வெளிநாட்டுக் கல்வி: நாடுகளும், கல்விச் செலவுகளும் !

வெளிநாட்டுக் கல்வியில் பொருளாதாரமே முக்கிய பங்காற்றுகிறது. அதுவும் இந்திய பொருளாதாரம் தளர்ச்சி அடைந்து இருக்கும் இது போன்ற காலங்களில் பொருளாதார முக்கியத்துவம் மிகவும் அதிகமாகிறது.



கல்விக் கட்டணம் என்பதையும் கடந்து தங்குமிடம் மற்றும் உணவுக் கட்டணம் அதிக செலவினை உருவாக்குவதாக அமைகிறது. நாடுகளுக்கு நாடு செலவுத் தொகையின் அளவு மாறுபடுகிறது. மேலும் ஒரே நாட்டிற்குள்ளும் காலநிலை, அமைவிடம், முக்கியத்துவம் ஆகியவற்றைப் பொறுத்து தேவைப்படும் பணத்தின் அளவு மாறுபடுகிறது. எந்த நாட்டில் எவ்வளவு செலவாகிறது என்பதனைப் பற்றிய சராசரி அளவீடுகளைக் காண்போம்.

ஆஸ்திரேலியா

தேவைப்படும் தொகை - 13,150 $ / வருடம்
தங்குமிட செலவு - 250 $ முதல் 1,500 $ வரை / மாதம்
மளிகை மற்றும் உணவுப் பொருட்களுக்காக - 300 $ முதல் 750 $ / மாதம்
எரிபொருள் மற்றும் மின்சாரம் - 220 $ முதல் 370 $ வரை / மாதம்
போக்குவரத்து - 35 $ முதல் 190 $ வரை / மாதம்
பொழுதுபோக்கு - 190 $ முதல் 370 $ வரை / மாதம்

சீனா

அமெரிக்க, ஐரோப்பிய நாடுகளை ஒப்பிடும்பொழுது செலவுத்தொகை உட்பட அனைத்தும் குறைவாகவே இருக்கிறது. சீனாவின் பெய்ஜிங், ஷாங்காய் போன்ற பெரிய நகரங்களில் வாழ்வதற்கான செலவு வருடத்திற்கு சராசரியாக 6,000 $ ஆகிறது. மேலும் சிறு நகரங்களில் இதன் அளவு சராசரியாக 3, 500 $ ஆக இருக்கிறது. மேலும் இங்கு போக்குவரத்துச் செலவும் மிகவும் குறைவு.

பிரான்ஸ்

பிரான்சைப் பொறுத்த அளவில் வருடத்திற்கு 7,000 € முதல் 8,500 யூரோ வரை செலவாகும். பாரீஸ் நகரத்தில் படித்தால் செலவு மேலும் கூடுதலாகும்.

வாடகை - 300 € முதல் 400 € வரை / மாதம்
உணவு - 230 € / மாதம்
போக்குவரத்து - 35 € / மாதம்
பொழுதுபோக்கு - 30 € / மாதம்

பிரான்சில் தங்கும் முதல் மாதத்தில் கூடுதலாக கீழ்க்கண்ட செலவுகளை செய்ய வேண்டியது இருக்கும்.

வீட்டு ஒப்பந்தம் - 400 € / வருடத்திற்கு
வீட்டு காப்பீடு - 50 € / வருடம்
சமூக பாதுகாப்பு உறுப்பினர் கட்டணம் - 203 € / வருடம்
நல உறுப்பினர் கட்டணம் - 70 € முதல் 285 € வரை / வருடம்

ஜெர்மனி

மாணவர்களின் வாழ்வியல் நிலை, படிக்கும் பல்கலைக்கழகம், தங்கும் இடம் ஆகியவற்றைப் பொருத்து செலவுத்தொகையில் வேறுபாடுகள் இருக்கும். வருடத்திற்கு சராசரியாக 8,000 யூரோ செலவாகும்.

வாடகை - 298 € / மாதம்
உணவு - 165 € / மாதம்
உடை - 52 € / மாதம்
நல காப்பீடு - 66 € / மாதம்
அலைபேசி, இணையதளம், தொலைக்காட்சி உரிமம் - 33 € / மாதம்
பொழுது போக்கு - 68 € / மாதம்

தொடரும் .....................

ஹாலந்து

படிக்கும் சர்வதேச மாணவர்களுக்கு உணவு, புத்தகம், உடை, பொழுதுபோக்கு, காப்பீடு போன்றவற்றுக்கு வருடத்திற்கு சராசரியாக 800 € முதல் 1100 யூரோ வரை செலவாகும். தங்குமிட செலவு தங்கக்கூடிய இடத்தைப் பொறுத்து மாறுபடும். சராசரியாக மாதத்திற்கு 300 € முதல் 600 யூரோ வரை செலவாகும்.

