர் இரா .இரவி !

தமிழை நாளும் சிதைக்கின்றனர் ஊடகத்தில் !
தமிழை நினைக்காதவன் தமிழனா ? சிந்திப்பாய் !
தமிழின் பெருமை தரணி அறிந்துள்ளது !
தமிழின் அருமை தமிழன் அறியவில்லை !
பேசும் சொற்களில் பெரும்பகுதி ஆங்கிலம் !
பேச்சில் நல்ல தமிழ் காணமல் போனது !
இந்நிலை இப்படியே தொடர்ந்தால் நம் !
இனிய தமிழின் நிலை என்னாகும் சிந்திப்பீர் !
உணவில் கலப்படம் உடலுக்குக் கேடு தரும் !
உயர்மொழியில் கலப்படம் மொழிக்குக் கேடு தரும் !
நல்ல தமிழ் பேசினால் கேலி பேசாதீர்கள் !
நல்ல தமிழ் பேசி அனைவரும் முயலுங்கள் !
ஆடு மாடு உலக உயிரினங்கள் யாவும் !
அம்மா என்று அழகு தமிழில் ஒலிக்கின்றன !
தமிழன் மட்டும்தான் தாய்மொழி தமிழ் மறந்து !
தமிங்கிலம் பேசித் தமிழை சிதைக்கின்றான் !
மம்மி என்றால் செத்தப்பிணம் என்று பொருள் !
மம்மி என்று அழைப்பது மடமை உணர்ந்திடு !
அப்பா என்று அழைப்பது தான் அன்பு !
டாடி என்பது தமிழ் அல்ல நீ நம்பு !
பெரியப்பா சித்தப்பா மாமா என்று !
பெரிய பட்டியலே உறவுச்சொற்கள் உண்டு !
பெரிய ஆங்கிலத்தில் அங்கிள் என்ற !
பதத்தில் ஒற்றைச் சொல் மட்டுமே உண்டு !
பெரியம்மா சின்னம்மா அத்தை அண்ணி என்று !
பெரிய பட்டியலே உறவுச்சொற்கள் உண்டு !
உலக மொழி என்று சொல்லும் ஆங்கிலத்தில்
ஒற்றைச் சொல் ஆண்ட்டி மட்டுமே உண்டு !
அகிலம் முழுவதும் ஒலிக்கும் மொழி தமிழ் !
ஆங்கிலேயரும் புகழும் மொழி தமிழ் !
முப்பாலை உலகிற்கு தந்த மொழி தமிழ் !
முத்தமிழை உலகிற்கு தந்த மொழி தமிழ் !
தாயை மறந்தாலும் தமிழை மறக்காதீர் !
தாயினும் உயர்ந்தது தமிழ் உணர்வீர் !
--

தமிழை நினைக்காதவன் தமிழனா ? கவிஞர் இரா .இரவி !

தமிழை நினைக்காதவன் தமிழனா ? கவிஞர் இரா .இரவி !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக