ந.க.துறைவன் புதுக்கவிதை

ந.க.துறைவன் · ந.க.துறைவன் Mon Feb 24, 2014 9:05 am

காதல்

இந்திய இளைஞனின்
இதய பூர்வமான காதலை
இணைத்துப் பார்ப்பதைவிட-இங்கே
பிரித்து வைக்கப்
பிரியப்படுகிறவர்களே அதிகம்
.
இப்படிச் செய்வது
பொறாமையால் அல்ல.
அறியாமையால் தான்.

சாதிகளுக்கும் மதங்களுக்கும்
கைவிலங்கிடப்படக்
காதல் திருமணங்கள்
ஊக்குவிக்கப்பட வேண்டும்.

இதுவே
மொழிகளையும்
தேசியத்தையும் கூட
இணைக்கும் பாலமாகும்
.
இது
விரும்புகிறவர்களுக்கு
கரும்பின் இனிப்பாகும்.
நடிப்பவர்களுக்கு வெறுப்பாகும்.
எவருக்கு வெற்றியடைகிறதோ
அதுவே மனித நேயக் காதல்.

டிசம்பர்-1988
.
இனி்-கவிதை
தொகுப்பிலிருந்து.

**M.M.SENTHIL** · **M.M.SENTHIL** Mon Feb 24, 2014 12:03 pm

கவிதை அருமை.

ஆனாலும்,

சாதிகளுக்கும் மதங்களுக்கும்
கைவிலங்கிடப்படக்
காதல் திருமணங்கள்
ஊக்குவிக்கப்பட வேண்டும்.

என்று கூறியுள்ளீர்கள். அவ்வாறு நடக்கும் பட்சத்தில் ஒரு மதத்திற்கு உண்டான தனித்தன்மை போய்விடும் என்பது என் கருத்து.,

ந.க.துறைவன் · ந.க.துறைவன் Mon Feb 24, 2014 6:18 pm

உண்மை தான் செந்தில். இந்த கவிதை 1988-ல்
எழுதியது. எடுத்துப் போட்டேன்.தங்களின் கருத்துக்கு
மிக்க நன்றி.

ந.க.துறைவன் · ந.க.துறைவன் Mon Mar 17, 2014 10:18 am

ந.க.துறைவனின் புதுக் கவிதைகள்
*
தூக்கமே விழிப்பு{புதுக் கவிதை}
*
தூக்கம் வரவில்லை எனப்
புரண்டுப் புரண்டுப் படுத்தான்.
தூக்காமல் எவ்வளவு நேரந்தான்
விழித்திருப்பதென எழுந்துப் போய்
தண்ணீர்க் குடித்து விட்டு வந்து
படுக்கையில் உட்கார்ந்தான்.
எதையோ யோசித்தவாறு மீண்டும்
படுக்கையில் சாயந்தான்.
*
தூக்கம் வரவில்லை துங்க முயற்சித்தான்
படுத்தவாறே தியானப்
பயிற்சி செய்துப் பார்த்தான்.
தூக்கம் வருவதாகக் காணோம்
மீண்டும் எழுந்துப் போய்
சிறுநீர்க் கழித்து விட்டுவந்துக்
கடிகாரத்தில் நேரம் பார்த்தான்
மணி ஐந்துக் காட்டியது முள்கள்.
*
தூங்க முயற்சிக்காமல் விழித்திருந்தான்
வாசலில் காலிங் பெல் அடிக்கும்
சத்தங் கேட்டுப் போய் கதவைத் திறந்தான்.
எதிரில்,பயணக் களைப்பும்
அசதியுமாய் கலைந்தக் கூந்தலுமாய்
நின்றிருந்தாள். ஊருக்குப் போய்த்
திரும்பி வந்த மனைவி, குழந்தைகள்
அவனுக்குப் பின்னாலேயே நின்று
அவர்களை வரவேற்றதுப் பூனைக் குட்டி…!!

ந.க.துறைவன் · ந.க.துறைவன் Tue Mar 18, 2014 11:06 am

ந.க.துறைவனின் புதுக் கவிதைகள்
*
சமாளிப்பு{புதுக் கவிதை}
*
தாமதமாகப் போகக் கூடாதென்று
சீக்கிரமாய் வந்துக் காத்திருந்தேன்.
பஸ் போய் வி்ட்டாத வென
அருகிலிருந்தவரிடம் கேட்டேன்
பஸ் போய்விட்டது என்றார்கள்.
வேறொன்றில் போகலாமென
விசாரித்தால்
ரோடு வேலை நடக்கிறது
அந்தப் பக்கம் போகாது என்றார்கள்.
வேறு பஸ் எப்பொழுது வரும் என்று
சொல்வதற்கில்லை.காத்திருப்பதும்
காலவிரயமென சேர் ஆட்டோவில்
ஏறப் போனால் உள்ளே கூட்ட நெரிசல்
உட்கார இடமில்லை.
அடுதது, என்ன செய்வ தென்று
முடிவெடுப்பதற்குள் போக வேண்டிய
பஸ் வந்து நின்றது. ஏறினேன்.
எப்படியோ,
தாமதத்திற்குக் காரணம்
கேட்டால் என்ன சொல்லி
சமாளிக்கலாம்? என்ற சிந்தனையோடு
உள்ளே நுழைந்தேன். சட்டென
மூலையில் உதித்ததொரு
சின்னக் காரணம்…

**ஜாஹீதாபானு** · **ஜாஹீதாபானு** Tue Mar 18, 2014 5:07 pm

ந.க.துறைவன் wrote:ந.க.துறைவனின் புதுக் கவிதைகள்
*
சமாளிப்பு{புதுக் கவிதை}
*
தாமதமாகப் போகக் கூடாதென்று
சீக்கிரமாய் வந்துக் காத்திருந்தேன்.
பஸ் போய் வி்ட்டாத வென
அருகிலிருந்தவரிடம் கேட்டேன்
பஸ் போய்விட்டது என்றார்கள்.
வேறொன்றில் போகலாமென
விசாரித்தால்
ரோடு வேலை நடக்கிறது
அந்தப் பக்கம் போகாது என்றார்கள்.
வேறு பஸ் எப்பொழுது வரும் என்று
சொல்வதற்கில்லை.காத்திருப்பதும்
காலவிரயமென சேர் ஆட்டோவில்
ஏறப் போனால் உள்ளே கூட்ட நெரிசல்
உட்கார இடமில்லை.
அடுதது, என்ன செய்வ தென்று
முடிவெடுப்பதற்குள் போக வேண்டிய
பஸ் வந்து நின்றது. ஏறினேன்.
எப்படியோ,
தாமதத்திற்குக் காரணம்
கேட்டால் என்ன சொல்லி
சமாளிக்கலாம்? என்ற சிந்தனையோடு
உள்ளே நுழைந்தேன். சட்டென
மூலையில் உதித்ததொரு
சின்னக் காரணம்…

அருமை நான் தினமும் காரணம் யோசிப்பேன்.

என்ன சின்னக் காரணம் என்று சொல்லுங்கள்

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

Sponsored content · Sponsored content

ந.க.துறைவன் புதுக்கவிதை

ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக