பிணி

by கிருஷ்ணா Thu Mar 13, 2014 6:43 am

First topic message reminder :

உடலின் நிலை மோசமாகி
உயிரின் நிலை ஊசலாடையில்
உறவின் நிலை தெரிந்திடும்
உற்றார் நிலை புரிந்திடும்
உற்ற நட்பும் அறிந்திடும்
உருகி மனம் தெளிந்திடும்

உலகம் மறந்துபோய்
உழைத்ததன் பலனாய்
உரமேறிய உடல்கொண்டு
உயர்வான வாழ்வு பெற்று
உவகை பொங்க வாழ்ந்தது
உன்கண் முன்வந்து போகும்

உதயமுண்டா தெரியாது
உண்டெனில் இன்னுமொரு
உனக்கான வாழ்வில்
உயர்வு தாழ்வு பாராது
உணர்வுகளை மதித்து
உன்னதம் ஆகும் மனம்

உலகத்தின் இயல்பும்
உதவியின் அருமையும்
உண்மை வாழ்வில்
உந்தன் பங்கும்
உணர்த்த இறைவன்
உனக்களித்த தேர்விது!!!