ஆந்த்ரபாலஜிஸ்ட் என்றால் ஆந்திராக்காரர் என்று அர்த்தமில்லையா?

by balakarthik Tue Mar 04, 2014 12:36 pm

காலை நடைப் பயிற்சிக்குப் புறப்பட்ட போது எதிர்வீட்டிலிருந்து டிராக் சூட் போட்ட ஒரு உருவம் சேர்ந்து கொண்டது. உருவம் என்று ஏன் சொன்னேனென்றால் ஆம்பிளையா பொம்பிளையா தெரியவில்லை. அரவிந்த் கேஜ்ரிவால் போல தலையில் ஒரு மஃப்ளர் சுற்றி வாய் மூக்கு எல்லாவற்றையும் மூடி அதே கண்கள் படத்துக் கொலைகாரன் போல கண்கள் இரண்டு மட்டும்தான் தெரிந்தது.

“என்ன சார், Walking ஆ ?” என்று கேட்டு படு intelligent ஆக நான் ஊகித்து விட்டதை ஒரு பெருமிதச் சிரிப்பில் வெளிப்படுத்தினேன்.

அந்த உருவம் மஃப்ளரை லேசாக நீக்கி “குட் மார்னிங்” என்றது.

“ஓ.. சாரி. Walking இல்லை, WalkQueen ன்னு இப்பத்தான் புரியுது” என்றேன்.

தலையில் ஜெண்டிலாக மொத்திக் கொண்டு வேகமாக நடக்க ஆரம்பித்தார் எதிர்வீட்டுப் பெண்மணி. நான் விடவில்லை. வேகமாகப் பின்தொடர்ந்தேன்.

“நேத்து வீட்டுக்கு யாரோ Guest வந்திருந்தாங்க போலிருக்கே? BMW கார் நின்னதே வாசல்லே?”

“ஆமாம்.. பெரிய கை”

“BMW கார்ல ஸ்டியரிங் பெருசு போலிருக்கு”

முறைத்துவிட்டு அவர் வேகத்தை இன்னும் சற்று துரிதப் படுத்தினார். விடாமல் துரத்தி,

“அவர் யாருன்னு சொல்லவே இல்லையே?” என்றேன்.

“நாகேந்திர ராவ். விஜயவாடாவில் இருக்கார். ஆந்த்ரபாலஜிஸ்ட்”

நாங்கள் பேசிக் கொண்டே போகும் போது எதிரில் நண்பர் சத்யேந்திர பட் வந்தார். அவரை மேடமிற்கு அறிமுகம் செய்தேன்.

“இவர் சத்யேந்திர பட். பெங்களூரில் இருக்கார். கர்நாடகபாலஜிஸ்ட்”

இதைக் கேட்டதும் மேடம் ஒரு திசையிலும், நண்பர் எதிர்த் திசையிலும் ஓட ஆரம்பித்தார்கள்.

அப்போ ........... ]b]தலைப்பை மறுபடியும் படிக்கவும் [/b]

by **ஜாஹீதாபானு** Tue Mar 04, 2014 1:00 pm

ஆந்த்ரபாலஜிஸ்ட் என்றால் ஆந்திராக்காரர் என்று அர்த்தமில்லையா? 3838410834

by **krishnaamma** Tue Mar 04, 2014 1:22 pm

ஆரம்பிச்சியாருயா............ஆரம்பிச்சுடாருயா புன்னகை

...................... சிரி சிரி

by ஈகரையன் Tue Mar 04, 2014 3:56 pm

by **T.N.Balasubramanian** Tue Mar 04, 2014 4:05 pm

Quote "முறைத்துவிட்டு அவர் வேகத்தை இன்னும் சற்று துரிதப் படுத்தினார். விடாமல் துரத்தி,"

சில பேர் கல்யாணம் ஆனாலும் , எவ்வளவு வயசானாலும் , எந்த வெளி நாட்டுக்கு போனாலும் ,விடாம இருக்குற விஷயமே "விடாமல் துரத்துறது தான் "
ரமணியன்

by balakarthik Tue Mar 04, 2014 4:53 pm

T.N.Balasubramanian wrote:Quote "முறைத்துவிட்டு அவர் வேகத்தை இன்னும் சற்று துரிதப் படுத்தினார். விடாமல் துரத்தி,"

சில பேர் கல்யாணம் ஆனாலும் , எவ்வளவு வயசானாலும் , எந்த வெளி நாட்டுக்கு போனாலும் ,விடாம இருக்குற விஷயமே "விடாமல் துரத்துறது தான் "
ரமணியன்

என்ன செய்வது சில விஷயங்கள் நம்மை ஜென்ம ஜென்மமாக விடாமல் துரத்துவதால் வந்த வினை இது