அ.தி.மு.க.,வின் கோடீஸ்வர வேட்பாளர்கள்

சென்னை : அ.தி.மு.க., வேட்பாளர்களில், பெரும்பாலானோர் கோடீஸ்வரர்கள் என்பது, வேட்பு மனு மூலம் தெரிய வந்துள்ளது.

அதன் விபரம்:

*தென் சென்னை வேட்பாளரான, முன்னாள் சபாநாயகர் ஜெயக்குமார் மகன் ஜெயவர்தன் பெயரில், 35.64 லட்சம் ரூபாய், அசையும் சொத்து; 2.51 கோடி ரூபாய், அசையா சொத்து. மனைவி பெயரில், 52.55 லட்சம் ரூபாய், அசையும் சொத்து உள்ளது. இவர் பெயரில், 96.71 லட்சம் ரூபாய், மனைவி பெயரில், 13.60 லட்சம் ரூபாய், கடன் உள்ளது.

*வட சென்னை வேட்பாளர் வெங்கடேஷ்பாபு பெயரில், 13.75 லட்சம் ரூபாய், அசையும் சொத்து; 2.70 கோடி ரூபாய், அசையா சொத்து. மனைவி பெயரில், 42.15 லட்சம் ரூபாய், அசையும் சொத்து; 25 லட்சம் ரூபாய், அசையா சொத்து உள்ளது. மகன் பெயரில், 6.78 லட்சம் ரூபாய்; மகள் பெயரில், 25.59 லட்சம் ரூபாய், அசையும் சொத்து உள்ளது. மனைவி பெயரில், 8 லட்சம் ரூபாய், அவரது பெயரில், 4,032 ரூபாய் கடன் உள்ளது.

*மத்திய சென்னை வேட்பாளர் விஜயகுமார் பெயரில், 25.24 லட்சம் ரூபாய், அசையும் சொத்து; 1.20 கோடி ரூபாய், அசையா சொத்து; மனைவி பெயரில், 13.77 லட்சம் ரூபாய், அசையும் சொத்து உள்ளது. கடன், 3.50 லட்சம் ரூபாய் உள்ளது. காஞ்சிபுரம்(தனி) வேட்பாளர் மரகதம் குமரவேல் பெயரில், 6.18 லட்சம் ரூபாய்க்கு, அசையும் சொத்து; 36 லட்சம் ரூபாய் மதிப்புள்ள, அசையா சொத்து. கணவர் பெயரில், 68.30 லட்சம் ரூபாய் அசையும் சொத்து, 1.47 கோடி ரூபாய் அசையா சொத்து உள்ளது. டிப்பர் லாரி, டாரஸ் லாரி, டாடா சபாரி கார், ஜே.சி.பி., மகேந்திரா மேக்ஸி டிரக் ஆகியவை உள்ளன. கடன் 44.68 லட்சம் ரூபாய் உள்ளது.

*விழுப்புரம் வேட்பாளர் ராஜேந்திரனுக்கு, 33.50 லட்சம் ரூபாய் அசையும் சொத்து; 10 லட்சம் ரூபாய், அசையா சொத்து. மனைவி பெயரில், 18.50 லட்சம் ரூபாய், அசையும் சொத்து உள்ளது. கடன் 23.71 லட்சம் ரூபாய் உள்ளது. பி.லிட் பட்டம் பெற்றுள்ளார். எம்.ஏ., தத்துவயியல் தேர்ச்சி பெறவில்லை.

*அரக்கோணம் வேட்பாளர் அரி பெயரில், 7.60 லட்சம் ரூபாய், அசையும் சொத்து; 63.38 லட்சம் ரூபாய், அசையா சொத்து. மனைவி பெயரில், 10.81 லட்சம் ரூபாய், அசையும் சொத்து; 10.87 லட்சம் ரூபாய், அசையா சொத்து. முதல் மகள் பெயரில், 10.23 லட்சம் ரூபாய்; இரண்டாவது மகள் பெயரில், 3.53 லட்சம் ரூபாய்; மூன்றாவது மகள் பெயரில், 3.20 லட்சம் ரூபாய், அசையும் சொத்து உள்ளது. அரி மீது, நான்கு வழக்குகள், திருத்தணி போலீஸ் நிலையத்தில் உள்ளன.

*சேலம் வேட்பாளர் பன்னீர்செல்வம் பெயரில், 38.52 லட்சம் ரூபாய், அசையும் சொத்து; 60 லட்சம் ரூபாய், அசையா சொத்து. மனைவி பெயரில், 30.04 லட்சம் ரூபாய் அசையும் சொத்து; 6 லட்சம் ரூபாய், அசையா சொத்து; தாயார் பெயரில், 8.75 லட்சம் ரூபாய், அசையும் சொத்து; 1.67 கோடி ரூபாய், அசையா சொத்து; முதல் மகள் பெயரில், 8.30 லட்சம் ரூபாய்; இரண்டாவது மகள் பெயரில், 4.05 லட்சம் ரூபாய், அசையும் சொத்துக்கள் உள்ளன.

*வேலூர் வேட்பாளர் செங்குட்டுவன் பெயரில்,5.25 லட்சம் ரூபாய், அசையும் சொத்து; 13.25 லட்சம் ரூபாய், அசையா சொத்து. மனைவி பெயரில், 30 லட்சம் ரூபாய், அசையா சொத்து உள்ளது.

*திருநெல்வேலி வேட்பாளர் பிரபாகரன் பெயரில், 12.77 லட்சம் ரூபாய்; மனைவி பெயரில், 13.02 லட்சம் ரூபாய்; குழந்தைகள் பெயரில்,1.87 லட்சம் ரூபாய், அசையும் சொத்து உள்ளது. அசையா சொத்து எதுவும் இல்லை.

*தென்காசி வேட்பாளர் வசந்தி முருகேசன் பெயரில், 6.97 லட்சம் ரூபாய், அசையும் சொத்து; 1.08 கோடி ரூபாய், அசையா சொத்து. கணவர் பெயரில், 7.50 லட்சம் ரூபாய், அசையும் சொத்து; 1.15 கோடி ரூபாய், அசையா சொத்து உள்ளது.

*தஞ்சாவூர் வேட்பாளர் பரசுராமன் பெயரில், 1.36 கோடி ரூபாய், அசையும் சொத்து; 7 கோடி ரூபாய், அசையா சொத்து. மனைவி பெயரில், 46.36 லட்சம் ரூபாய், அசையும் சொத்து; 2.80 கோடி ரூபாய், அசையா சொத்து. குழந்தைகள் பெயரில், 19.41 லட்சம் ரூபாய், அசையும் சொத்து; 2.76 கோடி ரூபாய், அசையா சொத்து உள்ளது. அவரது பெயரில், 1.57 கோடி ரூபாய்; மனைவி பெயரில், 1.21 கோடி ரூபாய், கடன் உள்ளது.

*நாகப்பட்டினம் வேட்பாளர் கோபால் பெயரில், 17.07 லட்சம் ரூபாய், அசையும் சொத்து; 91 லட்சம் ரூபாய், அசையா சொத்து. மனைவி பெயரில், 10.33 லட்சம் ரூபாய், அசையும் சொத்து; 72 லட்சம் ரூபாய், அசையா சொத்து உள்ளது. அவரது பெயரில், 15.04 லட்சம் ரூபாய், மனைவி பெயரில், 1.21 கோடி ரூபாய், கடன் உள்ளது.

*மயிலாடுதுறைவேட்பாளர் பாரதிமோகன் பெயரில், 15.37 லட்சம் ரூபாய், அசையும் சொத்து; 25.70 லட்சம் ரூபாய், அசையா சொத்து. மனைவி பெயரில், 10.73 லட்சம் ரூபாய், அசையும் சொத்து; 15.77 லட்சம் ரூபாய், அசையா சொத்து உள்ளது.

*கிருஷ்ணகிரி வேட்பாளர் அசோக்குமார், 11.76 லட்சம் ரூபாய் மதிப்பில், அசையும் சொத்து மட்டும் உள்ளதாக தெரிவித்துள்ளார். இவர் மீது, புதிய வாக்காளர் சேர்த்தலில் முறைகேடு செய்ததாக, மூன்று வழக்குகள் நிலுவையில் உள்ளன.

*நீலகிரி வேட்பாளர் கோபாலகிருஷ்ணன் பெயரில், 1.09 கோடி ரூபாய் சொத்து உள்ளது.

*கன்னியாகுமரி வேட்பாளர் ஜான் தங்கம் பெயரில், 27.55 லட்சம் ரூபாய், அசையும் சொத்து; 5.22 கோடி ரூபாய், அசையா சொத்து. மனைவி பெயரில், 49.67 லட்சம் ரூபாய், அசையும் சொத்து. மகள் பெயரில், 12.20 லட்சம், மகன் பெயரில், 3.20 லட்சம் ரூபாய் அசையும் சொத்துக்கள் உள்ளன. திருவண்ணாமலை வேட்பாளர் வனரோஜா பெயரில், 8 லட்சம் ரூபாய், அசையும் சொத்து. கணவர் பெயரில், ஒரு லட்சம் ரூபாய், அசையும் சொத்து, 28 லட்சம் ரூபாய் அசையா சொத்து உள்ளது.

*திருச்சி வேட்பாளர் குமார் பெயரில், 36.27 லட்சம் ரூபாய், அசையும் சொத்து; 1.10 கோடி ரூபாய், அசையா சொத்து. மனைவி பெயரில், 18.95 லட்சம் ரூபாய், அசையும் சொத்து; 20 லட்சம் ரூபாய், அசையா சொத்து உள்ளது.

*கரூர் வேட்பாளர் தம்பிதுரை பெயரில், 13.43 லட்சம் ரூபாய், அசையும் சொத்து; 3.01 கோடி ரூபாய், அசையா சொத்து. மனைவி பெயரில், 8.27 கோடி ரூபாய், அசையும் சொத்து; 2.85 கோடி ரூபாய், அசையா சொத்து. மகள் பெயரில், 62.57 லட்சம் ரூபாய், அசையும் சொத்து; 1.33 கோடி ரூபாய், அசையா சொத்து உள்ளது.

*திண்டுக்கல் வேட்பாளர் உதயகுமார் பெயரில், 19.20 லட்சம் ரூபாய், அசையும் சொத்து; 2.10 கோடி ரூபாய், அசையா சொத்து. மனைவி பெயரில், 34.90 லட்சம் ரூபாய், அசையும் சொத்து, மகன் மற்றும் மகள் பெயரில், 14 லட்சம் ரூபாய், அசையும் சொத்து உள்ளது.

*திருவள்ளூர்(தனி) வேட்பாளர் வேணுகோபால் பெயரில், 15.16 லட்சம் ரூபாய், அசையும் சொத்து; 2.57 கோடி ரூபாய், அசையா சொத்து. மனைவி பெயரில், 5.28 லட்சம் ரூபாய், அசையும் சொத்து; 6.89 லட்சம் ரூபாய், அசையா சொத்து. குழந்தைகள் பெயரில், 1.23 லட்சம் ரூபாய், அசையும் சொத்து உள்ளது.

*சிதம்பரம் வேட்பாளர் சந்திரகாசி பெயரில், 30.64 லட்சம் ரூபாய் சொத்து, மனைவி பெயரில், 40.89 லட்சம் ரூபாய் சொத்து உள்ளது.

*தேனி வேட்பாளர் பார்த்தீபன் பெயரில், 1.87 கோடி ரூபாய் சொத்து, மனைவி பெயரில், 18.25 லட்சம் ரூபாய், குழந்தைகள் பெயரில், 14 லட்சம் ரூபாய் மதிப்புள்ள சொத்து உள்ளது.

தினமலர்