தேர்{ஆறு}தல் கவிதைகள்

by ந.க.துறைவன் Wed Mar 19, 2014 9:09 am

நோட்டோ தெரியுமா?
தெரியாது,எது தெரியும்?
ரூபாய் நோட்டு.
*
பேருந்தில் பச்சை இலை
உட்கார இடமில்லை
பறந்து விட்டது குருவி.
*
குற்றவாளிகளே
குற்றம் சாட்டிக் கொள்கிறார்கள்
கேட்டு ரசிக்கும் வாக்காளர்கள்.
*
வாக்காளர்களுக்கு
இலவசமாக அளிக்கப் பட்டது
துடப்பக் கட்டை.{தேர்தல் சின்னமல்லவா…}
*
பேசுவதைக் கேட்கிறார்கள்
செய்ததைக் கவனிக்கிறார்கள்
தீர்ப்பளிக்கும் வாக்காளர்கள்.

by **ஜாஹீதாபானு** Wed Mar 19, 2014 1:04 pm

மிக அருமை

by ந.க.துறைவன் Thu Mar 20, 2014 10:16 am

தகிக்கும் சூரியன்
மலரும் தாமரை
உதிரும் இலைகள்.
கண்ணீரில் மிதக்கிறது
தண்ணியில் மிதக்கும்
மனிதர்களின் குடும்பங்கள்.
*
கட்சிகளின் ஆக்ரமிப்பில்லை
சுத்தமாகவே இருக்கிறது
வீட்டுச் சுவர்கள்.
*
வாக்குறுதி
ஆட்சிக்கு வந்தால் அளிப்போம்
கட்டில், பீரோ இலவசம்.
*
பள்ளிக் கூடத்தில் தொடங்கி
சட்டசபையில் பெஞ்சுத் தட்டுகிறார்கள்
தொட்டில் பழக்கம்.

by ந.க.துறைவன் Fri Mar 21, 2014 9:23 am

தேர்{ஆறு}தல் சென்ரியு கவிதைகள்
*
யாருக்கு ஓட்டளிப்ப தென்று
இலவசம் பெற்றுக் கொண்டவர்கள்
இருதலைக் கொள்ளியாய் தவிப்பு.
*
கூட்டணியிலிந்தவர்கள் விலகினார்கள்
விலகியவர்கள் கூட்டணியில் சேர்ந்தார்கள்
உருவானது கூட்டணித் தத்துவம்.
*
விவாதத்தில் பங்கு கொள்ளாத
பாராளமன்ற உறுப்பினர்
ரசித்துக் கொண்டிருந்தார் ஆபாசபடம்.

*
பரபரப்பாகப் போனார் காரில்
பிரியாணிச் சாப்பிட
மாணவி பலி.
*
தனித்துப் போட்டி என்று
அறிக்கை விட்டார்கள்
தவித்துப் போனார்கள் தொண்டர்கள்.
*
தேர்தல் பேச்சு
தேனாய் இனித்தது
கசக்கிறது பொய் வாக்குறுதிகள்.

by myimamdeen Sat Mar 22, 2014 4:41 pm

by ந.க.துறைவன் Sun Mar 23, 2014 9:39 am

தேன்{ கஜல் } துளிகள்.
*
முத்தமிட்டால் இனிக்கும்
உன் கன்னம் தேனடை.
கண் விழிகளிலே பார்க்கிறேன்
கண்ணீரின் சிற்றோடை.
*
ஏனிந்தக் கண்ணீர் குயிலே
ஏக்கத்தின் காரணம் சொல்
தீர்வுக்காண வழி காண்பேன் மயிலே
என்னையே அடைவாய் புகல். .

by ந.க.துறைவன் Mon Mar 24, 2014 7:38 pm

அன்பளிப்பாக வழங்கப் பட்டது
குங்குமச் சிமிழில்
ஒளிந்திருந்தது மூக்குத்தி.
*
இலவசப் பொருள்கள்
கிடைக்கவில்லை என்று வருத்தப்பட்டது
வெள்ளை ரேசன் கார்டுகள்
*
வண்ண வண்ணக் கலர்களில்
இனம் பிரித்து அளித்தார்கள்
ரேசன் கார்டுகள்.

by Sponsored content

தேர்{ஆறு}தல் கவிதைகள்

தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்