டிப்ஸ்... டிப்ஸ்...

by **தமிழ்நேசன்1981** Thu Apr 03, 2014 8:19 am

வீட்டில் தயாரித்து வைத்திருக்கும் பஜ்ஜி மாவு அல்லது கடையில் வாங்கிய ரெடிமேட் பஜ்ஜி மாவு இருக்கிறதா? சாம்பார் தயாரிக்கும்போது, இந்த பஜ்ஜி மாவில் ஒரு ஸ்பூன் எடுத்து குளிர்ந்த நீரில் கரைத்து, கொதிக்கும் சாம்பாரில் ஊற்றவும். சாம்பார் மேலும் ஒரு கொதி வந்ததும், இறக்கி விடவும். இப்போது சாம்பார் கெட்டியாகவும், கூடுதல் சுவையுடனும் இருப்பதை உணர்வீர்கள்.

- கிருஷ்ணவேணி சுவாமிநாதன், சென்ன-37

ரங்கோலி கோலம் போட்ட பின் கைகளில் கலர் கறை நீங்க வில்லையா? உள்ளங்கைகளில் சில சொட்டுகள் தேங்காய் எண்ணெய் விட்டுத் தேய்த்து... பிறகு, ஹேண்ட் வாஷ் அல்லது பாத்திரம் துலக்கும் லிக்விட் கொண்டு கைகளைக் கழுவினால் 'பளிச்’ என்றாகிவிடும் (மென்மையான ஸ்காட்ச் பிரைட் கொண்டு கைகளைத் தேய்ப்பது இன்னும் விரைவாக கறையை நீக்க உதவும்).

- பத்மஜா ராமகோபால், பெங்களூரு

பால் சேர்த்துச் செய்யும் இனிப்புப் பலகாரங்களான பாயசம் முதலியவற்றுக்கு, பாலை நன்கு கொதிக்க வைத்த பிறகு சேர்க்கவும். காய்ச்சாத பாலுடன் சர்க்கரை அல்லது வெல்லம் சேரும்போது பால் திரிந்து விடக்கூடும்.

- கே.ராஜேஸ்வரி, மணப்பாறை

உளுந்தில்லாமல் தோசை செய்யலாமே! ஒரு கப் அரிசியை ஒரு மணி நேரம் ஊற வைத்து அரைத்துக் கொள்ளுங்கள். அரை கப் வெள்ளைப் பூசணித் துண்டுகளை (தோல் நீக்கியது) அதே ஜாரில் போட்டு எல்லாவற்றையும் சேர்த்து நைஸாக மசித்துக் கொள்ளுங்கள். இத்துடன் தேவையான உப்பு சேர்த்துக் கரைத்து சில மணி நேரங்களுக்குப் பின் தோசை வார்த்தால், சூப்பர் சுவையுடன் தோசை ரெடி!

- ஆர்.ஜெயலெட்சுமி, திருநெல்வேலி

இட்லி, தோசை, அடை மாவை ஃப்ரிட்ஜில் வைக்கும்போது, அகலமான பாத்திரத்தில் கால் பாகம் தண்ணீர் நிரப்பி, மாவு பாத்திரத்தை அதனுள் வைத்து, உள்ளே வைக்கவும். தண்ணீரின் கூடுதல் குளிர்ச்சியால் மாவு மேலும் சில நாட்கள் புளிக்காமல் இருக்கும். மின்சாரம் தடைபட்டாலும் கவலையில்லை.

- சு.நவீனா தாமு, பொன்னேரி

பொதுவாக கோலம் போட்ட பின் அவற்றை சுற்றி செம்மண் பூசுவோம். உலர்ந்த கோலமாவினால் போட்ட கோலம் என்றால், கோலம் போட்ட உடனே செம்மண் பூசவும். ஈரமான மாக்கோலம் என்றால், கோலம் உலர்ந்த பின் செம்மண் போடவும். இதனால் கோலம் கலங்கிப் போகாமல் பளிச்சென்று இருக்கும்.

by **ஜாஹீதாபானு** Thu Apr 03, 2014 5:04 pm

பயனுள்ள டிப்ஸ் நன்றி

by ஹர்ஷித் Thu Apr 03, 2014 5:46 pm

உளுந்தில்லாமல் தோசை செய்யலாமே! ஒரு கப் அரிசியை ஒரு மணி நேரம் ஊற வைத்து அரைத்துக் கொள்ளுங்கள். அரை கப் வெள்ளைப் பூசணித் துண்டுகளை (தோல் நீக்கியது) அதே ஜாரில் போட்டு எல்லாவற்றையும் சேர்த்து நைஸாக மசித்துக் கொள்ளுங்கள். இத்துடன் தேவையான உப்பு சேர்த்துக் கரைத்து சில மணி நேரங்களுக்குப் பின் தோசை வார்த்தால், சூப்பர் சுவையுடன் தோசை ரெடி! wrote:

by **தமிழ்நேசன்1981** Sat Apr 05, 2014 5:19 pm

by **மாணிக்கம் நடேசன்** Sat Apr 05, 2014 5:50 pm

டிப்சின்னா டிப்சு சூப்பர் டிப்சிங்கோ.

by **சிவா** Thu Aug 21, 2014 1:11 am

* உங்கள் வீடுகளில் சேரும் மக்கும் மற்றும் மக்காத குப்பைகளை தரம் பிரித்தே வையுங்கள்.

* மக்கும் குப்பைகளை வீட்டில் வளர்க்கும் செடிகளுக்கு உரமாகப் பயன்படுத்துங்கள்.

* வீட்டில் உடைந்த குடம், வாளி போன்றவற்றில் செடி வளருங்கள்.

* தண்ணீரை வாளியில் பிடித்து வைத்துக் கொண்டு பாத்திரம் கழுவினால் அதிக தண்ணீர் வீணாகாது. கழுவின நீரையும் செடிகளுக்கு ஊற்றலாம்.

* வாஷிங்மெஷினில் துவைத்து முடித்தவுடன் அதில் ஒரு ரசக் கற்பூரத்தை (நாப்தலின் பால்ஸ்) போட்டு வைத்தால், அடுத்த முறை துவைக்கும்போது துர்நாற்றம் வீசாது. துணிகளும் கமகமக்கும்...

* வீட்டின் கதவு, ஜன்னல்களுக்கு அதிகம் செலவழித்து திரை தைத்துப் போடாமல், உங்களின் பழைய புடவைகளையே பயன்படுத்தலாம்.

* வீட்டில் வற்றல், மல்லி, அரிசி ஆகியவற்றை மில்லில் அரைப்பதற்கு முன்பு வறுப்பது வழக்கம். அவற்றை வெயிலில் காய வைத்து, அரைக்கக் கொடுத்தால், கேஸ் செலவு மிச்சம்.

* சமையலின்போது அவிக்கும் உருளைக்கிழங்கின் தோலை உங்கள் முகத்தில் பூசினால், முகம் பொலிவுபெறும்.

* வீட்டில் சாப்பிட்டுப் போக மீதம் உள்ள ஆப்பிள், ஆரஞ்சு, வாழைப்பழம், திராட்சை போன்ற பழங்களையும் உங்கள் முக பொலிவுக்காக பயன்படுத்தலாம்.

by ஸ்ரீரங்கா Thu Aug 21, 2014 1:47 am

நன்றாக இருக்கிறது.... டிப்ஸ்... டிப்ஸ்... 3838410834

by **மாணிக்கம் நடேசன்** Thu Aug 21, 2014 12:39 pm

சிவா wrote:* உங்கள் வீடுகளில் சேரும் மக்கும் மற்றும் மக்காத குப்பைகளை தரம் பிரித்தே வையுங்கள்.

* மக்கும் குப்பைகளை வீட்டில் வளர்க்கும் செடிகளுக்கு உரமாகப் பயன்படுத்துங்கள்.

* வீட்டில் உடைந்த குடம், வாளி போன்றவற்றில் செடி வளருங்கள்.

மாமா அங்கள் என்னென்னமோ டிப்ஸ் தர்ரீங்க, உங்க அன்பான மாப்ளைக்கு தலையில முடி வளர (அது இனி முடியாது) எட்லிட்ஸ் வர்ர மாதிரியாவது ஏதாவது
டிப்ஸ் தரமாட்டீங்களா, பாவம் இல்ல இந்த மாப்ள.

* தண்ணீரை வாளியில் பிடித்து வைத்துக் கொண்டு பாத்திரம் கழுவினால் அதிக தண்ணீர் வீணாகாது. கழுவின நீரையும் செடிகளுக்கு ஊற்றலாம்.

* வாஷிங்மெஷினில் துவைத்து முடித்தவுடன் அதில் ஒரு ரசக் கற்பூரத்தை (நாப்தலின் பால்ஸ்) போட்டு வைத்தால், அடுத்த முறை துவைக்கும்போது துர்நாற்றம் வீசாது. துணிகளும் கமகமக்கும்...

* வீட்டின் கதவு, ஜன்னல்களுக்கு அதிகம் செலவழித்து திரை தைத்துப் போடாமல், உங்களின் பழைய புடவைகளையே பயன்படுத்தலாம்.

* வீட்டில் வற்றல், மல்லி, அரிசி ஆகியவற்றை மில்லில் அரைப்பதற்கு முன்பு வறுப்பது வழக்கம். அவற்றை வெயிலில் காய வைத்து, அரைக்கக் கொடுத்தால், கேஸ் செலவு மிச்சம்.

* சமையலின்போது அவிக்கும் உருளைக்கிழங்கின் தோலை உங்கள் முகத்தில் பூசினால், முகம் பொலிவுபெறும்.

* வீட்டில் சாப்பிட்டுப் போக மீதம் உள்ள ஆப்பிள், ஆரஞ்சு, வாழைப்பழம், திராட்சை போன்ற பழங்களையும் உங்கள் முக பொலிவுக்காக பயன்படுத்தலாம்.