காஷ்மீரில் ராணுவ உடையில் வந்து பயங்கரவாதிகள் தாக்குதல்

**சிவா** · **சிவா** Fri Mar 28, 2014 8:58 am

ஜம்மு : ஜம்மு காஷ்மீரின் கத்துவா பகுதியில் இன்று (மார்ச் 28) அதிகாலை பயங்கரவாதிகள் நடத்திய துப்பாக்கிச் சூடு தாக்குதலில் ஒருவர் பலியாகி உள்ளார். மேலும் 3 பேர் படுகாயம் அடைந்துள்ளனர்.

கத்துவாவை அடுத்த தயலாசக் பகுதியில் உள்ள ராணுவ முகாம் பகுதியில் வந்த வெள்ளை நிற போலிரோ காரை, ராணுவ உடையில் வந்த 4 பயங்கரவாதிகள் தடுத்து நிறுத்தி உள்ளனர். காரில் இருந்த பயணிகள் கீழே இறங்கியதும், யாரும் எதிர்பாராத விதமாக அந்த பயணிகள் மீது சரமாறியாக துப்பாக்கி சூடு தாக்குதல் நடத்தி உள்ளனர். பின்னர் அந்த காரிலேயே பயங்கரவாதிகள் தப்பிச் சென்றுள்ளனர். அதிகாலை 5 மணியளவில் நடந்த இந்த தாக்குதலில் ஒருவர் பலியாகி உள்ளார். மேலும் 3 பேர் படுகாயம் அடைந்த நிலையில் மருத்துவமனையில் அனுமதிக்கப்பட்டள்ளதாக போலீசார் தெரிவித்துள்ளனர்.

காரையும், அதில் தப்பிச் சென்ற பயங்கரவாதிகளையும் தேடும் பணி முழுவீச்சில் நடைபெற்று வருகிறது. ராணுவ பகுதியில், சர்வதேச எல்லை பகுதிக்கு மிக அருகில் இந்த தாக்குதல் சம்பவம் நடைபெற்றுள்ளத குறிப்பிடத்தக்கது. தாக்குதல் நடத்தியவர்கள் அப்பகுதியில் பதுங்கி இருந்து, சமீப காலமாக தேடப்பட்டு வந்தவர்கள் என போலீசார் தெரிவித்துள்ளனர்.

தாக்குதல் நடைபெற்ற இடத்திற்கு அருகில் உள்ள ஹிராநகர் போலீஸ் ஸ்டேஷன் மீது கடந்த ஆண்டு செப்டம்பர் மாதம் பயங்கரவாதிகள் தாக்குதல் நடத்தியது குறிப்பிடத்தக்கது.

2வது தாக்குதல்:

இந்நிலையில் அடுத்த சில மணிநேரங்களில் கத்துவா மாவட்டத்தின் ஜங்லோட் ராணுவ முகாமிற்கு அருகே மீண்டும் ஒரு பயங்கரவாத தாக்குதல் நடத்தப்பட்டுள்ளது. பயங்கர ஆயுதங்களுடன் ராணுவ உடையில் வந்தே இந்த தாக்குதலையும் பயங்கரவாதிகள் நிகழ்த்தி உள்ளனர்.

தினமலர்

காஷ்மீரில் ராணுவ உடையில் வந்து பயங்கரவாதிகள் தாக்குதல்

காஷ்மீரில் ராணுவ உடையில் வந்து பயங்கரவாதிகள் தாக்குதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக