யாத்திரை - ஒரு பக்க கதை

**ayyasamy ram** · **ayyasamy ram** Sat Apr 05, 2014 10:35 pm

இன்னிக்கு நேத்து பழக்கமா...இருபது வருஷ நட்பு,
ரெண்டு பேரும் சேர்ந்து எதிரெதிர்ல வீடு கட்டி
அண்ணன், தம்பி போல இருந்தோம்.
நம்ம பொண்ணு கல்யாணத்தை அவன் வீட்டு
கல்யாணம் மாதிரி முன்னே நின்னு நடத்துவான்னு
ஆசைப்பட்டேன்.
-
ஆனா கல்யாணத்துக்கு ரெண்டு நாள் முன்னாடி
குடும்பத்தோட எங்கேயோ போயிட்டான். எல்லா
நம்பரும் ஸ்விட்ச் ஆஃப். கொஞ்ச நாளாவே அவன்
மூஞ்சியும் சரியில்லை!
-
அவன் பொண்ணுங்களுக்கு கல்யாணம் கூடி
வராதப்போ நம்ம பொண்ணுக்கு அமைஞ்சுடுச்சேன்னு
பொறாமை போல'' - கடுமையாகப் புலம்பிக்
கொண்டிருந்தார் கிருஷ்ணன்.
-
கல்யாணமெல்லாம் முடிந்து ஒரு வாரம் கழித்து எதிர்
வீட்டில் விளக்கு எரிந்தது. விறு விறுவென்று போனார்
கிருஷ்ணன். அங்கு மொட்டையடித்து உட்கார்ந்திருந்தார்
கோபால்,
-
கல்யாண சமயத்துல அப்படியென்னப்பா தலயாத்திரை
வேண்டியிருக்கு? என இரைந்தார் கிருஷ்ணன்.
-
தல யாத்திரை இல்லப்பா, இறுதி யாத்திரை!
-
அப்பாவுக்கு திடீர்னு ஹார்ட் அட்டாக். கல்யாண வேலையில
பிஸியா இருந்த உன்கிட்ட சொல்லலை.
ரெண்டு நாள் கூட தாங்காதுன்னு சொல்லிட்டாங்க
கல்யாணம் நடக்கும்போது எதிர் வீட்ல இப்படின்னா,
யாராவது அபசகுனம்னு சொல்லிடக் கூடாதுன்னுதான்
ராத்தியோட ராத்திரியா அப்பாவையும் கூட்டிக்கிட்டு
கிராமத்துக் போயிட்டோம்!'’
-
என்ற நண்பன் கோபாலை ஆரத் தழுவி, கதறத்
தொடங்கினார் கிருஷ்ணன்
-
-----------------------------------------
--
தேன்மொழிஅண்ணதுரை நன்றி குங்குமம்

யாத்திரை - ஒரு பக்க கதை

யாத்திரை - ஒரு பக்க கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக