சி‌ன்ன ‌சி‌ன்ன சமைய‌ல் கு‌றி‌ப்புக‌ள்

by **ayyasamy ram** Tue Apr 01, 2014 9:39 am

-
முட்டையை வேக வைக்கும் போது அதனுள்
இருப்பவை வெளியில் வராமல் இருப்பதற்கு,
வேக வைக்கும் தண்ணீரில் ஒரு டீ‌ஸ்பூன்
வினிகரை விடவும்.
அவ்வாறு விட்டால், முட்டையின் ஓடு
வெடித்தாலும் கூட உள்ளே இருப்பவை வெளியில்
வராது.
-
—————————————–
-
பாலை காய்ச்சுவதற்கு முன், அந்த பாத்திரத்தை
நன்கு தண்ணீரால் சுத்தம் செய்த பின்னர்
காய்ச்சினால், பால் பாத்திரத்தி‌ல் அடி பிடிப்பதை
தவிர்க்கலாம்.
-
——————————————
-
பால் புளிக்காமல் இருப்பதற்கு, ஏலக்காயை பால்
காய்ச்சும் போதே அதனுடன் சேர்க்கவும்.
அவ்வாறு செய்தால் நீண்ட நேரத்திற்கு பால்
புளிக்காமல் இருக்கும்.
-
———————————————-
-
தோல் உரித்த உருளைக்கிழங்குகளை கெடாமல்
வைப்பதற்கு சில துளிகள் வினிகரை‌த் தெளித்து
ஃப்ரிட்ஜில் அதை வைக்கவும்.
-
—————————————-

எண்ணெய் கறையை அழிப்பதற்கு, எலுமிச்சம்
பழத்தை இரண்டு துண்டாக வெட்டி அதை உப்பில்
வைக்கவும். பின்னர் அந்த துண்டுகளை வைத்து
தேய்க்கவும்.
-
——————————————-
-
காளான்களை அலுமினியம் பாத்திரங்களில்
சமைக்கக்கூடாது ஏனென்றால் அவை பாத்திரத்தை
கருமையாக மாற்றிவிடும்.
-
==========================================
நன்றி:தமிழ்-வெப் துனியா

by **ஜாஹீதாபானு** Tue Apr 01, 2014 3:31 pm

தகவலுக்கு நன்றி அண்ணா

by **சிவா** Tue Apr 01, 2014 4:05 pm

பயனுள்ள குறிப்புகள்!

by **krishnaamma** Wed Apr 02, 2014 7:14 pm

//பால் புளிக்காமல் இருப்பதற்கு, ஏலக்காயை பால்
காய்ச்சும் போதே அதனுடன் சேர்க்கவும்.
அவ்வாறு செய்தால் நீண்ட நேரத்திற்கு பால்
புளிக்காமல் இருக்கும்.//

இது ரொம்ப புதிய குறிப்பு ராம் அண்ணா புன்னகை

ரொம்ப நன்றி !

by **தமிழ்நேசன்1981** Wed Apr 02, 2014 9:24 pm

by **தமிழ்நேசன்1981** Wed Apr 02, 2014 10:17 pm

சி‌ன்ன ‌சி‌ன்ன சமைய‌ல் கு‌றி‌ப்புக‌ள் P43

வேர்க்கடலை, பொட்டுக்கடலை போன்றவற்றை உருண்டை பிடிக்க வெல்ல பாகு காய்ச்சும்போது, வெல்லத்துடன் இரண்டு அல்லது மூன்று ஸ்பூன் சர்க்கரையையும் சேர்த்துக் காய்ச்சினால், உருண்டைகள் கரகரப்புடனும் ஒன்றுடன் ஒன்று ஒட்டாமலும் இருக்கும்.

- கே.சுபாக்கனி, மேலகிருஷ்ணன் புதூர்

கறிவேப்பிலை, கொத்தமல்லி ஆகியவற்றை ஃப்ரிட்ஜில் வைக்கும்போது சீக்கிரமே அழுகிவிடுகிறதா? அவற்றை ஈரமில்லாமல், ஒரு செய்தித்தாளில் சுற்றி, கறுப்பு நிற பிளாஸ்டிக் பையில் வைத்து சுருட்டி, ஃப்ரிட்ஜில் வைத்துவிடுங்கள். பத்து நாட்களானாலும், அழுகாமல் அப்படியே பசுமையாக இருக்கும்.

