திரு மோடிக்கு கேஜ்ரிவால் கேட்கும் கேள்விகள்

by **சிவா** Sat Mar 08, 2014 12:02 am

நாட்டில் உள்ள பல மாநிலங்கள் சூரிய மின்சாரத்தை ஒரு யூனிட் 8 ரூபாய் விலைக்கு வாங்கும் போது, குஜராத் மட்டும் 15 ரூபாய்க்கு வாங்குவது ஏன்?

முகேஷ் அம்பானியுடன் நெருங்கிய தொடர்பு வைத்திருப்பதால் தானே அவரது மருமகனுக்கு உங்கள் அமைச்சரவையில் மந்திரி பதவி தந்திருக்கிறீர்கள்?

சுரங்க மோசடி வழக்கில் 3 ஆண்டு சிறை தண்டனை பெற்று ஜாமினில் வெளியே வந்துள்ள பாபு பொக்காரியாவை மந்திரி பதவியில் அமர்த்தியிருக்கிறீர்கள். ஏன்?

சமையல் எரிவாயு விலையை 4 டாலரில் இருந்து 8 டாலராக உயர்த்த மத்திய அரசு முடிவு செய்திருந்த போது அதை 16 டாலராக உயர்த்த வேண்டும் என குஜராத் அரசு வற்புறுத்தியது ஏன்?

450 கோடி ரூபாய் அளவுக்கு மீன் வளத்துறையில் ஊழல் செய்த புருஷோத்தம் சோலாங்கிக்கு கூட உங்கள் அமைச்சரவையில் மந்திரி பதவி கொடுத்திருக்கிறீர்கள். குஜராத்தில் உள்ள 6 கோடி மக்களில் வேறு யாருமே இந்த பதவிகளுக்கு தகுதியானவர்கள் இல்லையா?

சவுரப் பட்டேலை கனிமம், பெட்ரோல், எரிவாயு மற்றும் எரிசக்தி துறை மந்திரியாக நியமித்து குஜராத்தின் இயற்கை வளங்களை எல்லாம் அம்பானி கூட்டத்துக்கு தாரை வார்த்து தந்து விட்டீர்கள்.

மாநில அரசின் 1500 பணியிடங்களுக்கு 13 ஆயிரம் பேர் விண்ணப்பிப்பதை வைத்தே குஜராத்தில் வேலையில்லா திண்டாட்டம் எப்படி தலைவிரித்து ஆடுகிறது என தெரியவில்லையா?

அரசு துறைகளில் ஒப்பந்த பணியாளர்களை நியமித்து அவர்களுக்கு மாதம் 5 ஆயிரத்து 300 ரூபாய் சம்பளம் தரப்படுகிறது. இந்த பணத்தை வைத்து ஒருவர் குடும்பம் நடத்த முடியுமா?

அரசு பள்ளிகள் மோசமான நிலையில் உள்ளன.

சுகாதார துறையும் சரியாக இயங்கவில்லை.

அரசு கையகப்படுத்திய நிலங்களுக்கான சரியான இழப்பீடு விவசாயிகளுக்கு வழங்கப்படவில்லை.

இந்நிலையில், குஜராத் மாநிலம் எல்லா துறைகளிலும் முன்னேறி விட்டது என மோடி திரும்பி திரும்பி பொய்களையே கூறிக் கொண்டிருக்கிறார் என கேஜ்ரிவால் குற்றம் சாட்டியிருக்கிறார்.

by **சிவா** Sat Mar 08, 2014 12:03 am

தனி விமானத்தில் கெஜ்ரிவால் பயணம்: எங்கிருந்து வந்தது பணம்?

புதுடில்லி: ஆம் ஆத்மி கட்சி ஒருங்கிணைப்பாளர் அரவிந்த் கெஜ்ரிவால், ஜெய்ப்பூரிலிருந்து டில்லிக்கு தனி விமானத்தில் பயணம் செய்துள்ளார். தனி விமானத்தில் பயணம் செய்ய அவருக்கு இந்தியா டுடே நிறுவனம் செலவு செய்துள்ளது சர்ச்சையை ஏற்படுத்தியுள்ளது.

