அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

by **eraeravi** Sun Apr 06, 2014 2:19 pm

அழியாத கோலங்கள் இட்டவர் பாலு மகேந்திரா !

கவிஞர் இரா .இரவி !

இலங்கை மட்டகளப்பு அமிர்தகழியில் பிறந்தவரே !
இங்கே தமிழகம் வந்து திரையில் சிறந்தவரே !
இலண்டன் மாநகரில் கல்விகள் பயின்றவரே !
இந்தியாவில் புனேயில் ஒளிப்பதிவு கற்றவரே !
திரைஉலகில் தனி முத்திரைப் பதித்தவரே !
தேசிய விருதுகளுக்குப் பெருமை சேர்த்தவரே !
ஈடில்லா ஒளிப்பதிவில் தனிப்பாதை வகுத்தவரே !
இயக்கத்தில் இணையில்லா வெற்றி பெற்றவரே !
இருபத்தியாறு படங்களின் சிறந்த ஒளிப்பதிவாளரே !
இந்தியாவின் மிகச் சிறந்த ஒளிப்பதிவாளரே !
திரைப்பட ஒளிப்பதிவு படிப்பில் தங்கம் பெற்றவரே
திரைப்படப் பட்டறை தொடங்கி பயிற்றுவித்தவரே !
மலையாளத்தில் நெல்லு படம் ஒளிப்பதிவு செய்தவரே !
மலையாள மாநிலத்தின் விருதினைப் பெற்றவரே !
கோகிலா கன்னடப்படம் இயக்கி இயக்கம் தொடங்கியவரே !
அழியாத கோலங்கள் வெண்திரையில் இட்டவரே !
உலகநாயகன் தேசியவிருது பெறக் காரணமானவரே !
இசைஞானியின் இசைப்பசிப் போக்கியவரே !
மூன்றாம் பிறை செதுக்கி முழு நிலவானவரே !
முக்காலமும் விரும்பும் மிகைப் படங்கள் தந்தவரே !
வீடு கட்டும் இன்னலை வீடு படத்தில் உணர்த்தியவரே !
மூடுபனியில் ஒளிப்பதிவு விதைக் காட்டியவரே !
யாதார்த்த திரைபடத்தின் முதல் கர்த்தாவே !
யாரும் நடிக்கலாம் என்பதை மெய்பித்தவரே !
வெற்றி இயக்குனர்களின் நல்ல குருவானவரே !
வெற்றிமாறனின் இயக்குனர் குருவானவரே !
காலத்தால் அழியாத திரைக்காவியங்கள் தந்தவரே !
காற்றில் தேன் இசை கீதங்கள் ஒலிக்க வைத்தவரே !
தமிழ்த்திரை உலகில் வரலாறு படைத்தவரே !
தமிழனின் பெருமையை உலகிற்கு உணர்த்தியவரே !
மாநில மைய அரசுகளின் விருதுகள் பல பெற்றயவரே !
மனதில் படத்தை திரையில் துணிவுடன் வடித்தவரே !
தலைமுறைகள் படத்தில் தாத்தாவாக வாழ்ந்தவரே !
தன்னிகரில்லா தரமான நடிப்பை நல்கியவரே !
உடலால் உலகை விட்டு மறைந்த போதும் !
உன்னத திரைப்படங்களால் உள்ளங்களில் வாழ்வீர் என்றும் !

--

by **ayyasamy ram** Sun Apr 06, 2014 4:35 pm

-
ஒரு முறை அவர் மனம் விட்டுசொன்னது:
-
நாற்பத்தைந்து வருஷமா என்னோட குடும்பம் நடத்திகிட்டு
இருக்கிற என் மனைவி அகிலாவுக்கு நான் இந்த நேரத்தில்
நன்றி சொல்லணும்.

ஒரு கலைஞனுடன் குடும்பம் நடத்துவதுதான் கஷ்டம்.
அதுவும் என்னை மாதிரி பைத்தியக்காரனுடன்
குடும்பம் நடத்துவது ரொம்ப ரொம்ப கஷ்டம்.

அவங்க நான் கொடுத்த எல்லா கஷ்டங்களையும் சகிச்சிகிட்டு
இருந்தாங்க. இப்பவும் இருக்காங்க... என்றார் மனம் விட்டு.
-

=

by **eraeravi** Thu Apr 10, 2014 10:02 pm

நன்றி
அன்புடன்
கவிஞர் இரா .இரவி

by valluvanraja Fri Apr 11, 2014 3:02 am

தமிழனின் பெருமையை உலகிற்கு உணர்த்தியவரே !

சத்தியமா எனக்கு புரியல

by **eraeravi** Fri Apr 11, 2014 8:21 am

இயக்குனர் பாலு மகிந்திரா திரைப்படங்கள் உலக அளவில் பேசப்பட்டவை .யாரைப் பாராட்டினாலும் உங்களுக்கு ஏன் பிடிப்பதில்லை .எண்ணம் நன்றாக இருந்தால்தான் செயல் நன்றாகும்

by Sponsored content

அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

Re: அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

Re: அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

Re: அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

Re: அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !

Re: அழியாத கோலங்கள் இட்டவர் பாலு மகேந்திரா ! கவிஞர் இரா .இரவி !