239 பயணிகளோடு மாயமான விமானம்

by பாலாஜி Sat Mar 08, 2014 12:16 pm

First topic message reminder :

கோலாலம்பூரில் இருந்து பீஜிங்கிற்கு இன்று காலை புறப்பட்ட விமானம் ஒன்று 239 பயணிகளோடு மாயமாகி உள்ளது.

மாயமான போயிங் 777-200 ரக விமானத்தில் 227 பயணிகள் மற்றும் 12 விமான குழுவினர் இருந்துள்ளனர். இந்த விமானம் தெற்கு சீன கடலுக்கு அருகே பயணித்துக்கொண்டிருந்த போது திடீரென தொடர்பு துண்டிக்கப்பட்டதாக தெரிவிக்கபட்டுள்ளது.

இன்று காலை 12.40 மணிக்கு புறப்பட்ட இந்த விமானம் காலை 6.30 மணிக்கு பீஜிங் சென்றடையுமென எதிர்பார்க்கப்பட்ட நிலையில், விமானம் மாயமானதாக தகவல் வெளியாகியுள்ளது. இதுவரை இந்த விமானம் குறித்து எந்த தகவலும் தெரியாததால் விமானத்தில் பயணித்த அனைவரும் உயிரிழந்திருக்க வாய்ப்பு அதிகாமாக உள்ளதாக அஞ்சப்படுகிறது.

MH370 என்ற அந்த விமானம் 11 ஆண்டுகள் மற்றும் 10 மாதங்கள் உபயோகத்தில் உள்ளதாகவும், அதில் தேவையான ஆளவு எரிப்பொருள் இருந்ததாகவும் உயர் அதிகாரி அஹ்மத் ஜுஹாரி தெரிவித்துள்ளது குறிப்பிடத்தக்கது.

--வெப்துனியா

by **SajeevJino** Tue Mar 11, 2014 7:59 pm

.

Chinese Martyrs' Brigade என்னும் சீனாவை சேர்ந்த ஒரு தீவிரவாத அமைப்பு இதற்கு பொறுப்பேற்று உள்ளதாக சில சீன செய்தி நிறுவனங்களுக்கு கடிதம் எழுதியதாக சில ஆங்கில பத்திரிக்கைகள் செய்து வெளியிட்டுள்ளன

by **T.N.Balasubramanian** Tue Mar 11, 2014 8:24 pm

படிக்கும் போது ஏதோ தெகிடி போல் தெரிகிறது.
(தெகிடி என்றால் வஞ்சம், சூது, ஏமாற்றுதல்)
ரமணியன்

by **T.N.Balasubramanian** Tue Mar 11, 2014 8:48 pm

மலேசிய விமானம் மாயமானதை நேரில் பாரத்தவர்கள் விளக்கம், 11 பயணிகளின் போன் பயன்பாட்டில் இருக்கிறது

239 பயணிகளுடன் கடந்த 8-ம் தேதி அதிகாலை மலேசிய தலைநகர் கோலாலம்பூரில் இருந்து சீனத் தலைநகர் பீஜிங் நோக்கிச் சென்ற மலேசியன் ஏர்லைன்ஸ் விமானம் வியட்நாம் கடல் எல்லைக்கு மேலே பறந்த போது கட்டுப்பாட்டு அறையின் தொடர்பை இழந்து, திடீரென மாயமானது.

மலேசியாவின் கம்பங் கொடாக் பகுதியில் வசிக்கும் அலிஃப் ஃபாத்தி அப்துல் ஹாதி என்பவர் சம்பவத்தன்று அதிகாலை 1.45 மணியளவில் வானத்தில் பெரிய ஒளிப்பிழம்பு தோன்றியதாக தெரிவித்துள்ளார். இவர் கூறியதாவது, "சாதாரணமாக விமானத்தின் முகப்பு விளக்குகள் வானத்தில் உள்ள சிறிய நட்சத்திரங்கள் போல் காட்சியளிக்கும்.
ஆனால், நான் பார்த்த பிரமாண்டமான தீப்பிழம்பு, சுமார் 5 நிமிடங்கள் நீடித்தது. சில வினாடிகளுக்குள் தாய்லாந்து கடல் எல்லை நோக்கி நகர்ந்து சென்று, திடீரென்று மறைந்து விட்டது. " இவரது வீட்டில் இருந்து தெற்கே சுமார் 100 மைல் தொலைவில் வாழும் மீனவரான ஆஸித் இப்ராகிம் என்பவரும் அப்துல் ஹாதியின் வீடு இருக்கும் திசையை சுட்டிக்காட்டி, தீப்பற்றி எரிந்தபடி பறந்த ஒரு விமானம் தென்னந்தோப்பின் பின்புறமாக மறைந்து போனதாக தெரிவித்துள்ளார்.

மேலும், அந்த விமானத்தில் சென்ற 11 பேரின் அலைபேசி இன்னும் இயங்கிக் கொண்டுள்ளன என அவர்களின் உறவினர்கள் பேட்டியளித்துள்ளனர்.

நன்றி சற்றுமுன் செய்திகள் at 05:30

ரமணியன்

by **ராஜா** Wed Mar 12, 2014 11:07 am

by **ayyasamy ram** Wed Mar 12, 2014 11:13 am

மாயமான விமானத்தை தேடும் பணியில் மலேசியா,
பிலிப்பைன்ஸ் , சீனா உள்ளிட்ட ஒன்பது நாடுகளை
சேர்ந்த விமானங்களும் 24 கப்பல்களும் ஈடுபட்டு
வருகி்ன்றன.

இந்நாடுகளை தவிர இந்தியாவி்ன் கப்பல்படைக்கு
சொந்தமான செயற்கைகோளான ருக்மணி
உதவியுடன் தேடும் பணி நடைபெற்று வருகின்றன
-

by பாலாஜி Wed Mar 12, 2014 1:56 pm

என்ன நடந்தது என்றே இதுவரை தெரியவில்லை .

by **T.N.Balasubramanian** Wed Mar 12, 2014 3:10 pm

மாஸ் விமானம் வானில் மறைந்தது --
ஹை லெவல் விஷயம் என்பது இதுதான்

ரமணியன்

by **SajeevJino** Thu Mar 13, 2014 4:23 pm

.

ஊடகங்களில் வந்த பல செய்திகள் பொய் ..சீனாவின் சாட்டிலைட் கண்டுபிடித்து கூட உண்மை இல்லை ..நேரில் சென்று பார்த்தபோது அங்கு எதுவுமே இல்லை ..

புதிய நம்பகமான தகவல் கிடைத்தால் கண்டிப்பாக பகிருவேன்

by **சிவா** Thu Mar 13, 2014 5:38 pm

கேலிக் கூத்தாகியுள்ள ராஜா ‘போமோ’வின் மாந்திரீக பூஜை!

மாஸ் ஏர்லயன்ஸ் MH370 கடலில் விழுந்தது - Page 5 BcrUDbMT6qgg2nsFvnJC+raja-bomoh-at-work-300x188

விமானம் மாயமானது தொடர்பாக உலக நாடுகளின் கவனம் அனைத்தும் மலேசியாவின் மீது இருக்கும் வேளையில், கேஎல்ஐஏ விமான நிலையத்தில் ‘போமோ’ (shaman) நடத்திய மாந்திரீக பூஜை பெரும் கேலிக் கூத்தாகி விட்டது.

முகநூல் தொடங்கி யூடியூப், டுவிட்டர் வரை அனைத்து நட்பு ஊடகங்களிலும், பலரும் போமோவின் படங்களை பகிர்ந்து, மலேசியாவின் நிலைமையை மேலும் கிழி கிழி என கிழித்து வருகின்றனர்.

