ந.க.துறைவனின் சிறுவர் பாடல்.

by ந.க.துறைவன் Sat Mar 08, 2014 9:34 am

*
நகரங்கள்
*
கோயில் நகரம்
மதுரை.

மாங்கனி நகரம்
சேலம்.

முத்து நகரம்
தூத்துக் குடி
.
பஞ்சாலை நகரம்.
கோiவை.

பட்டு நகரம்
காஞ்சி
.
பின்னலாடை நகரம்
திருப்பூர்
.
பூக்கள் நகரம்
உதகை.

நெற் களஞ்சிய நகரம்
தஞ்சாவூர்
.
அல்வா நகரம்
திருநெல்வேலி
.
வெயில் நகரம்
வேலூர்
.
நகரின் பெயரை
மனனம் செய்து

மனதில் நன்குப் பதிப்பீரே
மதிப்பெண் நன்று பெறுவீரே…!

by ந.க.துறைவன் Tue Mar 11, 2014 7:57 am

ந.க.துறைவனின் சிறுவர் பாடல்.
*
தாடி மாமா…!!
*
தாடி மாமா வந்தாரு
தூக்கிக் கொஞ்சி சிரிப்பாரு
அம்மா அப்பா எங்கேன்னு
அன்பா மெல்ல கேட்பாரு.

தம்பிப் பயலின் சுட்டித் தனத்தைக்
கேட்டுக் கேட்டு ரசிப்பாரு
சாக்லெட் பிஸ்கெட் மி்க்சரு
தம்பிக்கும் எனக்கும் கொடுப்பாரு.

சுற்றி வரும் நாய்க் குட்டியைத்
துரத்தி துரத்திப் புடிப்பாரு
சட்டெனத் தூக்கி அணைச்சி
மடியில் வைச்சி மகிழ்வாரு.

பாட்டுக் கதைகள் சொல்லிச் சொல்லி
பாடச் சொல்லிக் கேட்பாரு.
மடிக் கணினி மடியில் வைச்சி
அபாகஸ் கற்றுத் தருவாரு.

மாலைவேளை வெளியிலே
அழைச்சிக் கிட்டுப் போவாரு
சுற்றுச் சூழல் மாசுப் பற்றி
கதை கதையாகச் சொல்வாரு.

தயங்கித் தயங்கி நின்னாரு
டாட்டா காட்டிப் போனாரு
ஊருக்குப் போயி சேர்ந்த வுடனே
போனில் பேசிச் சொன்னாரு…!!

by **ayyasamy ram** Tue Mar 11, 2014 8:04 am

by கிருஷ்ணா Thu Mar 13, 2014 6:41 am

நகரங்கள் அருமை.
இப்படி ஒரு தாடி மாமா ஒவ்வொரு வீட்டிலும் இருந்தால் நன்றாக இருக்கும். இந்த காலத்து மாமா பலர் வேலைப்பளுவால் எங்கும் செல்ல இயலாது உள்ளனர். :-(

by ந.க.துறைவன் Thu Mar 13, 2014 11:52 am

நன்றி கிருஷ்ணா சார்...

by கிருஷ்ணா Thu Mar 13, 2014 12:13 pm

ஆண் அல்ல பெண் கிருஷ்ணா :-)

by **ஜாஹீதாபானு** Thu Mar 13, 2014 5:41 pm

அருமை துறைவன்

by ந.க.துறைவன் Thu Mar 20, 2014 11:19 am

*
தோழன், பகத்சிங்
*
கல்விதனைத் துறந்தவன்
கடமையாற்றத் தெரிந்தவன்
பகுத்தறிவு செறிந்தவன்
பகல் ஒளிபோல் வாழ்த்தவன்
*
தியாக உள்ளம் மிகுந்தவன்
திறமையோடு வாழ்ந்தவன்
சுதந்திரம் பெற ஏங்கியவன்
சுறுசுறுப்பாய் இயங்கியவன்
*
இளைஞர்களைக் கவர்ந்தவன்
இனிய கனவை விதைத்தவன்
புதிய பாரதம் காண எழுந்தவன்
தூக்கில் தொங்கி மடிந்தவன்
*
சத்தியத்தை மதித்தவன்
சாகசங்கள் புரிந்தவன்
சாவுக்கும் அஞ்சிடாமல்
சமர்புரிந்து வாழ்ந்தவன்
*
அந்நியரை எதிர்த்தவன்
அடிமைகளைக் காத்தவன்
அன்னை நாட்டு விடுதலைக்கு
அர்ப்பணங்கள் செய்தவன்.

by கிருஷ்ணா Sat Mar 22, 2014 5:25 am

அருமை :-)

by ந.க.துறைவன் Fri Apr 04, 2014 12:31 pm

பனை மரம் { சிறுவர் பாடல் }
*
ஏரியோரம் பனை மரம்
உயர்ந்து நிற்கும் பனை மரம்
குலைகுலையாய் பனங் குலைகள்
காய்த்துத் தொங்கும் பனைமரம்
*
கோடையிலே மட்டைகள்
விசிறியாகும் பனை மரம்
வீட்டின் மேலே வேய்வதற்குக்
கூரையாகும் பனைமரம்
*
வெட்டிவெட்டித் தின்பதற்கு
நுங்கு தரும் பனைமரம்
அவித்துத் தின்ன ருசிமிகும்
கிழங்கு தரும் பனைமரம்
*
கருப்பட்டி தரும் பனைமரம்
கற்கண்டு தரும் பனைமரம்
பதநீர் தரும் பனைமரம்
காயகல்பம் பனைமரம்
*
உடல் வெப்ப நோய்களைக்
குணப்படுத்தும் பெரும் மரம்
சித்த மருத்துவத் துறையிலே
சிறந்து விளங்கும் மருந்து மரம்
*.
நுங்கு வண்டி ஆசைப்பட்ட அங்குசாமி
ஓடியோடிப் பார்க்கிறான்
வாங்கித் தின்னக் காசில்லாமல்
ஏங்கி ஏங்கித் தவிக்கிறான்
*
வெட்டி எரிந்தக் காய்களின்
குவியல்தனைப் பார்க்கிறான்
வண்டி செய்து ஓட்டுவதற்கு
ரெண்டு காய்கள் கேட்கிறான்
*
ரெண்டு காய்கள் தேர்வுசெய்து
வேகமாகப் பறக்கிறான்
ஓரமாக அமர்ந்துக் கொண்டு
வண்டி செய்ய முனைகிறான்
*
ஓரடிக் கொம்பின் முனையில்
ரெண்டு காய்கள் சொருகினான்
நீண்டக் கொம்பினால் தள்ளித் தள்ளி
நுங்கு வண்டி ஓட்டினான்
*.