பொதுத் தேர்தல் 2014 - தேர்தல் கையேடு வெளியிடு

by soplangi Fri Apr 04, 2014 1:07 pm

சென்னை, 03 ஏப்ரல், 2014

பத்திரிகைத் தகவல் அலுவலகத்தின் பொதுத் தேர்தல் 2014 தேர்தல் கையேடு சென்னையில் இன்று வெளியிடப்பட்டது. திரு. க.மா. ரவிந்திரன், கூடுதல் தலைமை இயக்குநர், பத்திரிகைத் தகவல் அலுவலகம், தமிழ் பிரதியை வெளியிட்டார். இதன் முதல் பிரதியை தமிழக இணை தலைமை தேர்தல் அலுவலர் திரு. ஏ. சிவஞானம் பெற்றுக்கொண்டார்.

பத்திரிகைத் தகவல் அலுவலகம் பொது தேர்தல் 2014- தேர்தல் கையேட்டை தொகுத்துள்ளது. இந்த குறிப்பேடு பொது தேர்தல் பற்றிய விரிவான தகவல்களை கொண்டுள்ளது. இதன் ஆங்கில பதிப்பு தில்லியிலுள்ள தலமையகத்தில் இன்று வெளியிடப்பட்டுள்ளது. இதைத் தொடந்து சென்னை பத்திரிகைத் தகவல் அலுவலகம் இதை தமிழில் வெளியிடுகிறது.

இந்தத் தேர்தல் கையேடு பொது தேர்தல்களின் பல்வேறு அம்சங்கள் பற்றி விரிவாக எடுத்துரைக்கிறது. தேர்தலில் அனைவரும் பங்கேற்க வகை செய்யும் முயற்சிகள், அழிக்க முடியாத மை: கை விரலில் அடையாளம், பெருமைமிக்கத் தருணம், மாதிரி நடத்தைக் கோட்பாடுகள் போன்றவை தெளிவாகக் குறிப்பிடப்பட்டுள்ளது. இந்த அம்சங்களில் அடிக்கடி கேட்கப்படும் கேள்விகள் பற்றியும் கூறிப்பிடப்பட்டுள்ளன. இந்த புத்தகம் மக்கள் பிரதிநிதித்துவ சட்டம், 1951 பற்றிய சிறப்பு பார்வையைத் தெரிவிக்கிறது. ஊடகம், பணத்திற்காக செய்தி வெளியிடுவது குறித்த வழிமுறைகள், சமூக இணையதள ஊடக விதிமுறைகள் போன்ற இந்திய தேர்தல் ஆணையத்தின் முக்கிய ஆணைகள் இந்த புத்தகத்தில் கொடுக்கப்பட்டுள்ளது. பொது தேர்தல் 2009 பற்றிய புள்ளிவிவரங்கள் இந்த புத்தகம் உள்ளடக்கியுள்ளது. இதோடு பொது தேர்தல் 2004 மற்றும் 2009 பற்றிய ஒரு ஒப்பீடும் இந்த புத்தகத்தில் உள்ளது. அதுமட்டுமின்றி சுதந்திரத்திற்கு பிறகு நடந்த அனைத்து பொதுதேர்தல் பற்றிய புள்ளி விவரங்களும் இந்த புத்தகத்தில் இடம் பெற்றுள்ளன.

பத்திரிகைத் தகவல் அலுவலகத்தின் காப்பகங்கள் தவிர இந்திய தேர்தல் ஆணையம் மற்றும் மக்களவை செயலகத்தின் தகவல்களும் இந்த புத்தகத்தின் முக்கிய ஆதாரங்களாக உள்ளது. மேலும், இந்த புத்தகம் சென்னை பத்திரிகைத் தகவல் அலுவலகத்தின் இணையதளத்தில் (www.pibchennai.gov.in) தமிழ் மற்றும் ஆங்கிலத்தில் வெளியிடப்பட்டுள்ளன.

2014 பொது தேர்தலில் 81.4 கோடி வாக்காளர்கள் பதிவு செய்துள்ளனர். 9.19 லட்சம் வாக்குசாவடிகளும், 35.28 லட்சம் வாக்கு இயந்திரங்களும் பயன்படுத்தப்படும். 16வது மக்களவைக்கான தேர்தல் மொத்தம் ஒன்பது கட்டமாக ஏப்ரல் 7 முதல் மே 12 வரை நடக்கும். 543 பாராளுமன்ற தொகுதிகளிலும், நாடாளுமன்றத்தின் மக்களவை உறுப்பினர்களை தேர்ந்தெடுக்க வாக்கு பதிவு நடைபெற உள்ளது.

-- கூடுதல் தலைமை இயக்குநர், பத்திரிகைத் தகவல் அலுவலகம், சென்னை.

Download Link [ PDF File ] (Right Click & Save As)

http://www.pibchennai.gov.in/karuvoolam/Releases%202014/April2014/03042014/030420141.pdf