அயர்லாந்து

வருடத்திற்கு செலவாகும் சரசரி தொகை - 6,000 € முதல் 11,000 யூரோ வரை
தங்குமிடம் - 2,500 € முதல் 5,000 யூரோ வரை
பாடப்புத்தகம் - 600 €
உணவு மற்றும் வீட்டு சாதனப் பொருட்கள் - 1,500 € முதல் 2,500 யூரோ வரை
போக்குவரத்து, பொழுதுபோக்கு மற்றும் உடல்நலம் - 1,000 € முதல் 2,500 யூரோ வரை

இத்தாலி

சுற்றுலாத் தலங்கள், பெரிய நகரங்கள் ஆகியவற்றில் படிப்பது சிறு நகரத்தில் தங்கி படிக்கும் செலவுகளை விட அதிக செலவீனத்தை உண்டாக்கும். தங்குமிடம் அலைபேசி, போக்குவரத்து, பொழுதுபோக்கு போன்றவற்றுக்கு வருடத்திற்கு 10,000 € முதல் 15,000 யூரோ வரை செலவாகும்.

நியூசிலாந்து

இடத்திற்கு தகுந்தாற்போல செலவாகும் தொகை மாறுபடும். மாதத்திற்கு 650 $ முதல் 800 $ வரை செலவாகும்.

சிங்கப்பூர்

சிறப்பான போக்குவரத்து வசதிகளைக்கொண்டுள்ளதால் எந்த பகுதியிலிருந்து எந்த பகுதிக்கும் செல்வது எளிதானது.

தங்குமிடம் - 200 சிங்கப்பூர் S$ முதல் 1,500 S$ வரை / மாதம்
உணவு - 300 S$ முதல் 450 S$ வரை / மாதம்
போக்குவரத்து - 20 S$ முதல் 100 S$ வரை / மாதம்
தொலைபேசி - 30 S$ / மாதம்
புத்தகம், எழுதுபொருள் - 30 S$ - 100 S$ வரை / மாதம்
தனிப்பட்ட செலவுகள் - 100 S$ முதல் 200 S$ வரை / மாதம்

ரஷ்யா

ஐரோப்பிய, அமெரிக்கா, ஆஸ்திரேலியா போன்ற நாடுகளோடு ஒப்பிடும்பொழுது செலவுத்தொகை குறைவுதான். மொத்தமாக வருடத்திற்கு 3,500 $ முதல் 4,800 $ வரை செலவாகும். மாதத்திற்கு மளிகை செலவுகள் 160 $ முதல் 300 $ வரை செலவாகும்.

ஸ்பெயின்

செலவு அதிகமாகும் நாடுகளில் ஸ்பெயினும் ஒன்று. மாதத்திற்கு 1,200 $ முதல் 1,500 $ வரை செலவாகும். நகரத்திற்கு ஏற்ற வகையில் செலவுத்தொகை மாறுபடும். இணைய வசதிக்கு மாதம் 30 யூரோ செலவாகும். உணவுப்பொருட்களைப் பொறுத்தவரை நாடு முழுவதும் பெரிய வித்தியாசமிருக்காது.

இங்கிலாந்து

வெளிநாட்டு மாணவர் உணவு, வாடகை, எரிபொருள், மின்சாரம், இணைய வசதி, அலைபேசி போன்றவற்றுக்கு மட்டும் மாதம் சராசரியாக 940 $ முதல் 1,750 $ வரை செலவாகும்.

அமெரிக்கா

மெரிக்காவில் தங்கி படிப்பதில் 2 வகையான நிலைகள் உள்ளன. ஒன்று பல்கலைக்கழக வளாகத்தில் தங்கி படிப்பது. அடுத்தது பல்கலைக்கழகத்திற்கு வெளியே தங்குவது. இதில் பல்கலைக்கழக வளாகத்தில் தங்குவது அதிக செலவினை உண்டாக்கும். ஆனால் புதிதாக படிக்கச் செல்பவர்கள் முதல் 6 மாதத்திற்கு பல்கலைக்கழக வளாகத்தில் தங்குவது நல்லது. மேலும் பெரு நகரங்களில் செலவுகள் மிக அதிகமாகும்.

வாடகை - 400 $ / மாதம்
மளிகைப்பொருட்கள் - 100 $ / மாதம்
தொலைபேசி - 100 $ / மாதம்
இதர செலவுகள் 250 $ / மாதம்
காப்பீடு - 500 $ முதல் 100 $ வரை / வருடம்

இங்கு கொடுக்கப்பட்டிருக்கும் அனைத்து செலவுகளும் சராசரி அளவே. மாணவர்கள் தங்கும் நிலை, உணவுப் பழக்கம், பொழுதுபோக்கு போன்றவற்றைப் பொறுத்து இவற்றை விட சற்று குறைவாக செலவாவதற்கும், அதிகமாக செலவாவதற்கும் வாய்ப்புள்ளது. அந்தந்த பல்கலைக்கழகங்களில் படிப்பவர்களை தொடர்பு கொண்டால் உங்கள் வாழ்க்கை முறைக்கு எவ்வளவு செலவாகும் என்பதை மிகச்சரியாக கணிக்கலாம்.

குறிப்பு: இன்றைய நிலையில் 1 அமெரிக்க டாலரின் ( $) மதிப்பு - 62 ரூபாய் / 1 யூரோவின் (€) மதிப்பு - 85 ரூபாய் / 1 சிங்கப்பூர் டாலரின் ( S$) மதிப்பு - 48 ரூபாய்.

  

 

  

இது போக படிப்புக்கான செலவு. அதுதான் அதிகம்