காமன்வெல்த் முறைகேடு, மருத்துவமாணவி பாலியல் பலாத்காரம் உள்ளிட்ட பல்வேறு பிரச்னைகளில் சிக்கி திணறிய டில்லியில், ஊழலை ஒழிக்கப்போவதாகக் கூறி, பல போராட்டங்களை நடத்தி ஆட்சியை கைப்பற்றியவர் ஆம் ஆத்மி கட்சியின் ஒருங்கிணைப்பாளர் அரவிந்த் கெஜ்ரிவால். ஆட்சியில் வெறும் 48 நாட்களே மட்டும் இருந்த அரவிந்த் கெஜ்ரிவால் மக்களுக்கு செய்த சாதனைகளை விட அரசியல் ஸ்டன்ட்களே அதிகம். ஜன்லோக்பாலை நிறைவேற்ற மத்திய அரசு தடையாக இருந்த காரணத்தைச் சொல்லி ஆட்சியை விட்டு வெளியேறினார் கெஜ்ரிவால். ஆரம்பத்தில் கெஜ்ரிவாலின் நடவடிக்கைகளை ஆதரித்தவர்கள் பின்னர் அவரது செயல்பாடுகளால் கடும் அதிருப்தி அடைந்தனர். அவரது குருவாக கருதப்படும் அன்னா ஹசாரே கூட கெஜ்ரிவால் மீது கடும் அதிருப்தியில் உள்ளார். பொது நலனை விட தன்னை உயர்த்திக்கொள்வதில் கெஜ்ரிவால் மிகுந்த ஈடுபாடு காட்டுவதாக விமர்சனங்கள் எழுந்துள்ளன. சமீபத்தில் ஒரு பேட்டியில், டில்லி வரலாற்றில் தனது பெயர் அழிக்க முடியாத இடத்தைப் பிடித்து விட்டதாக பெருமிதத்துடன் தெரிவித்துள்ளார் கெஜ்ரிவால்.

இந்நிலையில், லோக்சபா தேர்தல் பிரசாரம் துவங்கியது. பா.ஜ., பிரதமர் வேட்பாளரான நரேந்திர மோடி, காங்கிரஸ் துணைத்தலைவர் ராகுல் உள்ளிட்டோர் சூறாவளி சுற்றுப்பயணம் மேற்கொண்டு பிரசாரம் செய்தனர். அவர்களைத் தொடர்ந்து அரவிந்த் கெஜ்ரிவாலும் பிரசாரத்தை துவக்கினார். பின்னர் என்ன நினைத்தாரோ, அவரது பார்வை குஜராத்தை நோக்கி திரும்பியது. குஜராத்தில் அம்மாநில முதல்வர் நரேந்திர மோடி செய்த சாதனைகளை நேரில் பார்க்கப் போவதாக கூறி கிளம்பிய, அங்கும் தனது அரசியல் ஸ்டன்ட்களை நடத்தினார். இதனால் பல இடங்களில் ஆம் ஆத்மி மற்றும் பா.ஜ., கட்சியினரிடையே மோதல் வெடித்தது.

இதனிடையே, இன்று குஜராத்திலிருந்து ராஜஸ்தான் மாநிலம் ஜெய்ப்பூர் வழியாக டில்லிக்கு தனி விமானத்தில் பயணம் செய்துள்ளார் அரவிந்த் கெஜ்ரிவால். ஒவ்வொரு பிரசார கூட்டத்திலும் மோடி மற்றும் ராகுல் ஆகியோருக்கு தேர்தல் பிரசாரத்திற்கான பணம் எங்கிருந்து வருகிறது என்பதை தவறாமல் கேட்கிறார் அரவிந்த் கெஜ்ரிவால். தற்போது தனி விமானத்தில் பயணம் செய்துள்ள அரவிந்த் கெஜ்ரிவாலுக்கு பணம் எங்கிருந்து வந்துள்ளது என சர்ச்சை எழுந்தது. இதற்கு பதிலளித்துள்ள கெஜ்ரிவால், இந்தியா டுடே நிறுவனமே தனது பயண செலவை செய்துள்ளதாக தெரிவித்துள்ளார். வி.ஐ.பி., கலாச்சாரத்தை ஒழிக்கப்போவதாக கூறியே ஆட்சிக்கு வந்த கெஜ்ரிவால் தற்போது அதே வி.ஐ.பி., கலாச்சாரப்படி தனி விமானத்தில் பயணம் செய்துள்ளது மக்களை அதிர்ச்சியடையச் செய்துள்ளது.

by **T.N.Balasubramanian** Sat Mar 08, 2014 8:33 pm

அரசியல் என்பது ஒரு பெரிய சாக்கடை.
scoundrels last resort is Politics -Churchil .
அயோக்கியர்களின் கடைசி புகலிடம் அரசியல் --வின்ஸ்டன் சர்ச்சில்

ரமணியன்

by **ayyasamy ram** Sat Mar 08, 2014 9:10 pm

சுட்டு வரலால் எதிரியைக் காட்டி குற்றம் கூறுகையில்
மற்றைய மூன்று விரல்களும்
தங்கள் மார்பைக் காட்டுவதை மறந்து விடுகிறார்கள்...
-

by **Muthumohamed** Sat Mar 08, 2014 10:20 pm

T.N.Balasubramanian wrote:அரசியல் என்பது ஒரு பெரிய சாக்கடை.
scoundrels last resort is Politics -Churchil .
அயோக்கியர்களின் கடைசி புகலிடம் அரசியல் --வின்ஸ்டன் சர்ச்சில்

ரமணியன்

சுருக்கமான அருமையான பதில் எனது விருப்பமும் கூட