ஒரு போலீஸ் = 551 பேருக்கு பாதுகாப்பு – மத்திய ஹோம் செகரட்டரி தகவல்!

இந்தியாவில் 1 லட்சம் பேருக்கு 106 போலீசார் என்ற அளவில் போலீஸ்-மக்கள்தொகை விகிதம் மிக மோசமான நிலையில் உள்ளது என்றும் இது ஐ.நா பரிந்துரைத்துள்ள தேசிய சராசரியான 222 போலீஸ் என்ற அளவிற்கு பாதியாகும் என்பதுடன் அண்மையில் வெளியான அரசின் புள்ளி விபரங்களில் சுமார் 1093 ஐ.பி.எஸ் பணியிடங்கள் நிரப்பப்படாமல் காலியாக உள்ளது என்றெல்லாம் செய்திகள் வெளியான நிலையில் தற்போது இந்தியாவில் வசித்து வரும் மக்களில் 551 பேருக்கு ஒரு போலீஸ் காரர் என்ற விகிதத்தில் பாதுகாப்பு அளிக்கப்பட்டு வருவதாக மத்திய உள்துறைசெயலாளர் அனில் கோஸ்வமாமி லேட்டஸ்ட்டாக வெளியி்ட்டு்ள்ள ஒரு அறிக்கையி்ல் தெரிவித்துள்ளார்.

நாடெங்கும் தெருவில் நடக்கும் குற்றங்களுக்கு மட்டுமல்லாமல் கொலை, கொள்ளை, கற்பழிப்பு, தீவிரவாத தாக்குதல்கள் போன்றவற்றை கட்டுப்படுத்தவும், இந்தியாவின் போலீஸ்-மக்கள்தொகை விகிதத்தை தேசிய சராசரிக்கு சமன் செய்யவும் போதிய அளவில் காவல்துறை பலத்தை அதிகரிக்க வேண்டும் என நிபுணர்கள் விவாதித்து வருகின்றனர்.

இதனிடையே மத்திய ஹோம் செகரட்டரி இது குறித்து அவர்,”நாட்டில் கடந்த ஏழு ஆண்டுகளில் மக்கள் தொகை வளர்ச்சி 15.38 சதவீதமாக உள்ளது. அதேசமயம் போலீசாரின் வலிமை 0.40 சதவீதமாக அதிகரித்துள்ளது. இதன் காரணமாக கடந்த 2002-ம் ஆண்டில் 718 பேருக்கு ஒரு போலீஸ்காரர் என்ற நிலை மாறி 2012-ம் ஆண்டு 551 பேருக்கு ஒரு போலீஸ்காரர் என்ற நிலை காணப்படுகிறது. நாடு முழுவதும் கடந்த 2002-ல் போலீசாரி்ன் எண்ணிக்கை 3.48 லட்சம ஆக இருந்தது. அவை 2012-ம் ஆண்டில் 4.62 லட்சம் ஆக அதிகரித்துள்ளது. மேலும் நாட்டில் பயங்கரவாத சம்பவங்கள், பாதுகாப்பு அச்சுறுத்தல்கள் , வகுப்புவாத வன்முறை போன்றவை அதிகரித்துள்ளதும் ஒரு காரணமாகும்” என தெரிவித்துள்ளார்.

அதே சமயம் போலீஸ் ஆராய்சி மறறும் மேம்பாட்டு கழகத்தின் அறிக்கை படி 2002-ல் 100 சதுர கிலோ மீட்டருக்கு 46.39 போலீசார் என்ற நிலை மாறி 2012-ல் அவை 69.76 ஆக அதிகரித்துள்ளது என்பதுடன் புவியியல் அடிப்படையில் 1.43 சதுர கி.மீ., தூரத்திற்கு ஒரு போலீஸார் பாதுகாப்பு வேண்டும். ஆனால் கடந்த 11 ஆண்டுகளில் அவை 50.38 சதவீதம் அதிகரித்துள்ளது என்றும் தெரியவருகிறது.
-
நன்றி:ஆந்தை ரிப்போர்ட்டர்