மாஸ் ஏர்லயன்ஸ் MH370 கடலில் விழுந்தது - Page 5 KxdnoF3XRb6psDnUlz3N+1782057_10152915819764572_1816152843_n-300x174

மாஸ் ஏர்லயன்ஸ் MH370 கடலில் விழுந்தது - Page 5 KxdnoF3XRb6psDnUlz3N+1782057_10152915819764572_1816152843_n-300x174

குறிப்பாக, அமெரிக்க அதிபர் பராக் ஒபாமா தனது அலுவலகத்தில் அமர்ந்து கொண்டு, போமோவின் செயல்களை பார்ப்பது போல் வெளியாகியிருக்கும் புகைப்படம் தற்போது முகநூலில் பரபரப்பாக உலா வந்து கொண்டிருக்கிறது.

கடந்த திங்கட்கிழமை, கேஎல்ஐஏ அனைத்துலக விமான நிலையத்திற்கு வந்த பிரபல போமோ (shaman) இப்ராகிம் மாட் ஸின் (ராஜா போமோ செடுனியா நுஜும் விஐபி), விமானத்தை கண்டுபிடிப்பதற்கு தேவையான மாந்திரீக பூஜைகளை செய்ய தன்னை மலேசியாவின் உயர் பதவியில் இருக்கும் தலைவர்களுள் ஒருவர் அழைத்ததாகத் தெரிவித்தார்.

இந்நிலையில், நேற்று மீண்டும் விமான நிலையத்திற்கு தனது சீடர்கள் சகிதமாக வந்த போமோ, கையில் இரண்டு இளநீர், மூங்கில் தொலைநோக்கிகள், விரிப்பு என சிலவற்றை வதைத்து கொண்டு நடத்தியுள்ள இந்த பூஜையை அங்கிருந்த ஒட்டுமொத்த ஊடகங்களும் பதிவு செய்துள்ளன.

இந்த மாந்திரீக பூஜையை செய்வதால், விமானத்தை அண்டியிருக்கும் தீய சக்திகள் அனைத்தும் விலகி காணாமல் போன விமானத்தை கண்டுபிடிக்க உதவும் என்றும் அவர் செய்தியாளர்களிடம் தெரிவித்துள்ளார்.

by **சிவா** Thu Mar 13, 2014 5:38 pm

யார் உங்களை அழைத்தார்கள்?

போமோவின் இந்த மாதிரீக பூஜை குறித்து மசீச இளைஞர் பிரிவுத் தலைவர் சோங் சின் வூன் இன்று வெளியிட்டுள்ள அறிக்கையில், இதை செய்ய உங்களை அழைத்த அந்த அம்னோ உயர்மட்டத் தலைவர் யார்? என்று கேள்வி எழுப்பியுள்ளார்.

பிரதமர் துறை அமைச்சரான ஜமீல் கிர் பாரோம் தான் அழைத்தார் என்று கூறப்படுவதை தாங்கள் விசாரணை செய்ததாகவும், அவர் போமோவை அழைக்கவில்லை என்றும் சின் தெரிவித்துள்ளார்.

போமோவை பூஜை செய்ய அழைத்த தலைவர் யார் என்று பொதுமக்களுக்கு தெரிய வேண்டும் என்றும் சின் குறிப்பிட்டார்.

“காணாமல் போன விமானம் குறித்து நல்ல எண்ணங்களுடன் செய்யப்படும் எல்லா விதமான பிரார்த்தனைகளுக்கும் நாங்கள் மதிப்பளிக்கிறோம். ஆனால் மிது போன்ற சுய விளம்பரங்களுக்காக செய்யப்படும் பூஜைகள் உலக நாடுகளின் கேலிகளுக்கும், கிண்டல்களுக்கும் உள்ளாகியுள்ளது” என்று சின் இன்று நடைபெற்ற செய்தியாளர் கூட்டத்தில் தெரிவித்துள்ளார்.