- ஆர்.ராமாத்தாள், சென்னை-42

சப்பாத்தி மிருதுவாக இருக்க கொஞ்சம் எண்ணெய் சேர்த்து மாவு பிசைவோம். அதற்குப் பதில், முதலில் எண்ணெய் சேர்க்காமல் மாவு பிசையவும். பிறகு, ஒவ்வொரு சப்பாத்தியையும் ஒரு சிறு அப்பளம் போல் உருட்டி, அதன் மேல் எண்ணெயைத் தடவி, நான்காக மடித்து மீண்டும் சப்பாத்தியாகத் திரட்டி சுட்டால் மென்மையாக இருக்கும். குழந்தைகளுக்கு எண்ணெய்க்குப் பதில் நெய் தடவலாம். எண்ணெய் வேண்டாதவர்க்கு எதுவும் தடவாமல் அப்படியே சப்பாத்தி செய்து கொடுக்கலாம்.

- பா.மலர், திருப்பூர்

சமைக்கும்போது கிழங்குகள் தவிர்த்து மற்ற காய்கறிகளைக் கூடுதலாக தண்ணீர் விட்டு வேகவையுங்கள். பிறகு, அந்தத் தண்ணீரை வடிகட்டி எடுத்து சிறிது சோள மாவைக் கரைத்து விட்டு, ஒரு கொதி வரும் வரை அடுப்பில் சுட வையுங்கள். இதில் மிளகுப்பொடி, உப்பு சேர்த்து பெரியவர்களுக்கும், தேன் கலந்து குழந்தைகளுக்கும் சூப்பாக கொடுக்கலாம். விரும்பினால் புதினா, கொத்தமல்லித் தழையையும் சேர்க்கலாம்.

- எஸ்.சாய் சாத்விகா, சீர்காழி

காலையில் செய்த இட்லிகள் மீதமிருக்கிறதா? இட்லிகளின் இருபுறமும் வெண்ணெய் அல்லது நெய் தடவி, சூடான தோசைக்கல்லில் போட்டு குறைந்த தீயில், பிரவுன் நிறம் வரும் வரை சுட்டு எடுத்தால்... மொறுமொறுவென்று ஆகிவிடும். இதைத் தக்காளி சாஸுடன் குழந்தைகளுக்குக் கொடுத்தால்... சட்டென்று காலியாகிவிடும். இட்லிகள் தடிமனாக இருந்தால், நடுவில் வெட்டி இரண்டு மெல்லிய வட்டங்களாக சுடலாம்.

by **ஜாஹீதாபானு** Thu Apr 03, 2014 1:41 pm

அருமையான குறிப்பு நன்றி

by சின்னக் கண்ணன் Thu Apr 03, 2014 5:49 pm

குளிர் நிறைய இருக்கும் சில இடங்களில் தயிர் உறையவே உறையாது..அதற்கு ஒரு ஒல்லி பெல்லி பச்சை மிளகாயை நெட்டுவாக்கில் கீறி பாலில் போட்டு வைத்தால் இட் வில் ஃப்ரீஸ் யு நோ.. தயிர் உறைந்து விடும் புன்னகை

by **krishnaamma** Fri Apr 04, 2014 1:21 pm

சின்னக் கண்ணன் wrote:[link="/t109045-topic#1056191"]குளிர் நிறைய இருக்கும் சில இடங்களில் தயிர் உறையவே உறையாது..அதற்கு ஒரு ஒல்லி பெல்லி பச்சை மிளகாயை நெட்டுவாக்கில் கீறி பாலில் போட்டு வைத்தால் இட் வில் ஃப்ரீஸ் யு நோ.. தயிர் உறைந்து விடும்

இந்த 'தங்களீஷ் ' குறிப்பும் நல்லா இருக்கு புன்னகை